Hosea 14

Chinese TTVH 2021 (現代台語譯本漢字版)

← Chapter 13 Jump to:

1以色列啊，你的罪有互你跋倒，著越頭歸向上主 — 你的上帝；

2著倒轉來歸上主，給欲講的話準備好勢；著對伊講：「求你赦免阮攏總的罪，用恩典接納阮，阮就用稱讚代替牲禮。

3亞述𣍐當救阮；阮無欲閣騎馬出戰，無欲閣對阮造的偶像講：『你是阮的上帝。』因為阮諸個做孤兒的只有會當對你得著憐憫。」

4上主講：我欲醫好以色列的背叛，盡情疼𪜶，因為我已經對𪜶煞我的受氣。

5我欲親像甘露降落互以色列，𪜶就親像百合花開花，親像黎巴嫩的柏香樹釘根。

6𪜶的枝伸長，會茂盛親像橄欖樹；𪜶的芳味親像黎巴嫩的柏香樹。

7𪜶會倒轉來𫢶佇我的蔭影下，會親像五穀生長，葡萄樹開花；𪜶的好名聲親像黎巴嫩的酒。

8以色列啊，我及偶像有什麼關係？我欲應答恁，看顧恁，欲親像青翠的松樹致蔭恁。我是一切福氣的源頭。

9有智慧的人會明白諸個事。明理的人會了解諸個一切。上主的道路正直；義人一定會行諸個路，毋拘背逆的人會佇諸個路跋倒。

← Chapter 13 Jump to: