bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Amharic
/
Amharic Gofa GFBLVF (Geeshsha Maxaafa)
/
Jeremiah 51
Jeremiah 51
Amharic Gofa GFBLVF (Geeshsha Maxaafa)
← Chapter 50
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 52 →
1
Babiloone asaanne Babiloone biitta dhaysiya carko kiittana.
2
Taani Babiloone bolla carkoda punniya allagata kiittana. Iya dhayuwa gallas enti ubba bessara iya un7ethana.
3
Iya olanchoti dongiya dukana gakanaw woyko banta ola miishiya dancana gakanaw naagopite. Iya yalaga addetas mishetopite; iya olanchota polo dhaysite.
4
Enti Babiloone biittan shuketana; I dabaaban cadetidi kundana.
5
Enti biitta nagaran kunthikoka, Xoossay, Ubbaafe Wolqaama Goday, Isra7eele Geeshshay, Isra7eelenne Yihuda am7ida yeggidi aggibeenna.
6
Babiloonepe baqatite; issoy issoy ba shempuwa ashsho. I oothida nagaraa gaason hinte wuropite. Ha wodey taani Goday halo keyiya wode.
7
Babilooney sa7an de7iya asa ubbay uyidi mathotiya, woyne ushshi tigetiya, ta kushen de7iya worqa wanca mela. Kawotethati ubbay he woyne ushsha uyidi gooyidosona.
8
Babilooney qoponna kundidi meqis. Hessa gisho, iyaw yeekite; I paxaneko ooni eri iya madunthaas dhale immite.
9
Babiloonen de7iya allaga asay, “Nu Babiloone pathanaw koyida; shin paxanaw danda7ibeenna. Iya pirday haakidi salo gakida gishonne shaara gakanaw dhoqu gida gisho iya aggidi nu biitta simmoos” yaagidosona.
10
Isra7eele asay, “Goday nuus pirdida gisho, Xiyoone bidi, Goday nu Xoossay oothidaba odana” yaagana.
11
“Goday Babiloone dhaysanaw qofa qachida gisho, Meedona kawota denthis. I ba keethaa gisho halo keyanaw qopis. Meedona halaqati, ‘Donge toora leefite; gondalle oykite.
12
Babiloone bolla ola bandira denthite; minthidi naagite. Wocheyisata enta bessan bessan wothite; zugidi caddiya olanchota giigisite’ ” yaagidosona. Goday Babiloone asa bolla qopidabaanne ba gida ba oothana.
13
Babiloone, neeni daro shaafatinne duretethi kumida biitta, shin ne wursethay gakis; neeni bessonna ogen shiishiya go77ay attis.
14
Ubbaafe Wolqaama Goday, “Booley biitta kumeysada taani asaa ne biittan kunthana; enti nena xoonida ufaysan banta qaala dhoqu oothidi ne bolla gayrana” yaagidi ba sunthan caaqis.
15
Goday ba wolqan sa7aa medhis; ba cincatethan biitta baasis; salota ba akeekan miccis.
16
I kiittiya wode, salon de7iya haathati guummoosona. Shaarata sa7aa gaxape ehees; iri bukiya wode wol7anthi wol7amees; ba minja bessaafe carkuwa kessees.
17
Asi ubbay eeyanne akeeki baynaysa; enta misileti wordonne shempoy baynayisata gidiya gisho, worqaa sheeshidi eeqa medheysati yeellatidosona.
18
He misileti pathonaysatanne kedhetidaysata; enta bolla Xoossay pirdiya wode enti dhayana.
19
Shin Yayqooba Xoossay enta mela gidenna; ubbaba medhiday iya. I baw doorida kochay Isra7eele asaa; iya sunthay Ubbaafe Wolqaama Godaa.
20
“Babiloone, ne ta naariqanne ta ola miishe; Nena go7etada taani biittata mentherethas; kawotethata dhaysas.
