Song of Solomon 3

Amharic Gofa GFBLVF (Geeshsha Maxaafa)

← Chapter 2 Jump to: Chapter 4 →

1Qamma kumethi hiixan zin7ada, ta siiquwa demmanaw amottas; minthada koyas; shin demmabike.

2Katamaa giddon de7iya dalganne xuntha ogeta ubban yuuyas. Ta siiquwa demmanaw koyas; minthada koyas; shin demmanaw danda7abike.

3Katamaa yuuyidi naageysati tana demmidosona; taani, “Ta siiquwa be7idetii?” yaagada oychas.

4Enta aggada aadhida mela ta siiquwa demmas; I taape kessi ekonnaada minthada oykas. Ta aaye soo efas; ta yeletida kifiliya gelsas.

5Hinteno Yerusalaame macca nayto, siiqoy baw dosidi dendana gakanaw, iya hinte barkisonna mela taani hintena gen7eninne woshi7en ammatayis.

6Zal7ancho ixaanedanne karbeda sawiyara, cuya tuussu daaniyara, hanna mela biittafe yaara iya oonee?

7Heko, Solomone para gaariya yawusu; he para gaariw Isra7eelepe dooretida, usupun tammu wolqaama tooranchoti ajabidosona.

8Enti ubbay mashsha oythan meezetidosona; olanka paacetidosona. Qamma gakiya metuwa teqanaw, enti mashshe dancidi giigidosona.

9Kawa Solomoney para gaare giddon, baw uttiya araata giigisis; iya araatay Libaanosepe yida mithan oosetis.

10Araata tuussay biran lanxetis; zempoy worqan alleeqetis. Oydey ocha teera daaniya qacinan kametis; gaathay Yerusalaame geela7ota siiqon alleeqetis.

11Hinteno, Xiyoone geela7oto, kawa Solomone be7anaw haayite. I daro ufaytida iya yaaganuwa gallas iya aayiya iya huuphen wothida kallacha wothis.

← Chapter 2 Jump to: Chapter 4 →