bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Amharic
/
Amharic Gamo (Geeshsha Maxaafa)
/
Jeremiah 51
Jeremiah 51
Amharic Gamo (Geeshsha Maxaafa)
← Chapter 50
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 52 →
1
GODAY, «Be7ite! Baabiloonenne izin dizayta bolla dhayssiza carko tani yeddana.
2
Izo suragganaassinne izo dhayssanaas allagata ta Baabiloone bolla kiittana; iza metotida gallas izo dooddi oykkidi un7eththana.
3
Wondafe dukkizayti ba wondafe dukkanaas, ba ola may7o may7ana gakkanaas shemppo immofte; naateththa izi naytas qadhettofte; izi olanchchata mulera dhayssite.
4
Istti Baabiloone biittan siifettidi, izi ogetan hayqqana gakkanaas madunxidi kundana.
5
Istta biittaya Isra7eele Geeshsha sinththan mooron kumidaa gidikkoka Isra7eelenne Yuhuda Ubbaafe Wolqqama GODAY istta Xoossay istta yeggi aggibeenna.
6
«Baabilooneppe baqati kezite! Elelidi intte shemppo ashshite; izi nagara gaason dhayopite; hayssi GODAY halo kessiza wode izi ooso mala izis immana.
7
Baabilooney GODAA kushen worqqa xuu7a; biitta ubbaa maththosadus; kawoteththati ubbay izi woyne ushshaa uyida; hessa gishshas ha7i gooyida.
8
Baabilooney qoppontta dashe kunda meqqana; hessa gishshas izis waassite! Oonee erizay iza paxanaakko izi madunththaska dhale koyite.
9
«Asay, ‹Nuni Baabiloone paththanaas baaxetidos; iza gidikko paxana dandayukku; izi pirday pude salo gakkida gishshas shaaran gakkanaaska dhoqqu gida gishshas izo aggaagidi ane nu dere dere simmoos.
10
GODAY nu suureteththa gishshas markkattides; ane haa yiite; GODAA nu Xoossay ooththidayssa Xiyoonen awajjoos› gides.
11
«Toorata leefte; gondalletakka giigsite; GODAY Baabiloone dhayssana qoppida gishshas Meedoone kawota denththeththides; GODAY halo kessana; ba Keeththa gishshas halo kessana.
12
Baabiloone gimbeta bolla malata essite; minththi naagite; zabe naagizayta essite; zamadi uttidi olizayta giigsite. GODAY Baabiloone asaa bolla qoppida qofaanne ba halchcho polana.
13
Hanne daro shaafata matan dizaaree! aqotan keeha duretidaaree! Ne dhayana wodey gakkides; nees wurseththi gakkides» gees.
14
GODAY Ubbaafe Wolqqama Xoossay, «Booley biitta kumiza mala daro as ta ne bolla yeddana; heyti nena xoonida ufayssafe dendidayssan ne bolla ceeqettana» giidi ba sunththan caaqqides.
15
«Xoossi ba wolqqan sa7a medhdhides; ba aadho erateththan alame giigsides; salotakka ba akeekan miccides.
16
Izi ba cenggurssa sissiza wode salon diza haaththati guummeettes; shaarata izi sa7a gaxappe ehees; irara wolqqanth kiittees; ba minjjasohoppeka carko kiittees.
17
«As ubbay dammanne erateththi bayndayssa gidides; worqqa seerisizayti ubbay ba ooththida eeqa misletan yeellatida; istti giigsida misleti wordonne shemppoy bayndayta.
18
Istti hadanne kadhettidayta; istta bolla pirday yiza wode istti dhayana.
19
Yaaqoobe qaaday gidikko heytantta mala gidenna; izi ubbaa medhdhidayssa; Isra7eele asay izi baas doorida dere; iza sunththi GODAA Ubbaafe Wolqqama Xoossa» gees.
20
GODAY, «Baabiloone neni ta xam7anne ola massara; nenan go7ettada tani dere ubbaa menththereththadis; qasse kawoteththatakka dhayssadis.
21
Nenan paratanne para toggizayta dhayssadis; para-gaaretanne istta laaggizayta menththereththadis.
