1 Samuel 16

Amharic Dawro DFBE (ጌሻ ማጻፋ) No Year

← Chapter 15 Jump to: Chapter 17 →

1መና ጎዳይ ሳመላ፥ “እስራኤልያ ቦላ እ ካትያ ግደና ማላ፥ ታን እጻክቼዳ ሳኦላ ድራዉ፥ ኔን አዉደ ጋካናዉ ዬካይ? አነ ካጭያን ዛይትያ ኩንደ ከሳ፤ ታን ኔና ቤታልሄምያ እሰያኮ ኪታይ፤ ካትያ ግዳና ማላ፥ ታን አ ናናቱዋ ግዶፐ እቱዋ ዶራ ዎድ” ያጌዳ።

2ሳመል፥ “ታን ዋናደ ቦ? ሳኦል ስሲደ ታና ዎና” ያጌዳ። መና ጎዳይ ሳመላ፥ “ኡሳቶ እትኖ አካ ባደ፥ ‘ታን መና ጎዳዉ ያርሻናዉ ያድ’ ያጋ።

3እሰያካ ያርሹዋ ሳኣ ጼሳ። ኔን ኦናባ ታን ኔና በሳና፤ ታን ነዉ ኦድያዋ ታዉ ኦካ” ያጌዳ።

4ሳመል መና ጎዳይ ኦዴዳዋ ኦዳ፤ ቤተሌመ ቤዳ። ቤተሌመ ካታማ ጭማቱ ኮኮሪደ አናና ጋከቴድኖ። ኡንቱንቱ አ፥ “ኔን ሳሮተዉ ያድ?” ያጊደ ኦቼድኖ።

5ሳመል፥ “ኤ፤ ሳሮተዉ ያድ፤ ታን መና ጎዳዉ ያርሻናዉ ያድ፤ ህንተንቱካ ጌይተ፤ ያቲደ ታናና ያርሹዋ ሳኣ ደንድተ” ያጌዳ፤ ቃይ እሰያነ አ ናና ጌሺደ፥ ያርሹዋ ሳኣ ኡንቱንታ ጼሴዳ።

6ኡንቱንቱ ያርሹዋ ሳኣ ጋክያ ዎደ፥ ሳመል እሰያ ናኣ ኤልኣባ በኢደ፥ “ቱሙፐ መና ጎዳይ ኦክያዌ ሀዋን መና ጎዳ ስንን ኤቄዳ” ያጊደ ቆፔዳ።

7ሽን መና ጎዳይ ሳመላ፥ “አ ማላ ዎይ አ ጌሳ አዱሳተ ጼሎፓ፤ ታን አ እጻድ። አያዉ ጎፐ፥ ታን መና ጎዳይ አሳይ ጼልያዋዳን ጼልከ፤ አሳይ ዴሙዋ ጼሌ፤ ሽን መና ጎዳይ ዎዛና ጼሌ” ያጌዳ።

8እሰይ አብናዳባ ጼሲደ፥ ሳመላ ስን አዳ፤ ሳመል፥ “ቱይት፤ መና ጎዳይ ሀዋካ ዶርቤና” ያጌዳ።

9ያትና፥ እሰይ ሻማ አዳ፤ ሳመል፥ “ቱይት፤ መና ጎዳይ ሀዋካ ዶርቤና” ያጌዳ።

10ሄዋዳን ኦደ፥ እሰይ ባረ ናና ላፑኑዋ ሳመላ ስን አዳ፤ ሽን ሳመል እሰያ፥ “መና ጎዳይ ሀዋንታ ዶርቤና” ያጌዳ።

11ሄዋ ድራዉ፥ እ እሰያ፥ “ነዉ ደእያ ናናይ ሀዋንቱ ጻላሌየ?” ያጊደ ኦቼዳ። እሰይ፥ “ኡባፐ ቴፋ ናአይ አቴዳ፤ ሽን እ ዶርሳቱዋ ሄሜ” ያጌዳ። ሳመል፥ “ኪታደ አ አህሳ፤ እ ያና ጋካናዉ ኑን ያርሾኮ” ያጌዳ።

