bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Azerbaijan
/
Azerbaijan 2013
/
2 Kings 11
2 Kings 11
Azerbaijan 2013
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 12 →
1
اَخَزیانین آناسی عَتَلیا اوغلونون اؤلدویونو گؤرنده قالخیب بوتون پادشاه نسلئنی محو اتدی.
2
آنجاق یِهورام پادشاهین قیزی، اَخَزیانین باجیسی یِهوشِبَع، اؤلدورولَن شاهزادهلر آراسیندان اَخَزیانین اوغلو یوآشی گئزلئجه آپاردی و اونو دایهسی ائله بئرلئکده یاتاق اوتاغیندا یِرلَشدئردی. بلهجه یوآشی عَتَلیادان گئزلَتدئلر و او، اؤلدورولمهدی.
3
او، آلتی ائل ربّئن معبدئنده دایهسی ائله بئرلئکده گئزلی قالدی و بو زامان عَتَلیا اؤلکه اوستونده پادشاهلیق ادئردی.
4
یدّئنجی ائلده یِهویاداع کاریالیلارین و کشئکچئلرئن یوزباشیلارینی چاغیرتدیردی، اونلاری اؤز یانینا، ربّئن معبدئنئن ائچهرئسئنه گتئردی. اورادا بو آداملارلا عهد باغلاییب اونلارا آند ائچدئردی و شاهزادهنی اونلارا گؤرستدی.
5
سونرا یِهویاداع اونلارا امر ادئب ددی: «سئز بله ادئن: سَبّت گونو نؤوبه چَکَنلرئنئزئن اوچده بئری سارایین کِشئیئنی چکسئن،
6
اوچده بئری سور دروازاسیندا دورسون، اوچده بئری ده کشئکچئلرئن آرخاسینداکی دروازادا دایانسین. بلهجه نؤوبه ائله سارایین کِشئیئنی چکئن.
7
سئزئن ائکی بؤلویونوز، حتّا سَبّت گونو نؤوبه چکمهینلرئن هامیسی، پادشاهین طرفئنده اولوب ربّئن معبدئنئن کِشئیئنی چکسئن.
8
هر کس سئلاحی اَلئنده پادشاهی اَحاطهیه آلسین، ردئفلرئنئزه گئرن هر کس اؤلدورولسون. پادشاهین گئرئب-چیخدیغی واخت اونونلا اولون.»
9
یوزباشیلار کاهئن یِهویاداعین امر اتدئیی هر شیی اتدئلر: هر بئری اؤز آداملارینی، سَبّت گونو نؤوبه چَکَنلری و سَبّت گونو نؤوبهده اولمایانلاری گؤتوروب کاهئن یِهویاداعین یانینا گلدی.
10
کاهئن یوزباشیلارا پادشاه داوودون نئزهلرئنی و قالخانلارینی کی، ربّئن معبدئنده ائدی، وردی.
11
کشئکچئلر معبدئن صاغ طرفئندن سول طرفئنه قدر، قوربانگاهین و معبدئن یانیندا، پادشاهین اطرافیندا دایاندیلار. هر کَسئن سئلاحی اَلئنده ائدی.
12
او واخت کاهئن شاهزادهنی ائرهلی چیخارتدی و تاجی باشینا قویوب شهادتنامهنی اونا وردی. اونو پادشاه اولماق اوچون مسح اتدئلر و اَل چالیب ددئلر: «یاشاسین پادشاه!»
13
عَتَلیا کشئکچئلرئن و خالقین سَسئنی اشئدنده خالقین یانینا، ربّئن معبدئنه گلدی.
14
او باخیب گؤردو کی، پادشاه رسمه گؤره سوتونون یانیندا دایانمیش، ریئسلر و کَرهنای چالانلار دا پادشاهین یانیندادیرلار. بوتون اؤلکه خالقی سِوئنئب کَرهنای چالیردی. عَتَلیا پالتارینی جیریب باغیردی: «خیانت! خیانت!»
15
کاهئن یِهویاداع قوشون اوچون باشچی اولان یوزباشیلارا امر ادئب ددی: «اونو ردئفلرئن آراسیندان چیخاردین و دالینجا گلنی قیلینجلا اؤلدورون.» چونکی کاهئن دمئشدی: «قوی او، ربّئن معبدئنده اؤلدورولمهسئن.»
16
عَتَلیانی توتدولار، آتلارین پادشاه سارایینا گئردئیی دروازایا یِتئشَنده، اونو اورادا اؤلدوردولر.
17
یِهویاداع رَبله پادشاه و خالق آراسیندا عهد باغلادی کی، اونلار ربّئن خالقی اولسونلار. او، پادشاهلا خالق آراسیندا دا عهد باغلادی.
18
بوتون اؤلکه خالقی بَعَل معبدئنه گتدی. اونو داغیدیب قوربانگاهلارینی و بوتلرئنی تئکه-تئکه اتدئلر، بَعَل کاهئنی مَتّانی قوربانگاهلارین قاباغیندا اؤلدوردولر. کاهئن ربّئن معبدئنه گؤزَتچئلر قویدو.
19
او، یوزباشیلاری، کاریالیلاری، کشئکچئلری، بوتون اؤلکه خالقینی اؤزو ائله گؤتوردو. اونلار پادشاهی ربّئن معبدئندن گتئردئلر و کشئکچئلر دروازاسینین یولو ائله پادشاه سارایینا گلدئلر. یوآش پادشاهلارین تختئنده اوتوردو.
20
بوتون اؤلکه خالقی سِوئندی و شهر ساکئتلَشدی. چونکی عَتَلیانی پادشاه ساراییندا قیلینجلا اؤلدورموشدولر.
21
یوآش پادشاه اولدوغو واخت یدّی یاشیندا ائدی.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 12 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25