bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Amharic
/
Amharic Gofa GFBLVF (Geeshsha Maxaafa)
/
Jeremiah 50
Jeremiah 50
Amharic Gofa GFBLVF (Geeshsha Maxaafa)
← Chapter 49
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 51 →
1
Babiloonenne Babiloone asaaba nabiya Ermiyaasa baggara Goday odida qaalay haysa:
2
“Kawotethata giddon oditenne awaajite. Bandira dhoqu oothi oykidi, aykoka qosonna, haysada yaagidi odite. ‘Babilooney kundis! Beella geetetiya eeqay yeellatis; Marduka geetetiya eeqay kawuyis. Iya misileti yeellatidosona; iya eeqati kawuyidosona.
3
Pudeha baggafe issi kawotethi yidi, Babiloone biitta dhaysana. Asaynne mehey baqatana; oonika yan deenna’ ” yaagis.
4
“He wodenne he gallas Isra7eeleynne Yihudi issife yeekishe yidi Godaa banta Xoossaa koyana.
5
Enti Xiyoone efiya ogiya oychana; banta som7uwa yaa zaarana. Enti, polo dogetonna merina caaquwan Godaara” oyketana.
6
“Ta asay dhayida dorsa mela; enta henthanchoti enta balethidi, zuma bolla guye yeddidosona. Issi zumaape hara zumaa bolla toylatidi banta girbiya dogidosona.
7
Demmida ubbay enta shankatis. Enta morketi, ‘Nu aykoka balibooko; ha metoy enta gakiday, enti Godaa, banta shempo bessaa, banta mayzata ufaysa bolla nagara oothida gishosa.’
8
“Isra7eele asaw, Babiloonepe baqatite; Babiloone biittafe keyite; wude kaalethiya kole deesha mela gidite.
9
Taani pudeha baggafe gita kawotethata cugaa denthada, Babiloone bolla ehana hanayis. Enti iya olidi oykana; enta dongey dukidi, balonna olancho mela.
10
Babilooney bonqetana; iya bonqiya ubbay kallana” yaagees Goday.
11
Babiloone asaw, ta asaa bonqeysato, hinte ufaytidi hashshu gideta. Qooron kallida ussada peenuqideta; korma parada caagideta.
12
Shin ha77i hinte gita katamay yeellatananne kawuyana. Kawotethata giddon Babilooney ubbaafe laafa gidana; haathi bayna mela biitta gidana.
13
Godaa hanquwa gaason, Babilooney dhayana; laaletana. Iya matara aadhiya ubbay iya bolla gakida bosha be7idi, dagammananne malaaletana.
14
“Donge dukeysato, Babiloone olanaw iya yuushuwan salpite; I Godaa bolla nagara oothida gisho hinte dongiyan iya dukite.
15
Ubba baggara Babiloone bolla ola waaso waassite; Babilooney kushe immis; iya gimbeti kundidosona; iya gimbe dirsay laaletis. Goday iya bolla halo keyishe de7iya gisho, hinte iya bolla halo keyite. I harata bolla oothidaba hinteka iya bolla oothite.
16
Zerethi zereysanne caka wode baacara keyeysa Babiloonepe dhaysite. Dhayseysata mashshaa yayyida gisho, he biittan de7iya asa ubbay ba yaraako yaraako simmidi ba biitta biitta baqatana.
17
“Isra7eeley gaammoy yedethidi laallida dorsaa mela. Koyro Asoore kawoy iya ashuwa mis; wursethan Babiloone kawoy Nabukadanaxoori iya meqethaa dhoggis.”
18
Hessa gisho, Ubbaafe Wolqaama Goday, Isra7eele Xoossay, “Asoore kawa ta seeridaysada Babiloone kawanne iya biitta seerana.
19
Shin Isra7eele, iya hentha bessaa zaarana; Qarmeloosanne Baasane Deretan I heemetana. I Efreemanne Galada gezze biittan kallidi maana.
20
He wode, hayqope ta ashshida Isra7eele asaa nagaraa ta atto gana gisho, asay Isra7eelen nagara koyana, shin demmokona. Yihudan nagara koyana, shin bentenna” yaagees Goday.
21
“Miraatayma biittaninne Piqodan de7iya asaa bolla dendidi enta olite; wodhite; enta polo dhaysite. Ta hintena kiittiya ubbaa oothite” yaagees Goday.
22
Biitta bolla ola waasoy si7etees; gita dhayoy gakis.
23
Biitta ubbaa liiqisiya naariqay waanidi meqide! Waanidi liiqide! Kawotethata ubbaa giddon Babilooney waanidi daganthiyaba gidide!
