bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Wolaytta
/
Wolaytta 2002 (WOB)
/
Zechariah 14
Zechariah 14
Wolaytta 2002 (WOB)
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
1
Be7ite, GODAA gallassai yees; he wode intteppe bonqqidobaa intte xeellishin, eti shaakki shaakki ekkana.
2
GODAI kawotettata ubbaa Yerusalaame bollan olau shiishshana; shiishshin katamai oiqettana; keettatikka bonqqettana; maccaasaarakka asai wolqqan gaittana. Katamaa asaappe baggai omoodettidi baana; shin attida asai katamaappe kiyenna.
3
Hegaappe guyyiyan GODAI kiyidi, kasekka olaa gallassi olettiyoogaadan, he kawotettatuura olettana.
4
He gallassi a tohoti Yerusalaameppe arshsho baggaara de7iya Dabira Zaite Deriyaa bolli eqqana. Dabira Zaite Dereekka arshshoppe arggo gakkanaashin, naa77u kiyidi phalqqettana; phalqqettin keehi aaho wombbai merettana; yaatobare deriyaassi baggai huuphessa baggi, qassi baggaikka tohossa baggi sher77i gaana.
5
He wombbai biidi Axeela gakkana; intte he wombbaara aadhdhidi baqatana. Ee beni Yihudaa Kawuwaa Ooziyaana laitti biittai qaaxxin, intte maizza aawati baqatidoogaadan, inttekka baqatana. Hegaappe guyyiyan, GODAI ta Xoossai yaana; qassi geeshshati ubbaikka aara issippe yaana.
6
He gallassi meegoi, shachchainne xumai de7enna;
7
he gallassai qamminne gallassi bainna, GODAI eriyo dumma gallassa gidana; he gallassi qammaikka poo7o gidana.
8
He gallassi de7o haattai Yerusalaameppe goggana; appe baggai Maxine Abban gelana; qassi baggai Meediteraane Abban gelana. He haattai balgguwan boniyan goggiiddi de7ana.
9
Qassi GODAI sa7a ubbaa bolli kawotana; he gallassi issi GODAA xalaalai de7ana; a sunttaikka mexi issuwaa gidana.
10
Gebaa7appe doommidi, Yerusalaameppe tohossa baggaara de7iya Rimmoona giyo katamaa gakkanaashin de7iya biittai ubbai dembbattana. SHin Yerusalaamee Biniyaama Penggiyaappe biidi, beni penggiyaa ginaara Zooziyaa Penggiyaa gakkanaashiininne, qassi Hanaani7eela Adussa Gimbbiyaappe biidi, kawo woiniyaa gum77iyoosaa gakkanaashin, ba sohuwan xoqqu giidi de7ana.
11
Yerusalaamee asai de7iyo soho gidana; hegaappe sinttan xayenna; an de7iya asaikka hirggi bainnan saro de7ana.
12
GODAI Yerusalaameera olettida asaa ubbaa shocana boshai hagaa: eti equwan de7ishin, eta ashoi wooqqana; eta aifee coociyan, eta inxxarssaikka eta kookkiyan wooqqana.
13
He gallassi GODAI eta wolqqaama dagamaa daganttana; asai ubbai issoi issuwaa kushiyaa oiqqidi, issoi issuwaara olettana.
14
Yihudaa asai Yerusalaame bagga gididi olettana. Qassi yuushuwan de7iya kawotettatu ubbatu aquwaa, worqqaa, biraanne maayuwaa qoodi bainnaagaa omooddidi shiishshana.
15
Ha boshaa mala boshai paratu bolli, baqulotu bolli, gaameelatu bolli, haretu bollinne morkketi dunkkaanidosan de7iya mehe ubbaa bolli yaana.
16
Hegaappe guyyiyan, Yerusalaameera olettida kawotettatu ubbaappe paxa attida ubbai Kawuwaassi, Ubbaappe Wolqqaama GODAASSI goinnanaunne Daase Ba7aalaa bonchchanau laittan laittan Yerusalaame baana.
17
Qassi ha sa7an de7iya asaappe ooninne Kawuwaassi, Ubbaappe Wolqqaama GODAASSI goinnanau Yerusalaame beennan aggikko, he asassi iri bukkenna.
18
Gibxxe biittaa asaikka biidi goinnennan ixxikko, Daase Baalaa bonchchanau beennan ixxiya asaa GODAI shociyo boshai eta bollankka yaana.
19
Daase Baalaa bonchchanau beennan ixxiya Gibxxeenne hara kawotettati ubbai qaxxayettana qixaatee hagaa gidana.
20
He gallassi paratu qooriyan aattiyo daalatu bollankka, “GODAAYYO Geeyidaagaa” geetettidi xaafettana. Beeta Maqidasiyan de7iya kattiyo ototikka yarshshiyoosaa sinttan de7iya geeshsha keretu mala gidana.
21
Yerusalaameeninne Yihudan de7iya oto ubbai Ubbaappe Wolqqaama GODAASSI geeshsha gidana; yaatobare yarshshuwaa yarshshiya asai ubbai yiidi, he otota ekkidi, yarshshuwaa ashuwaa etan kattana. He gallassi Ubbaappe Wolqqaama GODAA Beeta Maqidasiyaa giddon ai zal77anchchinne de7enna.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
All chapters:
1
2
3
4
5
6
7
8
9
10
11
12
13
14