bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Azerbaijan
/
Azerbaijan 2013
/
Amos 1
Amos 1
Azerbaijan 2013
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 2 →
1
بو، سورو صاحئبی اولان تِقوعهلی عاموسون سؤزلریدئر. او، یهودا پادشاهی عوزّئیانین و ائسرایئل پادشاهی یِهوآش اوغلو یِروبعامین دؤورونده، زلزلهدن ائکی ائل قاباق ائسرایئل بارهده بله رؤیا گؤرموشدو.
2
عاموس بله ددی: «رب صَحیوندان نعره چکئر، اورشلئمدن گورولداییر. چوبانلارین اوتلاقلاری یاس توتور، کَرمِل داغینین باشی قورویور.
3
رب بله دیئر: ”دَمَشقلیلری جزاسیز بوراخمایاجاغام، چونکی گوناه اوستونه گوناه اتدئلر، دَمئردئشلی دؤیَنلرله گئلعاد خالقینی دؤیدولر.
4
بونا گؤره ده خَزااِلئن سارایینا اود سالاجاغام کی، بِن-هَدادین قالالارینی یاندیریب-یاخسین.
5
دَمَشقئن دروازالارینین سورگوسونو قیراجاغام، آوِن درهسئندن اَهالئنی سئلئب-آتاجاغام، بِیتعِدِنده عصا گَزدئرهنی کَسهجیم، اِله کی، اَرام خالقی قئره اسئرلئیه آپاریلسین.“ رب بله دیئر.
6
رب بله دیئر: ”غَزّهلیلری جزاسیز بوراخمایاجاغام، چونکی گوناه اوستونه گوناه اتدئلر. بوتون جاماعاتی اسئر ادئب اِدوما تسلئم اتدئلر.
7
بونا گؤره ده غَزّهنئن دووارلارینا اود یاغدیراجاغام کی، اورانین قالالارینی یاندیریب-یاخسین.
8
اَشدوددان اَهالئنی سئلئب-آتاجاغام، اَشقِلوندان عصا گَزدئرهنی کَسهجیم. عَقرونون ضئدّئنه اَلئمی قالدیراجاغام، فئلئسطلیلرئن صاغ قالانلاری یوخ اولاجاقلار.“ پروردئگار رب بله دیئر.
9
رب بله دیئر: ”صورلولاری جزاسیز بوراخمایاجاغام، چونکی گوناه اوستونه گوناه اتدئلر، بوتون جاماعاتی اِدوما اسئر ادئب قارداشلیق عهدئنی خاطیرلامادیلار.
10
بونا گؤره ده صورون دووارلارینا اود یاغدیراجاغام کی، اورانین قالالارینی یاندیریب-یاخسین.“
11
رب بله دیئر: ”اِدوملولاری جزاسیز بوراخمایاجاغام، چونکی گوناه اوستونه گوناه اتدئلر، مرحمت حئسّئنی بوغدولار، اؤز قارداش خالقینی قیلینجلا قوودولار، قضبلری دائم ییرتیجی ائدی، حئرصلرئنی آخیراجاق ساخلادیلار.
12
بونا گؤره ده تِیمانا اود یاغدیراجاغام کی، بوصرانین قالالارینی یاندیریب-یاخسین.“
13
رب بله دیئر: ”عَمّونلولاری جزاسیز بوراخمایاجاغام، چونکی گوناه اوستونه گوناه اتدئلر، اونلار اَراضیلرئنی گِنئشلَندئرمک اوچون گئلعاددا بویلو آروادلارین قارینلارینی ییرتدیلار.
14
بونا گؤره ده رَبّانین دوواریندا اود آلوولاندیراجاغام کی، اورانین قالالارینی یاندیریب-یاخسین. بو یِر دؤیوش زامانی قیشقیرتی ائله طوفان گونو طوفانلا داغیلاجاق.
15
اونلارین پادشاهلاری ائله باشچیلاری بئرلئکده اسئرلئیه آپاریلاجاقلار.“ رب بله دیئر.
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 2 →
All chapters:
1
2
3
4
5
6
7
8
9