bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Azerbaijan
/
Azerbaijan 2013
/
2 Kings 1
2 Kings 1
Azerbaijan 2013
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 2 →
1
اَخابین اؤلوموندن سونرا موآب ائسرایئلئن ضئدّئنه عوصیان قالدیردی.
2
اَخَزیا پادشاه سامئرهدهکی سارایینین بالاخاناداکی موشَبّک پنجرهسئندن ییخیلیب ناخوشلادی. او، قاصئدلر دالینجا گؤندَرئب اونلارا ددی: «گدئن، عِقرون آللاهی بَعَلزِبوبدان سوروشون، آیا بو ناخوشلوقدان صاغالاجاغام؟»
3
لاکئن ربّئن مَلهیی تئشبِلی ائلیایا ددی: «قالخ سامئره پادشاهینین قاصئدلرئنئن پئشوازینا چیخ و اونلارا دِه: ”ائسرایئلده تاری یوخدور کی، عِقرون آللاهی بَعَلزِبوبدان سوروشماغا گِدئرسئنئز؟“
4
بونا گؤره ده رب بله دیئر: ”اوستونده اوزاندیغین یاتاقدان قالخا بئلمیهجکسن، قطعن اؤلهجکسن!“» سونرا ائلیا گتدی.
5
قاصئدلر پادشاهین یانینا قاییتدیقدا، پادشاه اونلارا ددی: «نئیه گری قاییتدینیز؟»
6
اونا ددئلر: «بئر آدام بئزئمله راستلاشدی و بئزه ددی: ”سئزی گؤندَرَن پادشاهین یانینا قاییدیب اونا دیئن کی، رب بله دیئر: ائسرایئلده تاری یوخدور کی، عِقرون آللاهی بَعَلزِبوبدان سوروشماق اوچون قاصئدلر گؤندَردئن؟ بونا گؤره ده اوستونده اوزاندیغین یاتاقدان قالخا بئلمیهجکسن، قطعن اؤلهجکسن!“»
7
پادشاه اونلاردان سوروشدو: «سئزئنله راستلاشان و سئزه بو سؤزلری دئیَن آدام نه قئیافهده ائدی؟»
8
اونا ددئلر: «اَینئنده توکلو بئر پالتار اولان آدام ائدی، بِلئنه ده دَری قورشاق باغلامیشدی.» پادشاه ددی: «او، تئشبِلی ائلیادیر.»
9
پادشاه بئر اَلّیباشی ائله اَلّی آدامینی ائلیانین یانینا گؤندَردی. اَلّیباشی اونون یانینا گلدی. ائلیا تپهنئن باشیندا اوتورموشدو. اَلّیباشی اونا ددی: «ای تاری آدامی، پادشاه دیئر ”آشاغی دوش.“»
10
ائلیا اَلّیباشییا جاواب ورئب ددی: «اگر من تاری آدامییام، گؤیدن اود یاغسین، سنی و اَلّی آدامینی تلف اتسئن!» او واخت گؤیدن اود یاغدی، اَلّیباشی ائله اَلّی آدامینی تلف اتدی.
11
پادشاه باشقا بئر اَلّیباشی ائله اَلّی آدامینی اونون یانینا گؤندَردی. اَلّیباشی اونا ددی: «ای تاری آدامی، پادشاه بله دیئر: ”تِز آشاغی دوش.“»
12
ائلیا اونلارا جاواب ورئب ددی: «اگر من تاری آدامییام، گؤیدن اود یاغسین، سنی و اَلّی آدامینی تلف اتسئن!» او واخت گؤیدن تارینین اودو یاغدی، اَلّیباشی ائله اَلّی آدامینی تلف اتدی.
13
پادشاه گئنه اوچونجو بئر اَلّیباشی ائله اَلّی آدامینی گؤندَردی. اوچونجو اَلّیباشی گلئب چاتدیقدا، ائلیانین قاباغیندا دئزه دوشدو و اونا یالواریب ددی: «ای تاری آدامی، خاهئش ادئرم، منئم و بو اَلّی قولونون جانینا یازیغین گلسئن.
14
باخ، گؤیدن اود یاغیب اوّل گلن ائکی اَلّیباشینی و اونلارین هَرهسئنئن اَلّی آدامینی تلف اتدی. ائندی منئم جانیما یازیغین گلسئن.»
15
او واخت ربّئن مَلهیی ائلیایا ددی: «اونونلا بئرلئکده آشاغی دوش، اوندان قورخما.» ائلیا قالخیب آشاغی دوشدو و اَلّیباشی ائله بئرلئکده پادشاهین یانینا گلدی.
16
اونا ددی: «رب بله دیئر: ”ائسرایئلده سؤزونو سوروشماغا تاری یوخدور کی، عِقرون آللاهی بَعَلزِبوبدان سوروشماق اوچون قاصئدلر گؤندَردئن؟ بونا گؤره ده اوستونده اوزاندیغین یاتاقدان قالخا بئلمیهجکسن، قطعن اؤلهجکسن!“»
17
بلهجه اَخَزیا ائلیانین ددئیی ربّئن سؤزونه گؤره اؤلدو. اوغلو اولمادیغی اوچون یرئنه قارداشی یورام پادشاه اولدو. بو دا یهودا پادشاهی یِهوشافاط اوغلو یِهورامین پادشاهلیغینین ائکئنجی ائلئنده اولدو.
18
اَخَزیانین اتدئیی قالان ائشلری مگر ائسرایئل پادشاهلارینین سالنامهلر کئتابیندا یازیلماییبدیر؟
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 2 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25