Ezekiel 19

Amharic Gamo (ጋሞ ማጻፋ)

← Chapter 18 Jump to: Chapter 20 →

1ጎዳይ፥ «ኢስራኤሌ ዳናታ ጊሻስ ዚላስ ዚላላና ማላ ታስ ዮቲዴስ፤

2ኢዚካ ታስ፥ « ‹ኔ ኣያ ካሴ ጋሞታ ጊዶን ኣይ ማላ ጋሞ! ዎዳላ ጋሞታ ጊዶን ኢቻዱስ፤ ባ ማራታካ ሄን ዲቻዱስ።

3ባ ማራታፔ ኢሳ ኢዛ ዲቺን፥ ኢዚ ሚኖ ጋሞ ጊዲዴስ፤ ኢዚ ሻንካቴ ታማርዲ ኣስ ሚዴስ።

4ካዎቴቲ ኡባይ ኢዛ ሃኖ ሲዪዳ፤ ኢስቲ ቦኪዳ ኦላን ጌሊዲ ኦይኬቲዴስ፤ ኢስቲካ ኢዛ ሲን ዳፎ ኣ ጎቺዲ ጊብጼ ቢታ ኤፊዳ።

5« ‹ኢዛ ሂዶታ ኦዳይሲ ጫልቃሚዳይሳ፥ ኢዛ ናጊዳይሲ ፖሌቶንታይሳ ቤኢዳ ዎዴ፥ ባ ማራታ ጊዶፌ ናምኣንዛ ዲቻዳ፥ ሚኖ ጋሞ ኬሳዱስ።

6ኢዚ ጋሞታ ጊዶን ኖቹ ጊዴስ፤ ሚኒ ሚኒካ ቢዴስ፤ ዎ ሙስ ኤሪዲ ኣሳካ ሚዴስ።

7ኢዚ ኢስታ ሚጻ ሜንሬዴስ፤ ኢስታ ካታማታካ ካይዚሲዴስ፤ ቢታይኔ ቢታን ዲዛ ኣሳይ ኡባይ ኢዛ ጻጎፔ ዴንዲዳይሳን ኮኮሪዳ።

8ኢዛ ዩሾን ዲዛ ካዎቴቲ ኡባይ ኢዛ ቦላ ዴንዲዳ፤ ባንታ ዴሬ ኡባፌ ኢዛ ቦላ ሺቂዳ፤ ባንታ ጊቴ ኢዛ ኦይካና ዬጊዳ፤ ኢዚ ኢስታ ኦላን ጌሊዲ ኦይኬቲዴስ።

9ሲን ዳፎ ዬጊዲ ኮ ጊዶን ጌልዳ፤ ባቢሎኔ ካዎኮ ኤፊዳ፤ ናምኣን ኢዛ ጬንጉርሲ ኢስራኤሌ ዙማታ ቦላ ሴቴቶንታ ማላ፥ ኢስቲ ኢዛ ቃሾ ኬ ጌልዳ።

10« ‹ኔ ኣያ ሃ ዶናን ቶኬቲዳ ዎይኔ ቱራ ማላ፤ ጎሻ ጋዴን ዳሮ ሃ ዲዛ ጊሻስ፥ ዳዪዳ ኣይፊዳ ዎይኔ ቱራ ሚሳታዱስ።

11ኢዚ ሃጋቲ ካዎቴስ ቤሲዛ ሚኖ ጉፌታ። ጪፒ ጊዳ ሃይታ ጊዶን፥ ባ ኣዱሳቴኒኔ ባ ጮራ ሃጋታን ሎኣ ቤታዱስ።

12ጊዶ ኣቲን ሃንቆን ቃሌታዱስ፤ ዱጌ ቢታን ኦሌታዱስ፤ ኣርሼይ ሞኪዛ ባጋ ጫርኮይ ኢዞ ሜሊሲዴስ፤ ኢዛ ኣይፊዳ ኣይፌዛ ቆቆፊዴስ፤ ሚኖ ኢዚ ሃጋቲ ዳጋሚዳ፤ ታማይካ ኢስታ ሚዴስ።

13ሃኢ ሃ ሳሜቲዳ ሜላ ቢታን ባዞን ቶኬታዱስ።

14ኢዚስ ዎጋ ሃጋታ ኢሳፌ ታማይ ኬዚዴስ፤ ኢዛ ኣይፊዳ ኣይፌዛ ሚዴስ፤ ካዎቴስ ጊዲዛ ኢሲ ሚኖ ሃጋይካ ኣቲቤና፤ ሃይሲ ዚላሳ፤ ጬጬ ጋላስ ሚላሳስ ጊዳና› ጋ» ጊዴስ።

← Chapter 18 Jump to: Chapter 20 →