Malachi 4

Chinese TTVR (現代台語譯本羅馬字版)

← Chapter 3 Jump to:

1Siōng Chú — Bān-kun ê Thóng-sòe án-ni kóng, “Lín khòaⁿ, ji̍t-chí teh-beh kàu, hit-ji̍t ōe chhin-chhiūⁿ teh to̍h ê hé-lô͘; sî kàu, só͘-ū chū-ko kap choh-ok ê lâng lóng ōe chhin-chhiūⁿ be̍h-kó, hō͘ hé sio kah liân kun kap ki to lóng bô--khì.

2M̄-kú, lín chiah-ê kèng-ùi góa ê lâng, kong-gī ê ji̍t-thâu ōe chhut-hiān kā lín chiò; i ê kng ū i-tī ê kong-lêng. Lín ōe chhin-chhiūⁿ gû-káng-á chhut gû-tiâu phut-phut-thiàu.”

3Siōng Chú — Bān-kun ê Thóng-sòe kóng, “Tī góa chhái-chhú hêng-tōng hit-ji̍t, lín ōe thún-ta̍h siâ-ok ê lâng, chhin-chhiūⁿ teh ta̍h kha-ē ê thô͘-hún.

4“Tio̍h ōe-kì-tit góa ê po̍k-jîn Mô͘-se ê lu̍t-hoat, chiū-sī góa tī Hô-lia̍t-soaⁿ hoan-hù Í-sek-lia̍t -lâng tio̍h chun-siú ê kui-lē kap bēng-lēng.

5“Lí khòaⁿ, tī Siōng Chú hit-ê tōa koh thang-kiaⁿ ê ji̍t-chí lâi-lîm í-chêng, góa beh chhe-khián sian-ti Í-lī-a khì lín hia.

6I ōe hō͘ lāu-pē ê sim choán-ǹg kiáⁿ-jî, kiáⁿ-jî ê sim choán-ǹg lāu-pē, chiah bián góa lâi ê sî thiat-tóe húi-bia̍t chit-ê tōe.”

← Chapter 3 Jump to: