3 John 1

Zande

Jump to:

1Gu bakumba fu Gayo nga badiangba, nga gu ko du nyemuko ti re ni rengo.

2Badiangba, mi nakpara ya apai nimangi amanga foro dunduko mo du zezeredi, wa apai namanga fu mbisimoro.

3Bambiko rago angba angba ti re bakere, ho awirina aye ni ki du ni adezire ga rengo, a wa mo nata rogo rengo yo.

4Bakere ngbarago ti re susi gi te re, ya mi gi pa awire i nita rogo rengo.

5Badiangba, agu apai dunduko mo amanga fu awirina naye kura aringara yo nzunzu pai mo amanga.

6I nga agu yo du ni adezire ga nyemuse barangba kanisa. I mo ka manga wenengaĩ niunda yo na gayo nduge ku mbata yo ku sangba sino Mbori yo.

7Bambiko i andu mbiko gu Rimo re, i adia nga ga aGendiria ahe wa sa te.

8Si du ka ani di ngbatunga agu yo ti ni ku gume re ani mongo du ti sunge na yo sa rengo.

9Mi ake pai fu kanisa, ono Dioturepe, nga gu ko nyemu du ni barumbatayo adu ti ko dagba yo yo ko adia nga rani ku gume te.

10Si du ka mi ye ti ni, mi ki tingidi gu gako apai ko namanga, nigumba pai menemene sa rani ni gbegberẽapai. Ko azereda nga kuti ni te, ko adia nga awirina a tigako ku gume te, ko naza agu yo aza nakpi nyemu he, ki nibafu yo ku sa yo dagba kanisa.

11Badiangba, ka oni wíriki nga gu pai gberẽ agberã ya, kina gu ngba angba. Gu ni namanga wenepai ni nga ga Mbori ni. Gu ni namanga gbegberẽpai ni abi nga Mbori te.

12Demeturio du aboro ni adezireko dũ, na rengo a ni tihe; ii, ani nga adezire a; mo ini aina ya gaani dezire nga rengo.

13Dungu apai nadu ngbare sa ke he foro, ono mi akpi nga nyemu ka ke he foro ni ime waraga na wiringua te.

14Ono mi namaa bangire ti bi ro mbembedi ani ki fura nibi kpakpurani.

15Zereda dú foro. Abadiangba sanango ro. Mo sanango Abadiangba ti rimoyo.

Jump to:

Recommended Reading

Commentary 3 John Commentaries → Devotional 3 John Devotional Guide → Get This Bible Zande Study Bible →