Haggai 2

Azerbaijan 2013

← Chapter 1 Jump to:

1یدّئنجی آیین ائیئرمی بئرئنده پیغمبر حَجّه‌ی واسئطه‌سی‌ائله ربّئن سؤزو نازئل اولدو:

2«ائندی سِعَلتی‌اِل اوغلو یهودا والئسی زِروبّابئله، یِهوصاداق اوغلو باش کاهئن یوشَعه و خالقین صاغ قالانلارینا بله دِه:

3”سئزئن آرانیزدا کئم صاغ قالیر کی، بورادا اولان معبدی اوّلکی عظمتئنده اولان حالدا گؤرموش اولسون؟ ائندی بورانی نجه گؤرورسونوز؟ گؤزونوز قاباغیندا سانکی بئر هِچه مگر چِورئلمه‌یئب؟

4ائندی آمّا، ای زِروبّابئل، قووّتلَن!“ رب بویورور: ”قووّتلَن، ای یِهوصاداق اوغلو باش کاهئن اولان یوشَع! ای بوتون اؤلکه خالقی، قووّتله‌نئن و ائشله‌یئن! چونکی من سئزئنله‌یَم.“ قوشونلار ربّی بله بویورور:

5”مئصئردن چیخان زامان سئزئنله باغلادیغیم عهد بودور. و منئم روحوم آرانیزدادیر. قورخمایین!“

6قوشونلار ربّی بله دیئر: ”تزلئکله من گؤیلری، یِری، دهنزی، تورپاغی بئر ده لرزه‌یه گتئره‌جیم!

7بوتون مئلّتلری لرزه‌یه سالاجاغام و بوتون مئلّتلرئن قئیمتلی خزئنه‌لری بورایا گله‌جک و بو معبدی جلاللا دولدوراجاغام.“ قوشونلار ربّی بله بویورور.

8”قیزیل منئمدئر، گوموش ده منئمدئر.“ قوشونلار ربّی بله بویورور.

9”آخیرکی معبدئن عظمتی، اَوّلکئندن اوستون اولاجاق.“ قوشونلار ربّی بله بویورور: ”بو یِره اَمئن-آمانلیق وره‌جیم.“ قوشونلار ربّی بله بویورور.»

10داریوشون حاکئمئیّتئنئن ائکئنجی ائلی، دوقّوزونجو آیین ائیئرمی دؤردونده ربّئن سؤزو پیغمبر حَجّه‌یه نازئل اولدو.

11قوشونلار ربّی بله بویورور: «شرئعت حاقّیندا کاهئنلردن سوروشون:

12”اگر کئمسه جوبّه‌سئنئن اَته‌یئنده تقدئس اولونموش اَت گَزدئرَن زامان، اَته‌یی ائله چؤره‌یه، شوربایا، شرابا، زیتون یاغینا و یا هر هانسی بئر اَرزاغا توخونسا، مگر اونلاری تقدئس اِدَر؟“» کاهئنلر بو سوآلا جاواب وردئلر: «خِیر.»

13حَجّه‌ی ددی: «بس جسده توخونوب نجئسله‌نَن بئر آدام همئن ارزاقلاردان بئرئنه اگر توخونسا، او ارزاقی مگر نجئسله‌یَر؟» کاهئنلر جاواب وردئلر: «نجئسله‌یَر.»

14حَجّه‌ی سونرا بله ددی: «رب بله بویورور: ”بو خالق-بو مئلّت منئم گؤزومده بله‌دئر. اونلارین اَل‌لرئنئن هر عملی بله‌دئر. منه تقدئم اتدئکلری هر شی نجئسدئر.

15ائندی بو گوندن اعتئبارن یاخشی دوشونون. ربّئن معبدئنئن داشی، داش اوستونه قویولمادان، ائشله‌رئنئز نجه گدئردی؟

16او زامان هر کئم ائیئرمی کئسه محصول اگر گؤزله‌یئردی، اون کئسه اولوردو. شراب چَنئندن کئم اَلّی قاب شراب چکمک ائسته‌یئردی، ائیئرمی قابلیق شراب تاپیردی.“

17رب بله بویورور: ”اؤزونوزو و اَللرئنئزئن بوتون زحمتئنی ائستی یِل، کوف و دولو ائله ووردوم. آمّا گئنه ده منه ساری دؤنمَزدئنئز.

18ائندی بو گوندن اعتئبارن یاخشی دوشونون. دوقّوزونجو آیین ائیئرمی دؤردوندن یعنی ربّئن معبدئنئن بونؤوره‌سی قویولان گوندن سونرا، یاخشی دوشونون.

19مگر آنباردا توخوم قالیب؟ مگر اوزوم، انجئر، نار و زیتون آغاجی بار گتئرمه‌یئب؟ بو گوندن اعتئبارن سئزه برکت وره‌جیم!“»

20ربّئن بو سؤزو حَجّه‌یه ائکئنجی دفه آیین ائیئرمی دؤردونده نازئل اولدو:

21«یهودا والئسی زِروبّابئله بله دِه: ”من گؤیلری و یری لرزه‌یه گتئره‌جیم.

22پادشاهلیقلارین تختئنی آلت-اوست اده‌جیم. مئلّتلرئن سلطنتلرئنئن گوجونو دارماداغین اده‌جیم. دؤیوش عارابالاری ائله سوروجولرئنی آشیراجاغام، آتلارلا آتلی‌لار یِره سَرئله‌جکلر. هامی قارداش قیلینجی ائله قیریلاجاق.“»

23قوشونلار ربّی بویورور: «او گون، ای سِعَلتی‌اِل اوغلو قولوم زِروبّابئل،» رب بویورور، «سنی گؤتوروب مؤهورلو اوزوک اده‌جیم، چونکی سنی من سِچمئشم.» قوشونلار ربّی بله بویورور.

← Chapter 1 Jump to: