bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Zande
/
Zande
/
Romans 12
Romans 12
Zande
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 13 →
1
Si du mi akpara ti ni fu roni, awirina, mbiko ga Mbori inaapai, oni fú tironi ni unga ũmotumo, ni ziazia ha, si ngba fu Mbori, si nga boro gaoni mangapai.
2
Ka oni ringbisi nga tironi na gi zegino re ya, ono oni sá tironi asa ni mbakada berãroni berewe, oni kpária pa gu he nga ga Mbori nyemu he du ni wene he, nzunzu, ni ziazia ha.
3
Bambiko ya mi, mbiko gu undahe fu yo fere, fu agu yo dunduko du dagba roni yo, ka gu ni oere nga pa tini susi gu pai ka ni aberã ya, kina berã pai ka berã ha zezeredi, ku sangba wa Mbori afu ringbisiringbisi idapase.
4
Bambiko wa du aparani ni dungu he ti kina gu boroboro sa, apase dunduko gaha pai sa te:
5
kina wo du ani ngenge, nga kina gu boroboro sa rogo Kristo yo, ani ni ba sa sa nga apa akuarani.
6
Ugume be rani akia ku sangba gu undahe yo i afu fu rani, ka si du ni gumba pai, ani gumba ha agumba ku sangba ringbisa ha yo na gaani idapase;
7
ka si du ni mangaapai, ani fu tirani afu fu gaani mangaapai: ka si ngia gu ni nayugo pai, ni fu tini fu gani yugopai;
8
ka si ngia gu ni natungusa pai, ni fu tini fu gani tungusapai: gu ni nafu he, ni mangi he amanga wenengaĩ; gu ni nazoga aboro, ni zogo yo zaza; gu ni naina pai, ni ini he esuesu.
9
Ka nyemuse du nga ni biriki ya. Oni né gu pai ane nga gbegberẽpai; oni zí tironi kuti gu pai ngba angba.
10
Tipagunyemuse nga ga awirina oni ngbá angba yee na akuaroni; tipa irisa, oni moi kina akuaroni mbata yo.
11
Tipa du zaza ka oni nyómoro nga ya; oni dú kakaka toro yo; oni nimángi pa Gbia.
12
Rago angba ti roni na maabangirise; oni zádi pai azada rogo rungosi; oni kpátagara kuti kpe kindi.
13
Oni nifú agu ahe a fu ga Mbori aboro zingoho amanga yo; oni dí agu yo ku gume naye koyo du oni ni.
14
Oni nisámbua agu yo narungosi roni; oni sámbua yo, ka oni tiwa nga yo ya.
15
Rago ngbá angba ti roni na agu yo rago angba ti yo; oni kpári na agu yo nakpara.
16
Oni mongo nibérẽ pai aberã sa na akuaroni. Ka oni énde nga ya, ono oni úmbasi tironi sa gu sunge zanga irisa. Ka oni bérẽ nga pa tironi wa airatatamana ya.
17
Ka oni káraga nga gbegberẽpai fu boro ku ba gbegberẽpai wa sa ya. Oni nibérẽ kina agu apai iri aira bangiri aboro dunduko.
18
Oni dú zezeredi na aboro du, kina ro tigamo ka si du wa ka mo mangi he.
19
Abadiangba, ka oni mángi nga boro ti pai fu roni ya, kina ongo aonga fu zinga; bambiko si ni keke he ya, “Pa ira bape nga gimi, mi akáraga pai, Gbia nipoi wo.”
20
Ka vuraro du na gomoro, mo ki rigi ni ariga, ka ni du na gomoro ime, mo ki fu he afu fu ni ni mbiri he, bambiko manga mo wo, mo ka ba guta mbusa ti ni ku ri ni.
21
Ka gbegberẽpai dí nga be roni ya, oni dí adia be gbegberẽpai ni wenepai.
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 13 →
All chapters:
1
2
3
4
5
6
7
8
9
10
11
12
13
14
15
16
Recommended Reading
Commentary
Romans Commentaries
→
Devotional
Romans Devotional Guide
→
Get This Bible
Zande Study Bible
→