Matthew 1

Amharic Gofa GFBEVF (ጌሻ ማፃፋ)

Jump to: Chapter 2 →

1ሀይሳፈ ካልድ ፃፈትዳይስ ዳዊታ ናአ አብራሃመ ናአ ግድዳ የሱስ ክርስቶሳ የለተ።

2አብራሃመይ ይሳቃ የልስ፤ ይሳቅ ያይቆባ የልስ፤ ያይቆብ ይሁዳነ እያ እሻታ የልስ፤

3ይሁድ ትማርፐ ፋረሳነ ዛራ የልስ፤ ፋረስ አስሮመ የልስ፤ አስሮመይ ራመ የልስ፤

4ራመይ አምናዳበ የልስ፤ አምናዳበይ ናአሶና የልስ፤ ናአሶን ሳልሞና የልስ፤

5ሳልሞና ራብፐ ቦኤዛ የልስ፤ ቦኤዝ ኡሩትፐ እዮቤዳ የልስ፤ እዮቤድ እሰየ የልስ፤

6እሰየይ ካዋ ዳዊታ የልስ፤ ዳዊቲ ኮይሮ ኦርዮ ማቸፈ ሶሎሞነ የልስ፤

7ሶሎሞነይ ኦሮብኣማ የልስ፤ ኦሮብኣመይ አብያ የልስ፤ አብይ አሳፋ የልስ፤

8አሳፍ እዮሳፈፃ የልስ፤ እዮሳፈፅ እዮራማ የልስ፤ እዮራም ኦዝያና የልስ፤

9ኦዝያን እዮአታመ የልስ፤ እዮአታም አካዛ የልስ፤ አካዝ ህዝቅያሳ የልስ፤

10ህዝቅያስ ምናሰ የልስ፤ ምናሰይ አሞነ የልስ፤ አሞን እዮስያሳ የልስ፤

11እስራኤለ አሳይ ድኤትድ ባብሎነ ቢታ ብዳ ዎደ እዮስያስ እኮንያናነ እያ እሻታ የልስ።

12ባብሎነ ቢታ እስራኤለ አሳይ ድኤትድ ብዳፐ ጉየ እኮንያን ሳላትያላ የልስ። ሳላትያል ዛሩባበላ የልስ፤

13ዛሩባበል አብድዩ የልስ፤ አብድዩይ ኤልያቄመ የልስ፤ ኤልያቄም አዛራ የልስ፤

14አዛር ሳዶቃ የልስ፤ ሳዶቅ አክመ የልስ፤ አክመይ ኤልዩዳ የልስ፤

15ኤልዩድ አላዛራ የልስ፤ አላዛር ማታነ የልስ፤ ማታነይ ያይቆባ የልስ፤

16ያይቆብ ዮሰፋ የልስ፤ ዮሰፍ ክርስቶሳ ጌተትያ የሱሳ የልዳ ማይራም አዝና።

17ህዛ፥ የለተይ አብራሃመፐ ዳዊታ ጋካናዉ ታማነ ኦይዳ። ዳዊታፐ ብድ ባብሎነ ድኡዋ ጋካናዉ ታማነ ኦይዳ። ባብሎነ ድኡዋፐ ብድ ክርስቶሳ ጋካናዉ ታማነ ኦይዱ የለተ ግዴስ።

18የሱስ ክርስቶሳ የለተ ታርከይ ሀይሳፈ ካለይሳ። እያ አይያ ማይራማ ዮሰፋስ ኦይሸታ ደአሸ ዮሰፋራ ጋሄቶና ጌሻ አያናፐ ቃንታሱ።

19ዮሰፍ ፅሎ አስ ግድዳ ግሾ እዮ አሳን ከሳናዉ ኮይቤና። ያንያ ግሾ ቆሳን እዮ አጋናዉ ቆፕስ።

20እ ሄ ቆፋን ደእሽን ፆሳ ኪታንቾይ አሙሆን ቆንጭድ፥ “ዳዊታ ናአዉ፥ ዮሰፋ፥ ማይራማ ቃንትዳይ ጌሻ አያናፐ ግድያ ግሾ እዮ ኤካናዉ ያዮፋ” ያግስ።

21እያ አደ ናአ የላና፥ እ ባ ደርያ ኤንታ ናጋራፐ አሽያ ግሾ እያ ሱን ነ የሱሳ ጋዳ ፄጋና።

22ጎዳይ ናብያ እሳያሳ ዶናን፥

23“ሄኮ ጌላእያ ቃንታና፤ አደ ናአ የላና፤ እያ ሱንይ አማኑኤላ” ጌተታና ጎይስ ፖለታና መላ ሀ ኡባይ ሀንስ። አማኑኤላ ገይሳስ ብርሸይ “ፆሳይ ኑራ ደኤስ” ጉሱ።

24ዮሰፍ ስኮፈ ባርክድ ጎዳ ኪታንቾይ ኪትዳይሳ መላ ማይራሞ ባ ሶ ኤፍስ።

25ሽን ባ ባይራ ናአ የላና ጋካናዉ እዮ ቦችቤና፤ የለትዳ ናአካ የሱሳ ግድ ፄግስ።

Jump to: Chapter 2 →