Esther 10

Zulu 2020 (IsiZulu 2020)

← Chapter 9 Jump to:

1Inkosi u-Ahasheveroshi yathelisa intela izwe nababeseziqhingini zolwandle.

2Zonke izinto ezinkulu, nezimangalisayo azenzayo, nendaba yonke yokukhushulelwa kukaMoridekhayi esikhundleni esikhulu, kubhaliwe emilandweni yamakhosi amaMediya namaPheresiya.

3UMoridekhayi, umJuda, wayengowesibili ngokwesikhundla embusweni wenkosi u-Ahasheveroshi, enamandla phakathi kwabaJuda, iningi labakubo limthanda, ngokuba wayesebenzela inhlalakahle yabantu bakubo, elwela ukuphatheka kahle kwazo zonke izizukulwane zabo.

← Chapter 9 Jump to: