Titus 1

Zande

Jump to: Chapter 2 →

1Pauro, ga Mbori moyambu, nga ga Yesu Kristo mokedi, ku sangba gu idapase yo nga ga ga Mbori siasia aboro, na gu ina pa rengo du ku sangba sinombori yo,

2nimoi bangirise tipa nyenye unga, nga gu Mbori, arengba nga na re zire ya, akido pa ha mbata rago nikaenga;

3ono ko akusi gako pai ni kina gu rago angba ti ko rogo tungusapai yo, nga gu i afu ku be re ku sangba gu rugute yo nga ga Mbori Batasirani;

4Fu Tito, nga ndikidi wire ngbafuo gani idapase du sa: Undahe na zereda be Mbori na Kristo Yesu Batasirani.

5Mbiko gi pai re mi ahe ro Kurete yo, ya mo mbákadi agu apai nakpa, ki moi abaakumba rogo akanisa rogo abaakporo yo dũ, a wa mi aasia pa ha foro.

6Si rengbe bakumba zanga pai ti rimoni, nga kumba ku bangisa de, du na awirini ni aidipase, naamanga nga gbarakagbaraka pai na ruguzuruguzu he a ya.

7Bambiko babipai ka zanga pai ti rimoni wa du ni ni ga Mbori babandarago; ka ni du nga na nyakari ya, aipo nga ka zinga ya, akpika nga pai mbiko buda ya, adu nga ni bataboro ya, aura nga tipa marã ya.

8Ono ni du ni weneringi ni, nikpi nyemu agu aboro ngba angba, ni irarugatise, ni ruru ni, ziazia, ni iraruga gu nyemuhe du kpoto yo;

9nika kuti gu irarengo pai dũ ku sangba gu i ayugu ho yo, ya ni rengbe ka zúngadi boro ni ruru yugopai ki niyugu gopai fu agu yo nati kangu.

10Bambiko dungu airabau du ho, nga agumba kungba pai na airanangahe, dagba agu aYudo naidi pase a gbe,

11ngbayo ka du ni kisikisi he; nga agu aboro nagbarasa akporo na baha, niyugu agu apai aru nga fu yo ya, mbiko nyemu marã.

12Gu ni dagba yo, kina gayo nebi, aya, AKureto nga airazire dedede, gbegberẽ anya, nyomoronyomoro airaangbu.

13Gi dezire re rengo nga ha. Mbiko gere mo rugu yo nyanyaki, i du nzunzu rogo idapase yo,

14ka i agia nga ga aYudo sangbaturẽ, na gu rugute nga ga agu aboro nanyaga tiyo ti rengo ya.

15Agu yo du ziazia, apai du ni ziazia ha dunduko fu yo, ono agu yo du ni birikobiriko yo ki zanga idapase, a nga he sa ni ziazia ha fu yo te; ono gayo berã gbia kuti sangba kpotoyo yo si du ni birikobiriko ho.

16Ya yo auru ngbayo i ini Mbori; ono i naora rimoko ti gayo mangaapai, wa du yo ni airawasiro, keretu akeretu, ki ti ku sa yo ti ruru manga apai dunduko.

Jump to: Chapter 2 →