Jonah 3

Chinese TTVR (現代台語譯本羅馬字版)

← Chapter 2 Jump to: Chapter 4 →

1Siōng Chú ê ōe tē-jī piàn thoân hō͘ Iok-ná, kóng,

2“Khí--lâi, lí khì Nî-nî-bî hit-ê tōa-siâⁿ, chiong góa kau-tài lí ê sìn-sit tùi in soan-pò͘.”

3Iok-ná sûi-sî khí--lâi, chiàu Siōng Chú ê ōe khì Nî-nî-bî. Nî-nî-bî sī hui-siông tōa ê siâⁿ, tio̍h saⁿ ji̍t chiah kiâⁿ ōe thàu.

4Thâu chi̍t ji̍t, Iok-ná ji̍p-siâⁿ, soan-pò͘ kóng, “Koh sì-cha̍p ji̍t, Nî-nî-bî ōe húi-bia̍t.”

5Nî-nî-bî -lâng sìn Siōng-tè, chiū soan-pò͘ kìm-chia̍h, tùi tōa kàu sòe lóng chhēng môa-saⁿ chhàm-hóe.

6Chit-ê siau-sit thoân kàu Nî-nî-bî -ông hia; i chiū tùi ông-ūi khí--lâi, thǹg lé-ho̍k, chhēng môa-saⁿ, chē tī hé-hu.

7I koh tùi Nî-nî-bî -lâng soan-pò͘ kóng, “Ông kap tāi-sîn hā-lēng: Lâng kap cheng-siⁿ, gû-kûn iûⁿ-kûn, lóng put-chún chia̍h mi̍h-kiāⁿ — m̄-thang hō͘ in chia̍h, m̄-thang hō͘ in lim.

8Lâng kap cheng-siⁿ lóng tio̍h chhēng môa-saⁿ. Ta̍k-ê lâng tio̍h pek-chhiat kiû-kiò Siōng-tè, tio̍h hóe-kái khì-sak pháiⁿ hêng-ûi kap pō-le̍k.

9Bô-tiāⁿ-tio̍h Siōng-tè ōe hôe-sim-tńg-ì, bô hoat tōa siū-khì hō͘ lán bia̍t-bông.”

10Siōng-tè khòaⁿ-tio̍h in ê só͘-chòe, ū hóe-kái hòng-khì in ê pháiⁿ hêng-ûi, chiū kái-piàn sim-ì, bô chiong só͘ kóng ê chai-hō kàng-lo̍h tī in sin-chiūⁿ.

← Chapter 2 Jump to: Chapter 4 →

推荐阅读

注释 Jonah 注释书 → 灵修 Jonah 灵修指南 → 购买此圣经 TTVR (現代台語譯本羅馬字版) 研读本圣经 →