3 John 1

Chinese TTVH 2021 (現代台語譯本漢字版)

Jump to:

1我長老寫批互親愛的該猶；你是我真心所疼的。

2親愛的朋友，我祝你萬事亨通，嘛祝你身體健康，親像你的心神赫呢勇壯。

3有幾個信徒來，給我證實你對真理忠誠，事實你一直有啲實行真理，我非常歡喜。

4聽著講我的子兒有啲實行真理，無一項比這閣較互我歡喜。

5親愛的朋友，你有忠實接待信徒，特別是出外人。

6𪜶曾佇會眾面前證實你的疼心。請你照上帝所歡喜的，幫贊𪜶繼續𪜶的旅程。

7因為𪜶為著基督的緣故出外傳道，攏無對未信者接受什麼。

8所以咱有義務接待此款的人，互咱通為著真理成做同工。

9我曾寫批互教會。可惜，愛欲做教會領袖的狄特腓毋接納我。

10所以，我若去，欲講起伊所做用歹話誹謗攻擊阮的代誌。毋若按呢，伊本身毋接待信徒，甚至阻擋願意接待的人，閣給𪜶革出教會。

11親愛的朋友，毋通學歹，著學好。作好的屬上帝；作歹的毋曾看見上帝。

12眾人攏稱讚底米特；真理本身嘛為著伊作證。阮嘛為著伊作證；你知阮的見證是真實。

13我猶有真多話愛寫，毋拘無愛用紙筆。

14我向望無久會見著你，咱才當面來講。

15願你平安！你的朋友攏給你請安。請替我給咱的朋友一個一個請安。

Jump to: