bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Aymara
/
Aymara 1997
/
Hosea 1
Hosea 1
Aymara 1997
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 2 →
1
Tatitux aka arunak Beerí sat chachan Oseas yuqaparuw parläna, Ozías, Jotam, Ahaz, Ezequías reyinakan urunakapana; jupanakasti Judá markan reyinakapänwa; Joás chachan Jeroboam yuqapasti Israel markan reyiparakïnwa.
2
Kuntix Tatitux Oseas tuqi sañ munkän uka arunakxa, akham sasaw qalltäna: “Israel markax nayar apanukusax yaqhampiw sarnaqxi. Jichhasti jumax saram, ukatsti uka kipkarak yaqha chachanakampi sarnaqir warmimpi jaqichasim, jupampisti wawanakanïma; ukhamat uka wawanakax yaqha chachanakampi sarnaqir warmin wawanakapäpxani”.
3
Oseas profetasti sarasinxa, Gómer sat warmimpiw jaqichasïna, jupasti Diblaim chachan phuchhapänwa. Usur jaqiptasinsti mä yuqall wawa wawachasïna.
4
Ukatsti Tatitux Oseas profetarux sänwa: “Uka yuqall wawarux Jezreel sas suticham, nayasti akat mä juk'a urunakatxa, Jehú reyin wawanakaparux mutuyäwa, Jezreel chiqan jaqinakar jiwarayapxatapata, Israel markansti janiw reyinakax juk'ampi utjkxaniti.
5
Uka uruw nayax Jezreel qhirwan, Israelan ejercitopan ch'amap q'al t'unjä.”
6
Gómer warmisti wasitat usur jaqiptarakiki, ukatsti mä imill wawa wawachasïna. Tatitux Oseas profetarux sänwa: “Jichhax uka imill wawarux Lo-ruhama sas suticham, ukasti ‘jan khuyapt'ayata’ sañ muni, nayasti Israel markarux janiw juk'ampi khuyapt'aykxäti, janirakiw juchanakapsa pampachkxäti.
7
Ukampisa, Judá markatxa khuyapt'ayasïwa, naya kipka Diosaparakiw qhispiyä. Ukatakisti janiw nuwantañax wakiskaniti, janirakiw kuna espadanakasa, caballerianakasa munaskaniti.”
8
Lo-ruhamaru ñuñut t'aqaqxasinsti, Gómer warmix wasitat usur jaqiptarakikïnwa, ukatsti mä yuqall wawa wawachasirakïna.
9
Tatitux Oseas profetarux sänwa: “Uka yuqall wawarux Lo-amí sas suticham, ukax ‘janiw markaxäkxiti’ sañ muni. Jumanakax jichhax janiw nayan markaxäxapxtati, janirakiw nayas jumanakan Diosamäkxti.”
10
Mä urux israelita jaqinakax jach'a quta iramankir ch'alljamäpxaniwa, jan jakt'kayäpxarakiniwa: “Jumanakax janiw nayan markaxäxapxtati” sapxäyätamwa, jichhasti Tatitux jupanakarux saniwa: “Jumanakax jakkir Diosan wawanakapäpxtawa” sasa.
11
Ukapachaw Israel markankir jaqinakampi, Judá markankir jaqinakampix mayacht'asxapxani, mä sapa jilïr irpirik utt'ayasxapxani, taqi tuqitsa Jerusalén markarkamaw kuttanxapxani. ¡Uka urusti wali jach'a urupunïniwa!
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 2 →
All chapters:
1
2
3
4
5
6
7
8
9
10
11
12
13
14