bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Makhuwa
/
Makhuwa VMK (Emakhuwa Bible)
/
Revelation 3
Revelation 3
Makhuwa VMK (Emakhuwa Bible)
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 4 →
1
“Wa ndyelo a ekerexa eri ya oSardi, mulepe: Awo ari masu a Yoole orino minepa mithannamiili sa Muluku ni ithenyeeri ithannapiili. Koosuwela mitekosanyu. Moosuwanyeya ntoko ekerexa ya okumi, mene eri yookhweene.
2
Muvenyeke! Mwaalipihere yaawo ahanle ni eneera ekhwe, niwoko nkimphwanya mitekosanyu sookwanela vamaithoni wa Mulukwaaka.
3
Vano, muupuwelele yeeyo mwaakhenlaanyu ni mwiiwalaanyu. Mwiiwelele ni murukunxe murima. Mwaahivenyatho, nkirwe ntoko namwiiya, ni nyuwo khamurwa musuwela ehuhu heeni kineeraaka kirwe wa nyuwo.
4
Wa soothesene, mookhalano iwo oSardi atthu vakhaani ahinanaringhe ikuwosaya. Awo eniyeette ni Miyo ni ikuwo sootteela, niwoko aaphwanela.
5
Namawina anaawaretho ikuwo sootteela. Nkirwa kicipiha nsinanawe mulivuruni ya okumi, mene nkimwaakhulele vamaithoni wa Atithaka ni andyelowaaya.
6
Yaawo arino maaru, yiiwe yeeyo Munepa onleelaaya ikerexa!
7
“Wa ndyelo a ekerexa eri ya oFiladelfiya, mulepe: Awo ari masu a Yoole ori Ootteela ni a ekhaikhai ni orino exaavi ya Davide. Yeeyo onghulaawe, khaawo ongwera owala, ni yeeyo ongwalaawe khaawo ongwera ohula.
8
Koosuwela mitekosanyu. Moone, koowiiyaatherani ohoolowanyu nsele noohuleya khaawo ongwera owala. Koosuwelatho weera murino ikuru vakhaani, mene moothokorora maswaaka ni khamukhoontte Nsinanaka.
9
Miyo kinimwaanyesereriha yaawo ari a eSinagoga* ya Satana, yaawo aniixeerela weera ari aYuda ehikhanle, ereene toko anamootha, weera erwe yookokhoreleni inaawosanyu ni esuwele weera kohoosivelani nyuwo.
10
Woonaka weera nyuwo moothokorora maswaaka aneera muvilele, Miyotho nkoothokororeni wa ehuhu yooweereriwa yeeyo ehanle vakhaani ophiyera elapo ya vathi yootheene, weera eweerere yaawo ankhala vathi.
11
Kinimoowa woowaakuveya. Mulipihe yeeyo muraanyuno weera ahikhale mukina aneera oowatuleni ecireembaanyu.
12
Kinimukhaliha namawina marimbu Mpaani mwa Mulukwaaka, ni vaavaawo kharwa akhuma. Nkilepe mwa yoowo Nsina na Mulukwaaka ni nsina na esidade ya Mulukwaaka, Yerusaleemu enyowani, mwa yeeyo enkhuruwa wiirimu wa Muluku ni nkilepetho mwa yoowo nsinanaka nnyowani.
13
Yaawo arino maaru, yiiwe yeeyo Munepa onleelaaya ikerexa!
14
“Wa ndyelo a ekerexa eri ya oLawodiseiya, mulepe: Awo ari masu a Ame*, Namoona oororomeleya ni a ekhaikhai, Namalamula a ephattuwelo ya Muluku.
15
Koosuwela mitekosanyu. Koosuwela weera khamuhiyono ooriira, naari ooviha. Fataari mwaari ooriira, hoye hoye ooviha!
16
Hiiho, woonaka weera muri ookuttiheya, oohiriira, naari oohiviha, Miyo kihanle vakhaani woorapheyani mmwaanomwaka.
17
Nyuwo muneera: ‘Miyo namuhakhu. Koophwanya mihakhu ni nkinghaawela etthu,’ khamusuwenletho weera muri oothoiwa, oowuuliheya muru, oohaawa, oohoona ni muri pwitipwiti.
18
Miyo kinoolakani weera muthume wa Miyo eyuuma yoorikaxa yoowiitthwihaxiwa mmooroni, weera muthatuwe namuhakhu, ni ikuwo sootteela soowara weera muttiyeleele ohiwarawanyu woowuuliha muru, ni murette wa maitho, weera muttikitthele maithwaanyu ni moone.
19
Kingwooperera ni kinaalaka yaale kinaasivelaaka. Tivawo, mweetteke ni nthiti ni murukunxe murimaanyu.
20
Moone, Miyo koheemela vamulako ni kineera: “Hoodi!” Akhala mukina oniiwa nsunaka ni onghula nsele, kinoovolowa ni kinimooca vamoha ni yoowo, ni owo ni Miyo.
21
Nkimvahe namawina ikuru sa okilaathi vamoha ni Miyo vahiceniwaka, hiiho ntoko Miyotho kiwinnaaka ni kikilaathiyaaka vamoha ni Atithaka vahiceniwaya.
22
Yaawo arino maaru, yiiwe yeeyo Munepa onleelaaya ikerexa!”
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 4 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22