12እሰይ ኪቲደ፥ ናኣ አህሴዳ፤ ሄ ናአይ አርሳ፤ አይፍያና ሎእያ ማላ ሎአ። መና ጎዳይ ሳመላ፥ “ደንዳ ኤቃደ ኦካ፤ ሀዌ አ” ያጌዳ።

13ሳመል ካጭያ ዛይትያ አኪደ፥ አ እሻቱ ስንን ዳዊታ ኦኬዳ። ሄ ጋላሳፐ ዶሚደ፥ መና ጎዳ አያናይ ዳዊታ ቦላን ዎልቃፐ ዎዳ። ሄዋፐ ጉይያን፥ ሳመል ደንዲደ፥ ራማ ካታማ ቤዳ።

14መና ጎዳ አያናይ ሳኦላፐ ሻከቴዳ፤ መና ጎዳፐ ኪተቴዳ ኢታ አያናይ ሳኦላ ኡንኤዳ።

15ሳኦላ ቆማቱ አ፥ “ጾሳፐ ኪተቴዳ ኢታ አያናይ ኔና ኡንኤ።

16ኑ ጎዳይ ዲ ሎይ ዲጽያ አሳ ኮያና ማላ፥ ባረ ቆማቱዋ፥ ሀዋን ደእያዋንታ አዛዞ። ጾሳፐ ኪተቴዳ ኢታ አያናይ ኔና ኦይቂያ ዎደ፥ ሄ ብታን ዲ ዲጻና፤ እ ዲጽና ነዉ ኬካና” ያጌድኖ።

17ሳኦል ባረ ቆማቱዋ፥ “ዲ ሎይደ ዲጽያ አሳ ኮዪደ፥ ታዉ አኪደ ዪተ” ያጌዳ።

18ቆማቱዋፐ እቱ ሳኦላ፥ “በአ፤ ቤታልሄምያ እሰያዉ ዲ ሎይደ ዲጽያ እት ናአይ ደኤ። ሄ ናአይ ጻላነ ቶራንቻ አሳ፤ ሃሳያዉ ጭንጫነ ማላ ሎአ አሳ፤ ቃይ መና ጎዳይ አናና እትፐ ደኤ” ያጌዳ።

19ያትና፥ ሳኦል እሰያኮ ኪቲደ፥ “ነ ዶርሳ ሄምያ ነ ናኣ ዳዊታ ታዉ የዳ” ያጌዳ።

20ሄዋፐ ጉየ እሰይ ኡክ፥ ኦጎሩዋ ዎይንያ ኤሳነ ጋሎ ዶርሳ ማራ እቱዋ ሀርያን ጫኒደ፥ ባረ ናኣ ዳዊታና ሳኦላዉ የዴዳ።

21ዳዊተ ሳኦላኮ ዬዳ፤ አ ኪታን ገሌዳ። ሳኦል ዳዊታ ሎይ ዶሴዳ፤ ዳዊተ ሳኦላዉ ኦላ ሚሻ ኦይቂያዋ ግዴዳ።

22ያትና፥ ሳኦል እሰያዉ፥ “ዳዊተ ታዉ ኦደ ጋምእሾ፤ ታን አ ዶሳድ” ያጊደ ኪቴዳ።

23ሄዋፐ ስምና፥ ጾሳፐ ኪተቴዳ ኢታ አያናይ ሳኦላ ኦይቂያ ዎደ ኡባን፥ ዳዊተ ዲ አኪደ ባረ ኩሽያን ዲጸ፤ ኢታ አያናይ አ የድያ ድራዉ፥ ሳኦላዉ ኬኬነ እ ፓጼ።

← Chapter 15 Jump to: Chapter 17 →