Song of Solomon 2

Amharic Gofa GFBLVF (Geeshsha Maxaafa)

← Chapter 1 Jump to: Chapter 3 →

1Taani Saaronan doliya ciishshanne zangaaran doliya suufe ciishsha mela.

2Ta siiqiya maccasa giddon be7iya wode, aguntha giddon bentiya suufe ciishsha mela.

3Ta siiqoy hara panthata giddon xeelliya wode woran de7iya apile mithaa mela. Tana daro ufaysin, iya kuyaa giddon uttas; iya ayfey min tana mal7ees.

4I tana gibira miya keethi gelsis; ba siiquwa bandirada ta bolla dhoqu dhoqu oothis.

5Taani iya siiquwan oyketada hargida gisho, zabibe ayfe muzidi tana gashtisite; apile muzidi ta wolqaa minthite.

6Ba haddirsa kushiya tana borkotisis; ba ushacha kushiyan tana qoommis.

7Hinteno, Yerusalaame yalaga maccasaw, siiqoy baw dosidi dendana gakanaw, iya hinte barkethonna mela, ta hintena gen7eninne wora woshi7en ammatayis.

8Ta siiquwa girsay deriya bollara gupishenne, zumaa bollara xongetishe yeysi si7etees.

9Ta siiqoy woshi7e woyko gen7e mari daanees; Heko, nu keethaa matan eqis; maskootera soo xeellees; magarajuwa giddora xeellees.

10Ta siiqoy, haysada yaagees; “Ta siiqe, denda! Ta yegelsse, haaya, issife ane boos.

11Heko, balgoy aadhis; irayka eqis.

12Biittan ciishshi ciiyis; yethi yexiya ageenay gakis; holle yethi nu biittan si7etis.

13Balase mithay ayfe doomis; woyney ciiyis; ciishsha sawoy biittan tonku gees. Ta siiqe, denda; ta yegelsse, haaya; ane issife boos.”

14Aafo doonan zaalla qophon, qosetida holle daaniyare; ane issi toho tana ne som7uwa bessa; ne girsa sissa. Ne qaalay tana mal7ees; ne som7oy daro lo77ees.

15Nu woyney ciiyis; nu woyne gadiya iissiya workanata, he guutha butaleta xihen oykite.

16Ta siiqoy tabaa; taanika iyabaa; ciishshata giddon I ba wudiya heemmees.

17Sa7i geeyana gakanaw, kuyay dhayana gakanaw, ta siiquwaw, gen7eda woyko woshi7e marada, aafotiya deriyara woxashe haa simma.

← Chapter 1 Jump to: Chapter 3 →