2 Thessalonians 3

Zande

← Chapter 2 Jump to:

1Yangara ha, awirina, nga oni kpári tipa rani, ya ga Gbia pai oro i ki nitaasi he, a wa du he dagba oni a.

2Oni kpári Mbori batasi rani be ruguzuruguzu gbegberẽ aboro; bambiko i na idapase dunduko te.

3Ono Gbia nga irarengo ko anyákasa roni, ki nibanda roni be gbegberẽ ko.

4Ani du zaza rogo Gbia yo tipa roni, ya oni namanga agu apai gumba ani, oni amánga ha a.

5Gbia ngbé mbata yo fu kpotoroni yo ku rogo ga Mbori nyemuse yo, na ku rogo ga Kristo hipai yo.

6Awere ani nagumba ha fu roni, awirina, ni rimo gaani Gbia Yesu Kristo, ya oni kparaka tironi ti agu awirina dunduko nata utukuru, ka i ata nga fuo gu yugopai i adi he be rani ya.

7Bambiko oni ini he tigaoni waĩ oni ka wirika pa du wa ani; bambiko ani amanga nga dagba roni yo utukuru te.

8Ani ari nga riahe be gu boro gbua a te, ono ani amangi nyanyaki sunge na kenahe, ki nimangi he yuru na uru, ka ani fudi nga roni wa sa ya.

9Si nga bambiko ru nga ha fu rani te a nga si te, ono ka sa tirani ni kpiahe fu roni oni wiriki pa du wa ani.

10Bambiko kina ho ani adu ni na oni, ani agumba gere fu roni, Ka boro amanga nga sunge ya, ka ni ri nga he a ya.

11Bambiko ani gi pa agu yo dagba roni yo ya i nata utukuru, ka i amanga nga sunge wa sa ya, ono i du ni adingbiti pai.

12Were ani nagumba ha fu agu yo du wo ki nizungadi yo rogo Gbia Yesu Kristo yo ya i mangi sunge zezeredi, ki niri gayo riahe ni tiyo.

13Ono oni, awirina, ka oni mbú nga be manga wenengaĩ ya.

14Ka ngia gu boro agia nga sangbarani ti gi keke waraga re ya, oni bi nga gu boro re, ka oni kódi nga tironi na ni ya, ya zee mangi ni amanga.

15Ono ka oni yá nga ti ni vura du ya, ono oni rúgu ni wa du pa wirina.

16Awere Gbia zereda ko fú zereda ni tiko fu roni dedede rogo arago dú. Gbia dú na oni dunduko.

17Gimi paa kuti boro du re, nga Pauro, ni kina bere, si nga ngbaanga ti keke awaraga dunduko; wo mi nake he.

18Gu undahe nga ga gaani Gbia Yesu Kristo dú na oni dunduko.

← Chapter 2 Jump to: