2 Thessalonians 2

Amharic Dawro DFBE (ጌሻ ማጻፋ) No Year

← Chapter 1 Jump to: Chapter 3 →

1ሀእ ኑናዳን ጾሳ ካልያዋንቶ፥ ኑ ጎዳ የሱስ ክርስቶሳ ዩሳባዉነ ኑን አናና ደአናዉ አኮ ሺቃናባዉ፥

2ትምቢትያ አሳይ ህንተንቶ ኦድያዋን ዎይ ሀራ አሳፐ ስሴዳ ቃላን፥ ዎይ ኦንነ ኑፐ ዬዳ ኪታዳን ሃሳይያዋን፥ “ጎዳ ጋላሳይ ጋኬዳ” ጊደ ህንተንቱ ኤለካ ዳጋመናዳንነ ዎዛና ባየናዳን፥ ኑን ህንተንታ ዎሴቶ።

3ህንተንታ ኦንነ አይ ኦግያንነ ባለፖ። አያዉ ጎፐ፥ ካሰቲደ ማካልያዌነ ቃይ ናጋራንቻይ፥ ባሻ ናአይ ቆንጨናን ደእሽን፥ ሄ ጋላሳይ ጋከና።

4አሳይ ጎይንያ ኡባባነ አሳይ ጾሳ ግያ ኡባባ እ እጻና። እ ባረና ኡንቱንቱ ኡባፐ ቁ ኦና። ቃይ ሀራይ አቶ ጾሳ ጌሻ ጎልያ ገል ኡቲደካ፥ “ታን ጾሳ” ጋና።

5ህንተንቱ ሀሳይክቴ? ታን ሄዋ ህንተንቶ ህንተናና ደኣደ ኦዳድ።

6እ ባረ ዎድያን ያናፐ አትን፥ ሀእ ያናዋ አያይ አ ተቂንቶ፥ ህንተንቱ ኤሪታ።

7አያዉ ጎፐ፥ ጹራ ግዴዳ ማካላይ ሀእ ኦ፤ ሽን ሄ ተእያዌ ኦግያፐ ክቻና ጋካናዉ፥ እ ቆንጨና።

8ሄዋፐ ጉይያን፥ ሄ ማካላንቻይ ቆንጭና፥ ጎዳይ የሱስ ባረ ዶና ፔኑዋን አ ዎና። ቃይ የሱስ ባረ ላኤን ቦንቾ ዩሳን አ ሙለካ ይሳና።

9ሄ ማካላንቻይ ሴጻና ኦሱዋን ዪደ፥ ዳሮ ዎልቃን ዎርዶ ማላታነ ማላልስያዋ ኦና።

10ሄዋዳንካ፥ ቃይ ይያ አሳቱዋ ዱማ ዱማ ኢታ ጭሙዋን ባለና። ይያዋንቱ አታናዉ ቱማተ ሲቂደ አክቤና ድራዉ ያና።

11ሄዋ ድራዉ፥ ቱማተ አማንቤና ኡባ አሳቱ፥ ናጋራ ኦያዋን ናሸትያዋንቱ ኡባይ ፕርደታናዳንነ ዎርዶ ግድያባ አማናናዳን፥ ጾሳይ ዎልቃማ ባላ ኡንቱንቱ ግዶ የዳና።

13ሽን ጎዳይ ሲቅያ ኑናዳን ጾሳ ካልያዋንቶ፥ ኑን ጾሳ ህንተንቱ ድራዉ፥ ኡባ ዎደ ጋላታናዉ በሴ። አያዉ ጎፐ፥ ጌሻ አያና ዎልቃንነ ቱማተ ህንተንቱ አማንያዋን ህንተንታ አሻናዉ፥ ጾሳይ ህንተና ባይራዳን ዶሬዳ።

14ጾሳይ ህንተንታ ኑን ህንተንቶ ኦዴዳ ኑ ምሽራቹዋ ቃላ ባጋና ጼሴዳዌ፥ ህንተንቱ ኑ ጎዳ የሱስ ክርስቶሳና እትፐ ቦንቼታናሳ።

15ስም ኑናዳን ጾሳ ካልያዋንቶ፥ ምኒደ ኤቂተ፤ ኑን ህንተና ኑ ዶናን ግድና፥ ዎይ ኑ ዳብዳቢያን ግድና፥ ታማርሴዳ ዎጋ ኦይቂተ።

16ኑ ጎዳ የሱስ ክርስቶስ ባረ ሁጲያን ቃይ ጾሳይ፥ ኑ አዉ ኑና ሲቂደ፥ ባረ አ ኬካተን ኑዉ መና ዳንዳያነ ሎኦ ህዶታ እሜዳዌ፥ ቃይ ህንተንቱ ሎኦባ ኡባ ኦናዳንነ ሃሳያናዳን፥ ህንተንቱ ዎዛና ምንሶነ መን።

← Chapter 1 Jump to: Chapter 3 →