22
Nenan maccassatanne attumasata menththereththadis; cimatanne naateththata menththereththadis; panththatanne geela7ota menththereththadis.
23
Nenan heenththanchchatanne wudeta menththereththadis; goshshanchchatanne boorata menththereththadis; dere haarizaytanne shuumeta menththereththadis» gees.
24
GODAY, «Xiyoone bolla istti ooththida iita ooso gishshas Baabiloonesinne izin diza ubbaas intte intte ayfen be7ishin istta ooso mala ta isttas immana» gees.
25
GODAY, «Hanne dhayssiza zumayee! biitta ubbaa dhayssizaaree! ta ne hu7e bolla days; tani ta kushe ne bolla denththana; ta nena aafo hu7eppe duge bululana; ta nena xuugettida zuma histtana.
26
Neeppe yochcha shuchchi beettenna; gulas gidiza shuchchi ekettenna; neni mernaas bula gidana» gees.
27
«Biitta ubbaa bolla bandira denththite; kawoteththata giddon zaye punnite; kawoteththata izi bolla olas giigsite; Araraate, Minaanenne Ashkenaaze kawota olas izi bolla xeygi shiishshite; ola gadawa izi bolla shuumite; boole wude mala parata izi bolla yeddite.
28
Meedoone kawota, izo ayssizaytanne izi shuumeta ubbaa, istti haarizason diza kawoteththata ubbaa izi bolla olas giigsite.
29
Baabiloone oonikka dontta bazzo biitta histtanaas GODAY qoppida qofay polettana wodey gakkida gishshas biittay kokkorees; metonkka poporqqu gees.
30
Baabiloone olanchchati ola aggida; bantta miixan uttida; isttas wolqqay wurides; istti maccassa mala gidida; istta keeththatikka xuugettida; izi penge kolatati meqerettida.
31
Katamaya mulera oykettidayssa Baabiloone kawos yootanaas issi yombay hara yombas, issi qasttanney hara qasttannes heerakka toho bolla kaallees.
32
Shaafa pinniza purdeti oykettidayssa, shaafa matan diza miixati xuugettidayssa, istta wottadarati babon bul7akettidayssa, dagammidayssa yootanaas woxeretteettes» gees.
33
Ubbaafe Wolqqama GODAA Isra7eele Xoossay, «Baabiloone macca nayti kath bukkanaas giigiza bale mala; kaththa shiisho wodey izi bolla eeson gakkana» gees.
34
Baabiloone kawo Nabukadanaxoorey Yerusalaame aqota bonqqides; gaacci liiqisides; aykkoy baynda kayssa oto kessides; dawey mittiza mala deraa mittides; mal7o miza mala miidi guyeppe nuna kessi cuttides.
35
Hessa gishshas Xiyoone asay, «Nu bolla gakkida geney Baabiloone bolla gakko» gees; Yerusalaamey, «Nu suuththi Baabiloonen diza asata bolla gido» gawus.
36
Hessa gishshas GODAY, «Ne gishshas ta mootettana; ne halokka kessana; izi abbaanne pultto haaththata ta melissana.
37
Baabilooney laaleththi doorettizaso gidana; worakanati kaa7izaso gidana; dagamassinne qidhes malata gidana; oonikka izin deenna.
38
Izin diza asay wodalla gaammo mala xaaggees; gaammo mara mala daarees; istti ho7etti dendettishin ta isttas gibira giigsana; istti maththottana mala ooththana.
39
Miiccishe mernaas beeggontta dhisko dhiskana.
40
Laaqqa mala, dharsho malanne korbe mala ta istta shukas efana.
41
«Sheshaaka waana di7ettadee! Sa7a ubbay izin ceeqettizaara waana oykettadee! Baabilooney kawoteththata ubbaa sinththan ay mala daganththizaaz gidadee!
42
Abbay Baabiloone bolla kezana; dambalaykka guummishe izo mittana
43
Izi katamati asi bayndaso, asi mokki xeellonttaso, melanne bazzo biitta, aykkoy baynda bula biitta gidana.