21
Nena go7etada paratanne para toggeyisata; para gaaretanne enta laaggeyisata mentherethas.
22
Nena go7etada maccanne adde, cimanne nayta panthinne geela7o mentherethas.
23
Henthanchuwanne iya wudiya, goyeysanne iya waatha boorata, deriya haareysatanne halaqata nena go7etada mentherethas” yaagees Goday.
24
“Babilooneynne Babiloone asay Xiyoone bolla oothida iita oosuwa gisho hinte xeellishin ta halo keyana” yaagees Goday.
25
“Neno, Babiloone, ne biitta dhaysiya zuma mela; shin ta Goday nena ixas. Taani ta kushiya yeddada, nena zumaa bollafe duge gondorsana; neeni xuugetida zuma gidada attana.
26
Neepe baason yeggiya woyko gimbees eketiya shuchi deenna; ne merinaw baysa gidana” yaagees Goday.
27
“Babiloone bolla ola bandira denthite; asa giddon moyze punnite. Iya olanaw asaa ubbaa giigisite; Araraate, Minanne Askanaaza kawotethata xeegite. Ola halaqata shuumite; boole mela daro parata ehite.
28
Babiloone olanaw kawotethata ubbaa giigisite; Meedona kawota, enta halaqata, deriya haareysatanne enti haariya biitta asa ubbaa denthite.
29
“Babilooney oonika doonna baysa oothanaw Goday halchida halchuwa poliya gisho, biitta ubbay kokoresinne porqatees.
30
Babiloone olanchoti ola aggidi, banta miixan uttidosona. Enta wolqay laafin, maccasa mela gididosona. Enta keethati xuugetidosona; katama pengiya kobe mithati meqidosona.
31
Ha gaxape hini gaxa gakanaw, katamay morken oyketidaysa Babiloone kawas odanaw, woxeysi woxeysa kaallidi, kiitetidaysi kiitetidaysa kaallidi boosona.
32
Shaafara pinniya bessati oyketidaysa, haatha gaxan de7iya woray xuugetidaysanne olanchoti dagammidaysa enti kawas odanaw woxoosona” yaagees Goday.
33
“Babiloone biittay kathi bukiya wudumma gidana; guutha wodepe guye I caketiya wodey yaana” yaagees Ubbaafe Wolqaama Goday, Isra7eele Xoossay.
34
Babiloone kawoy Nabukadanaxoori nuna wursidi mis; nu katamaa kaysa oto kessis. Dawey mitteysada iya mittis; mal7oba midi kuntheysada I nu shaluwan ba ganjiya kunthis; attidaysa mucidi cuttis.
35
Xiyooney, “Babilooney nu bolla oothida iitaba ubbay iya bolla simmo” yaagosona. Yerusalaamey, “Nu suuthaa acoy Babiloone asa oyko” yaagosona.
36
Hessa gisho, Goday Yerusalaame asaa haysada yaagees: “Ta ne gisho mootetana; ne haluwa ta keyana. Taani Babiloone haathaanne pultota melisana.
37
Babilooney laaletha doorenne workanati gupiya bessi gidana. Iya be7iya ubbay dagammananne qelqisana; yan issi asika deenna.
38
Babiloone asa ubbay gaammoda gudoosona; gaammo marada daarosona.
39
Enta asatethay ho77iya wode, ta entaw ushsha gibira giigisana. Enti mathotana gakanaw ta enta ushshana; enti zaaridi dendonna mela merinaw dhiskana” yaagees Goday.
40
Shukanaw efiya urgeda, marazedanne koleda taani enta shuka bessi efana.
41
“Asa ubbay sabbiya Babilooney waanidi oyketide! Babilooney kawotethata giddon waanidi daganthiyaba gidide!
42
Babiloone morketi abba beetay dendeysada dendidi kataman eellidosona.
43
Iya katamati laaletidi, daganthiyaba gididosona; haathi bayna mela biitta daanidosona; asi doonna bessinne oonika kanthidi aadhona bessi gididosona.