24
Neno, Babiloone, ta nena oykanaw xihe wothas; neeni eronnashin gelada oyketadasa. Neeni Godaara eqetida gisho oyketadasa.
25
Taani ta ola miishiya wothiya keethaa dooyada, ta yiluwan ola miishiya yaape kessas. Hessa oothiday, Goday, Ubbaafe Wolqaama Goday Babiloone biittan oothiya oosoy de7iya gishosa.
26
Yaara haara iya bolla dendite; kathay de7iya iya shaaliya dooyite; di7uwa kathada doorite; Aybibaaka ashshona wursidi dhaysite.
27
Booru shukeysada enta olanchota wodhite. Babiloone asay seeretiya wodey gakida gisho enta ayye!
28
“Di7etida asay Babiloonepe kessi ekidi, Yerusalaame baqatana. Babiloone asay Xoossa keethaa bolla oothidabaas Goday, enta Xoossay halo keyanaysa enti Xiyoonen odana.
29
Babiloone olanaw donge dukiya ubbaa xeegite; issoyka kessi ekonnaada iya yuushuwa teqo. Godaa bolla, Isra7eele Geeshsha bolla, I otortida gisho, iya oosuwada iyaw zaarite. I harata bolla oothidaysada iya bolla oothite.
30
Hessa gisho, iya yalaga addeti katamaa giddo ogiyan hayqana; he gallas iya olanchoti ubbay dhayana” yaagees Goday.
31
Goday, Ubbaafe Wolqaama Goday, “Neeni seeretiya wodey gakida gisho, neno, otoranchuwaw, ta ne bolla dendas.
32
Otoranchoy dhubetidi kundana; iya denthiya asi deenna. Ta iya katamata taman oythana; he tamay yuushuwan de7iya ubba dhaysana” yaagees.
33
Ubbaafe Wolqaama Goday haysada yaagees: “Isra7eele asaynne Yihuda asay un7etidosona. Enta di77idi efidaysati enta minthidi oykidosona; enta yeddenaw koybookona.
34
Shin enta Wozeysi mino; iya sunthay Ubbaafe Wolqaama Godaa. I, enta biittas shempo immanaw enta gisho mootetees. Shin Babiloone biittan de7eyisata bolla dagama yeddana.
35
Babilooney, Babiloonen de7eysati, iya halaqatinne iya cincati mashshan hayqana” yaagees Goday.
36
“Iya eeya wordo nabeti mashshan hayqonna. Dagammiya iya wolqaama olanchoti mashshan hayqana.
37
Iya parata bolla, iya para gaareta bollanne maccasa mela gidida iya allaga olanchota bolla mashshi yo. Iya shaluwa minjiya keethaa bolla mashshi yo; iya buqura ubbay bonqetana.
38
Babiloonen eeqi kumida gishonne dagamman kokoriya eeqati de7iya gisho; iya haathay melo; iya bolla koshi yo.
39
“Hessa gisho, Babilooney bazzo do7atinne workanati de7iya bessi gidana; qassi yanchoti yan daana. Yan merinaw asi deenna; yeletaape yeleta gakanaw asi de7iya bessi gidenna.
40
Xoossay beni Soodomenne Gamoora enta yuushuwan de7iya katamatara dhaysidaysada Babiloonen oonika deenna; asi yan uttenna” yaagees Goday.
41
“Heko, asay pudeha baggafe yaana; mino kawotethatinne daro kawoti sa7aa gaxape yaanaw dendidosona.
42
Enti banta dongiyanne toora oykidosona; enti wozana minonne yeddi maaronna asi. Enti banta para toggidi biya wode, beetay shociya abba guunthada hanees. Neno, Babiloone, enti ubbay olas giigida asi gididi ne bolla salpidosona.
43
“Babiloone kawoy hessa si7iya wode iya kushey daaburidi silis; iqethi oykida maccasada un7etis.
44
“Yordaanose shaafa lanqen de7iya woraape, lo77o qooroy de7iya bessafe qoponna keyiya gaammoda, ta yada, Babiloone asaa enta biittafe yedethana. Hessafe guye, ta doorida asi iya bolla shuumana; yaatin ta meli oonee? Ta oothana gidaba teqanay oonee? Ay henthanchoy taara eqetanaw danda7ii?
45
Hessa gisho, Goday Babiloone bollanne Babiloone biitta bolla halchidabanne qopidaba si7ite. Enta nayta wolqan goochidi efana; hessa gaason enta soo asa ubbay dagammana.
46
Babiloone kundethaa girsay biitta qaathana; Babiloone waasoy kawotethata ubban si7etana” yaagees.
← Chapter 49
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 51 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52