44
Beele tani Baabiloonen qaxxayana; izi mittidayssaka ta cooshshana; hayssafe kawoteththay izakko goggenna; Baabiloone gimbey kundana.
45
Ta deretoo! Izippe kezite; intte shemppo ashshite; yashshiza GODAA hanqofe kessi ekki attite.
46
Worey biittayn seetettishin hidota qanxxoftenne babofte; kawoy kawo bolla dendizayssa, makkallateththi biittay bolla dizayssa issi worey ha layththan, haray layth kaallidi yaana.
47
Tumappe tani Baabiloone eeqa xoossata qaxxayana wodey yaana; biittaya kumeth kawuyana; siifettidayti ubbay izin porccu gi kundana.
48
Dhayssizayti pudeha baggafe yiidi izo oliza gishshas saloynne sa7ay qasse istta giddon diza ubbay Baabiloone bolla ilili gaana» gees.
49
GODAY, «Biitta ubbaan siifettidayti, Baabiloone gaason kundida mala Isra7eelen siifettidayta gaason Baabilooney kundana bessawus» gees.
50
Intteno mashshafe kessi ekki attidaytoo! Biite; hayssan takkofte; haako biittan dizaytoo GODAA akeekite; Yerusalaamekka qopite.
51
«Allagati geeshshasoho GODAA Keeth gelida gishshas, ‹Nuni cayettidos; yeellay nu sinth kammides; kawushshateththika gulluntidos› giite» gees.
52
Gido attiin GODAY, «Baabiloone eeqa xoossata qaxxayana wodey yaana; izi biitta ubbaan madunxidayti goottarana.
53
Baabilooney pude salo kezikokka, dhoqqu gida mino miixa ooththikokka tani dhayssizayta izi bolla yeddana» gees.
54
«Baabilooneppe waasoy siyettana; istta biittafe gita bashsha cenggurssi siyettana.
55
GODAY Baabiloone dhayssana; keeha waassiza izi waasoza co7u histtana; istta morkketi gita haaththa mala guummana; istta waasoykka kooshumana.
56
Baabiloone dhayssiza miishshi yaana; izi olanchchati di7ettana; istta wondafeykka meqqana; GODAY gene ooso gishshas halo kessizaadenne izi haniza miish ubbaas bessiza waaga qanxxiza Xoossa.
57
Izi shuumetanne aadho eranchchata izo haarizaytanne gita asata, izi olanchchata tani maththosana; istti mernaas ichchana; simmidikka beeggettenna» gees iza sunththi GODAA Ubbaafe Wolqqama Xoossaa geetettiza kawoy.
58
GODAY Ubbaafe Wolqqama Xoossay, «Gubbay dalga gidida Baabiloone gimbetti laalettana; dhoqqu gida izi pengetikka taman xuugettana; asay hada daaburees; kawoteththata daaburay tamas xalla gidana» gees.
59
Yuhuda kawo Sedeqiyaasi kawotida oydanththo layththan kawoza gibbe zabezi Ma7iseya naaza Neeriya naa Sarayay kawozara Baabiloone bida wode nabe Ermaasi izas yootida kiitay hayssa.
60
Ermaasi Baabiloone gishshas kase xaafi woththidayssa ubbaa Baabiloone bolla yaana bash ubbaa xaaththa maxaafan xaafides.
61
Sarayaska, «Neni Baabiloone gakkida mala hayssa qaala ubbaaka ne qaala dhoqqu histtada nababanayssa baloppa.
62
Neni, ‹Abeet GODAWU! Neni hanno ha sohoyin as gidiin mehey mulera dhayana gakkanaas mernaas bula kessana gadasa› ga.
63
Neni hayssa xaaththa maxaafaza nababa wursidaappe guye iza giddon shuch qachchada Efiraaxise shaafan efa yegga.
64
Histtada, ‹Baabilooneykka ta izi bolla ehiza bashshaafe dendidayssan hayssaththo mitettana; nam7anththo simma denduku; izi asaykka kundana› ga» gees. Ermaasi haasayda qaalay hayssan polettides.
← Chapter 50
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 52 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52