44
Beella geetetiya Babiloone eeqa ta seerana; I mittidaba iya uluwape kessana. Hizape guye, kawotethati iyako goggeysa aggana; Babiloone gimbey kundana.
45
“Ta asaw, iya giddofe keyite! Hinte, Godaa hanqo suuluwape hintena ashshite!
46
Biittan odetiya odaa si7iya wode ufaysi qanxofitenne yayyofite. Laythan laythan odi kaallidi kaallidi yaana. He wode kawoy kawa bolla dendiya makalla odi biittan si7etana.”
47
“Hessa gisho, taani Babiloone eeqa misileta seeriya gallasi yaana. Biitta ubbay yeellatana; hayqidaysati ubbay katamaa giddon kundana.
48
Pudeha baggafe yaana dhayseysata kushen Babilooney geliya wode saloninne sa7an de7iya ubbabay ililana.
49
Babilooney, Isra7eele asaanne sa7an de7iya asa ubbaa wodhidaysada Babiloone asay hayqanaw koshshees.
50
Ta asaw, olape kessi ekidaysato, biite; haysan eqofite. Hinte de7iya haaho biittan tana Godaa hassayite; Yerusalaame qopite.”
51
Hinte, “Nuuni cayetida gisho kawuyida; allagati Xoossa keethan de7iya geeshsha bessata gelida gisho, nu yeella ma7ida” yaagideta.
52
Shin “Taani Goday Babiloone eeqata seeriya wodey yaana. Madunxidaysati biitta ubban oolana.
53
Babilooney salo pude keyidi, yan miixa medhanaw danda7iyakoka, yaa gakanaw keyidi, iya yan dhaysiya asi taani kiittana” yaagees Goday.
54
“Babiloonen waasoy, Babiloone biittan gita dhayo girsi si7etana.
55
Goday Babiloone dhaysana; iya wolqaama girsa si77i oothana. Abba beetada guummiya morketi olishe ceeqetana.
56
Dhayseysati Babiloone bolla yaana; iya olanchoti oyketana; enta dongey meqana. Taani Goday halo keyiya Xoosse gidiya gisho, enta oosuwada entaw zaarana.
57
Iya halaqata, iya cinca asata, iya deriya haareyisata, iya toora moconatanne iya olanchota mathoyana. Enti zaaridi dendonna mela merinaw dhiskana” Taani kawoy, Ubbaafe Wolqaama Godaa geeteteysi haysa odayis.
58
“Gita Babiloone gimbey kundana; iya adussa pengeti taman xuugetana. Asay oothidaba ubbay hada; kawotethati daaburiyabay tamasa” yaagees Ubbaafe Wolqaama Goday.
59
Maseya na7aa, Neera na7ay Sarayi kawa Sedeqiyaasa shuuma. Sedeqiyaasi Yihudan kawotida oyddantho laythan, Sarayi iyara Babiloone biya wode Ermiyaasi Saraya bolla kiita yeddis.
60
Babiloone bolla gakanaw de7iya iitaba ubbaanne Babiloone xeelliya haraba ubbaa Ermiyaasi maxaafan xaafis.
61
Sarayako, “Neeni Babiloone gakida wode ne qaala dhoqu oothada asaas ha maxaafa nabbaba.
62
Qassi haysada yaagada woossa: ‘Abeeti Godaw, neeni ha bessaa dhaysana; ha bessan shempora de7iya medhetethi, asinne mehey deenna; ha bessay merinaw mela biitta gidana’ yaaga.
63
Ha maxaafa nabbaba wursidaape guye, maxaafa shuchara gatha qachada, Efraxiisa shaafan hola.
64
Taani Goday iya bolla ehiya dhayuwa gaason, Babilooney zaaridi dendonna mela haysada muuketana” yaaga. Ermiyaasi odida qaalay haysan wuris.
← Chapter 50
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 52 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52