bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Amharic
/
Amharic Gamo (Geeshsha Maxaafa)
/
Jeremiah 46
Jeremiah 46
Amharic Gamo (Geeshsha Maxaafa)
← Chapter 45
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 47 →
1
Kawoteththata gishshas nabe Ermaasakko yida GODAA qaalay hayssafe kaalli dizayssa;
2
Gibxe gishshas Yuhuda kawo Iyosiyaasa naa Iyo7aaqemey kawotida oydanththo layththan, Efiraaxise Shaafa matan diza Karkamishen, Baabiloone kawo Nabukadanaxoorey xoonida Gibxe kawo Nika ola asaa bolla yootettida kiitay hayssafe kaalli dizayssa;
3
«Intte wogga gondallenne qeeri gondalle giigsite; histtidi olas kezite!
4
Intte parata kooridi toggite; intte hu7en birata qoobe woththidi, intte soho soho oykkite! Intte toora leefte; intte ola may7oka may7ite!
5
Gido attiin hayssi tani be7izay aazee? keehi yayyidi guye undudeettes; wolqqama istta olanchchati xoonettida; guye simmi xeellontta eeson baqateettes; ubbason shiroy dees.
6
Pilatay baqati attenna; minoykka kessi ekki attenna; pudeha baggan Efiraaxise Shaafa matan dhuphetti kundida.
7
Hayssi Abbaye Shaafa mala kixxidi guppizay qasse di7o haaththa mala goggizay oonee?
8
Gibxey Abbaye shaafay kixxidi guppiza mala guppees; di7o haaththa mala xongettees; Gibxey, ‹Tani kezada biitta kammana; katamatanne isttan diza asaa dhayssana› gees.
9
Paratoo guppi kezite; para-gaaretoo adaraasite; gondalle oykkida Tophphiya asaynne Puuxe asay, wondafe waaxi oykkida mino gidida Luudime asati, intte mino olanchchati olas dendite.
10
He gallassay GODAA Ubbaafe Wolqqama Xoossa gallassa; izi ba morkketa bolla halo kessiza gallassa; mashshay kallana gakkanaas maana; saamo alana gakkanaaska suuth uyana; GODAY Ubbaafe Wolqqama Xoossay pudeha baggan Efiraaxise Shaafa matan isttas yarsho giigsi woththides.
11
Hanne Gibxe geela7oyee! pude Gala7aade keza; tiyettiza dhale ekka ya; gido attiin neni dhale coo mela darssaasa; ne paxakka.
12
Kawoteththati ne yeellateththaa siyana; ne yeehoy biitta kumana; olanchchay olanchchara oyketti kundana» gees GODAY.
13
Baabiloone kawo Nabukadanaxoorey Gibxe biitta yiidi olanayssa GODAY nabe Ermaasas yootida qaalay hayssafe kaalli dizayssa;
14
«Hayssa Gibxen yoota; qasse Gibxe katamatan Migidoolen, Memppisaninne Xaafinaasen awajja. Intte yuushon dizayta mashshay maana giigettida gishshas intte dizason dizason giigetti uttite.
15
Wolqqama gidida Aphphise geetettiza eeqa xoossay ays kundidee? GODAY iza sugi yeggida gishshas eqqana dandaybeenna.
16
Iza kaalliza asati zaari zaari dhuphettana; issoy issaa bolla kundana; ‹Ane dendite! Gede nu derenne nu asaakko ane simmoos; morkke mashshafekka ane kessi ekkoos› gaana.
17
Istti heen, ‹Gibxe kawo Paarooney baas imettida qaadan go7ettontta dishe coo ta days ta days gi ceeqettizaade gi xeygana› gides.
18
Iza sunththay GODAA Ubbaafe Wolqqama Xoossa geetettiza Kawoy, tani ta de7on caaqqays; zumata giddon diza Taaboore zuma misatizay, abba achchan diza Qarmeloose zuma misatiza issaadey yaanaas dees.
19
Intteno Gibxe biittan dizaytoo! Di7etti baanaas inttes dizaaz giigsite; Memppisa laallettada izin asi baynda bula gidana.
20
Gibxe biittay lo7o ussa mala; gido attiin saxxiza boxey pudeha baggafe yaana.
21
Miishshan shametti yida izi olanchchati modhdhida wofano mala. Istti qaxxayettana wodey gakkida gishshassinne istti dhayanaas wodey matida gishshas istti issife guye simmi baqatana; ba dizason minni eqqidi eqettanaas dandayettenna.
22
Morkkey xooni xooni yishin Gibxe asay baqatishe shooshshi suyqiza mala suyqana; mith qanxxana biza asa mala izi morkketi izo qanxxana kaltta ekki yaana.
23
Dhippi gida wora gidikkoka woray qeexettees; istta daroteththay boole mala; istti qoodettanaas dandayettenna.
24
Gibxe macca naya yeellatana; pudeha bagga deres aadhdha imettana.»
25
Ubbaafe Wolqqama GODAA Isra7eele Xoossay, «Teebeese xoossa Amoone bolla, Paaroone bolla, Gibxe bollanne izi eeqa xoossata bolla, izi kawota bollanne Paaroonen ammanettizayta bolla tani qixaate ehana.
26
Istta wodhanaas koyza Baabiloone Kawo Nabukadanaxoore kusheninne iza olanchchata kushen ta aaththa immana. Guuththa wodeppe guye Gibxey kaseyssaththo asi dizaso gidana» gees.
27
«Ta oosanchcha Yaaqoobe yayyofa; Isra7eele shirotoppa; ta nena haaho biittafe ne zarekka di7etti bidasoppe ashshana. Yaaqoobeykka simmidi saroteththan woppu gi daana; iza babisana miishshika deenna.
28
Ta nenara diza gishshas ta oosanchcha Yaaqoobe babbofa. Ta nena izan laallida kawoteth ubbaa mulera dhayssikokka nena gidikko mulera dhayssike. Ta nees bessiza qixaate qaxxayana attiin mela aggike» gees GODAY.
← Chapter 45
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 47 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52