Obadiah 1

Chinese TTVR (現代台語譯本羅馬字版)

Jump to:

1Ē-bīn sī Gô-pa-tí-a tit--tio̍h ê khé-sī, sī Chì-koân ê Siōng Chú só͘ kóng koan-hē Í-tong ê sìn-sit. Siōng Chú chhe-khián sù-chiá khì lia̍t-kok, thoân-ta̍t Siōng Chú ê sìn-sit; i kóng: Khí--lâi, lán lâi-khì kap Í-tong kau-chiàn.

2Siōng Chú tùi Í-tong kóng, “Góa beh hō͘ lí tī lia̍t-kok tiong pìⁿ-chòe jio̍k-siáu; lí ōe tōa-tōa siū biáu-sī.

3Lí sim-lāi ê kiau-ngō͘ khi-phiàn lí; lí tòa tī chio̍h-tōng lāi, khiā-khí tī koân-soaⁿ téng, só͘-í, sim-lāi siūⁿ-kóng, ‘Sím-mi̍h-lâng ōe-tàng kā góa thoa-lo̍h tōe?’

4Sui-jiân lí chhin-chhiūⁿ eng-chiáu pe kah hiah-ni̍h koân, choh-siū tī chèng chhiⁿ-sîn ê tiong-kan, góa mā beh tùi hia kā lí thoa--lo̍h-lâi.” Siōng Chú án-ni kóng.

5Mî--sî chha̍t nā lâi thau, kiông-tō nā lâi chhiúⁿ, in kiám m̄-sī the̍h só͘ ài ê mi̍h nā-tiāⁿ? Bán phû-tô ê lâng nā khì lí hia, kiám bōe lâu tām-po̍h? M̄-kú, lí ōe thiat-tóe siū siau-bia̍t.

6Í-sò ê kiáⁿ-sun ah, lín chhàng ê châi-pó kèng-jiân siū chhiúⁿ-toa̍t!

7Só͘-ū kap lí kiat-bêng ê kok-ka kóaⁿ lí chhut lí ka-kī ê kok-kéng; lí ê bêng-iú ēng phiàn-su̍t cheng-ho̍k lí. Chia̍h lí ê pn̄g ê lâng siat lô-bāng hām-hāi lí, án-ni lí iáu bô hoat-kak?

8Siōng Chú kóng: Tī hit-ji̍t, góa beh húi-bia̍t Í-tong ê khiáu-lâng, beh sàu-tû in hiah-ê ū tì-hūi ê lâng;

9Thê-bān ê chiàn-sū ōe kiaⁿ-hiâⁿ, Í-tong só͘-ū ê lâng ōe siū châu-bia̍t.

10In-ūi lí chân-hāi ka-kī ê hiaⁿ-tī Ngá-kok, lí ōe kiàn-siàu kah beh sí, éng-oán siū húi-bia̍t.

11Tùi-te̍k kong-phòa i ê siâⁿ-mn̂g ê sî, lí tiām-tiām khiā-teh khòaⁿ; gōa-cho̍k chhiúⁿ-toa̍t châi-bu̍t, thiu-chhiam pun Iâ-lō͘-sat-léng hit-ji̍t, lí kèng-jiân chhap-chi̍t-kha.

12Lí ê hiaⁿ-tī tú-tio̍h chai-lān hit-ji̍t, lí m̄ eng-kai khiā-teh khòaⁿ; Iû-tāi -lâng siū húi-bia̍t hit-ji̍t, lí m̄ eng-kai hoaⁿ-hí; in tú-tio̍h chai-lān hit-ji̍t, lí m̄ eng-kai kā in thí-chhiò.

13Góa ê chú-bîn tú-tio̍h chai-hō hit-ji̍t, lí m̄ eng-kai ji̍p-khì in ê siâⁿ-lāi; in tú-tio̍h chai-lān hit-ji̍t, lí m̄ eng-kai khiā-teh khòaⁿ in siū-khó͘; in tú-tio̍h chai-hō hit-ji̍t, lí m̄ eng-kai chhiúⁿ-toa̍t in ê châi-bu̍t.

14Lí m̄ eng-kai khiā tī si̍p-jī-lō͘-thâu cha̍h tô-lān ê lâng, mā bô eng-kai tī chai-lān ê ji̍t chiong lān-bîn kau hō͘ tùi-te̍k.

15Siōng Chú sím-phòaⁿ bān-kok ê ji̍t kàu lah! Í-tong ah, lí án-chóaⁿ tùi-thāi lâng, lâng mā beh án-ni tùi-thāi lí; lí án-chóaⁿ chòe, mā beh án-ni siū pò-èng.

16Lín tī sèng-soaⁿ só͘ lim hêng-hoa̍t ê poe, chiu-ûi lia̍t-kok mā ōe sòa lo̍h-khì lim; in ōe kè-sio̍k lim, koàn kah chùi, kàu tùi tōe-bīn siau-bia̍t.

17Sek-an-soaⁿ teh-beh ū chhun--lo̍h-lâi tit-kiù ê lâng; chit-ê soaⁿ beh chiâⁿ-chòe sèng-soaⁿ. Ngá-kok ê hō͘-tāi ōe siu-hôe in ê sán-gia̍p.

18Ngá-kok ê hō͘-tāi chhin-chhiūⁿ jia̍t-hé, Iok-sek ê hō͘-tāi chhin-chhiūⁿ hé-iām, in beh sio Í-sò ê hō͘-tāi chhin-chhiūⁿ sio be̍h-kó. Í-sò ê hō͘-tāi lóng chhun bô pòaⁿ-ê! Siōng Chú án-ni soan-pò͘.

19Iû-tāi lâm-pêng ê Nî-kek-hu chū-bîn ōe chiàm-léng Í-tong-soaⁿ; tòa tī sai-pêng soaⁿ-po͘ ê lâng beh chiàm-léng Hui-lī-sū pêng-goân, koh siu-hôe Í-hoat-liân kap Sat-má-lī-a ê thó͘-tōe. Piān-ngá-bín -lâng ōe chiàm-léng Ki-lia̍t.

20Í-sek-lia̍t liû-bông ê tāi-kun ōe tńg-lâi cheng-ho̍k Hui-nî-ki, ti̍t-kàu Sat-le̍k-hoat; tùi Iâ-lō͘-sat-léng liû-bông khì Sat-te̍k ê lâng ōe chiàm-léng Nî-kek-hu ê siâⁿ-tìn.

21Hiah-ê tek-sèng-chiá beh chiūⁿ Sek-an-soaⁿ, tùi hia thóng-tī Í-tong; kok-koân chiū kui tī Siōng Chú.

Jump to: