Amos 3

Azerbaijan 2013

← Chapter 2 Jump to: Chapter 4 →

1ای ائسرایئل اؤولادلاری، ربّئن سئزئن ضئدّئنئزه ددئیی سؤزو اِشئدئن! رب مئصئر تورپاغیندان چیخارتدیغی بو نسلئن هامیسینا بله دیئر:

2”یِر اوزونده‌کی بوتون نسئللرئن آراسیندا فقط سئزی سِچمئشم؛ اونا گؤره ده بوتون تقصئرلرئنئز اوچون سئزی جزالاندیراجاغام.“

3ائکی نفر راضیلاشیب گؤروشمَسه‌لر، بئرلئکده مگر یول گِدَرلر؟

4شئکاری اولمایان شئر مِشه‌ده مگر نعره چکر؟ هچ نه شئکار اتمه‌مئش جاوان آصلان یوواسیندا مگر نَرئلده‌یر؟

5تله قورولمامیشسا، یرده‌کی تله‌یه مگر قوش دوشَر؟ بئر شی توتمایان تله یِرئندن مگر آتیلار؟

6شهرده کَره‌نای چالینسا، خالق مگر قورخویا دوشمَز؟ اگر رب بلا گؤندَ‌رمه‌سه، هانسی بئر شهره مگر بلا گلر؟

7حقئقتن، پروردئگار رب قولو اولان پیغمبرلره اؤز نئیّتئنی آچمادان هچ نه اتمئر.

8شئر نعره چکئب، کئم اوندان قورخماز؟ پروردئگار رب دانیشیب، کئم نبئلئک اتمز؟

9اَشدودون قالالاریندا، مئصئر تورپاغینین قالالاریندا بله اعلان ادئن: ”سامئره داغلارینین اوستونه ییغیلین. اوراداکی بؤیوک قاریشیقلیغی، اونون ائچئنده‌کی ظولملری گؤرون.“

10رب بویورور: ”لاکئن اونلار دوز ائش گؤرمه‌یی باجارمیرلار. اونلار قالالارینا قدّارلیق و قارت ییغیرلار.“

11اونا گؤره ده پروردئگار رب بله دیئر: ”بئر دوشمن، بلی بئری گلئب اؤلکه‌نی موحاصئره‌یه آلاجاق، سنی گوجدن سالاجاق، قالالارین قارت اولوناجاق.“

12رب بله دیئر: ”چوبان شئر آغزیندان نجه ائکی بود سومویو، و یا قولاغین بئر پارچاسینی چکئب قورتاریر، سامئره‌ده یاتاق گوشه‌لرئنده، دئوان یاستیقلاریندا اوتوران ائسرایئل اؤولادلاری دا اِله‌جه خئلاص اولاجاقلار.

13قولاق آسین و یعقوب نسلئنئن ضئدّئنه شهادت ورئن!“ قوشونلار تاریسی پروردئگار رب بله دیئر.

14”من ائسرایئللی‌لری تقصئرلرئنه گؤره جزالاندیراجاغیم گون، بِیت‌ائلده‌کی قوربانگاهلاری دا جزالاندیرجاغام. او قوربانگاهین بوینوزلاری کَسئلئب یِره توللاناجاق.

15من قیشلاق اِولرئنی یایلاق اِولری ائله بئرلئکده ییخاجاغام، فئل دئشی ائله بَزه‌نمئش اِولر داغیلاجاق، بؤیوک کوشکلر وئران قالاجاقلار.“ رب بله بویورور.

← Chapter 2 Jump to: Chapter 4 →