Song of Solomon 8

Amharic Gamo (ጋሞ ማጻፋ)

← Chapter 7 Jump to:

1ኔ ታ ኣዬይ ን ሚ ዲጪዳ ታ ኢሻ ማላ ጊዲዳኮ ታ ኔና ኦጌን ዴማዳ ዬራ ኤኪዳኮ ታና ኦኒካ ካናኮሺን!

2ታና ታማርሲዳ ታ ኣዬይሶ ታ ኔ ኩሼ ኦይካዳ ኤፋናኮሺን፤ ኔ ኡያናስ ኦሮማኔፔኔ ዎይኔፔ ጉምኤቲዳ ሎኦ ኡሹ ታ ኔስ ኢማናኮሺን።

3ባ ሃዲርሳ ኩሼ ቦላ ታና ቦርኮቲሴስ፤ ኡሻቻ ኩሼንካ ታና ቆሜስ።

4ኢንቴኖ ዬሩሳላሜ ጌላኦቶ! ሲቆዚ ባስ ዶሲዲ ዴንዳና ጋካናስ ኢዛ ኢንቴ ቤጎንታ ማላ ታኒ ኢንቴና ሃዳራ ጋይስ» ጋዱስ።

5«ባ ሲቆ ላጌዛ ቦላ ዜምፓዳ፥ ባዞፌ ዪዛራ ሃና ኦኔ?» ጊዳ። «ቤኒ ኔ ኣያ ኔና ሚጻታ ዬሊዳ ኣፒሌ ሚ ጋርሳፌ ታ ኔና ቤጎ ዴንዲስ።

6ሜርና ሲቆን ኔ ዎዚናን ታና ዎ፤ ታና ጻላ ኔ ቄሴ ቦላ ማታሜ ማላ ሾጫ፤ ኣይስ ጊኮ ሲቆይ ሃይቆ ማላ ሚኖ፤ ቃናቴይ ዱፎ ማላ ሜንጼ ኢታ፤ ኢዚ ላጮይካ ታማ ላጮ ማላ ፖፖልኡ ጌስ።

7ሃ ዳሮይ ሲቆ ታማ ቶይሳናስ ዳንዳዬና፤ ዲኦይካ ሜጪዲ ኤፌና፤ ኣሲ ባስ ዲዛ ሚሽ ኡባን ሲቆ ሻማናስ ኮይኮ ሲቆይ ሚሻን ቤቶንታ ጊሻስ ኣሳይ ቂልጪ ካኤስ» ጋዱስ።

8«ን ኡቶንታ ቄሪ ሚቻ ኑስ ዳዉስ፤ ኣዚናይ ኢዞ ኦይቺኮ ኑ ኢዚስ ኣይ ኦኔ?

9ኢዛ ጊምቤ ጊዲዳኮ ኑኒ ኢዚ ቦላ ቢራፔ ሻኮ ኦና፤ ኢዛ ጌሊዛ ፔንጌ ጊዲዳኮ ኑኒ ኢዚ ቦላ ሊባኖሴ ዚጋፔ ሳንቃ ኬሳና» ጊዳ።

10«ቤኢቴ ታኒ ጊምቤ፤ ታ ንቲካ ሻኮ ማላ፤ ታኒ ታ ሲቆዛራ ዲዛ ዎዴ ኢዚ ኡፋይሲኔ ሳሮቴ ዴሜስ።

11ሶሎሞኔስ ባኣሊ-ሃሞኔን ዎይኔ ቶኪዛሶሆይ ዴስ፤ ሄ ዎይኔ ቶኪዛሶሆዛ ኦሳንቻታስ ኪራ ኢሚዴስ፤ ኢስቲካ ሁኤን ሁኤን ሺ ቢራ ኢዛስ ኤሄቴስ።

12ጊዶ ኣቲን ታስ ቡዞ ጊዲዳ ዎይኔ ቶኪዛሶሆይ ዴስ፤ ሶሎሞኔ ኔኒ ሺ ቢራ ኤካ፤ ኦሳንቻቲ 200 ቢራ ኤኬቶ» ጋዱስ።

13«ሃኔ ታ ሚሺራዬ! ኔ ኣታኪልቴ ጊዶን ዳሼ ሃሳይዛ ቃላ ታ ላጌቲ ሲያና ኮዬቴስ፤ ኣኔ ታናካ ኔ ቃላ ጬንጉርሳ ሲሳ» ጊዴስ።

14«ታ ሲቆዞ! ታኮ ኤሶን ሃ ያ! ሳዎ ኣታኪልቴቲ ሞኪዛ ዙማታ ቦላራ ጉፒዛ ጌኔሳ ዎይኮ ዉሻ ላቃ ሚሳታ» ጋዱስ።

← Chapter 7 Jump to: