Lamentations 1

Azerbaijan 2013

Jump to: Chapter 2 →

1بئر زامان ائنسانلارلا دولو اولان اورشلئم شهری، نجه ده تک-تنها اوتوروب. ائندی او دول بئر آرواد کئمی اولوب - وئلایتلر آراسیندا بئر زامان اوجا ساییلان، اِللر آراسیندا شاهزاده اولان، بو شهر، نؤکرچئلئک ادئر.

2گجه‌لر آجی-آجی آغلار، گؤز یاشلاری ائله یاناغی ائسلانار، بوتون معشوقلارینین آراسیندان اونا تسلّی ورن یوخدور. بوتون دوستلاری اونا خیانت ادئب، دوشمن اولوب.

3یهودا ذئلّت آلتیندا، قوللوق آلتیندا، اسئرلئیه آپاریلیب؛ او، مئلّتلر آراسیندا یاشاییر، آمّا اورادا راحاتلیق تاپماییب، بو ائضطئراب آراسیندا، اونو تعقئب ادنلرئن هامیسی اونا چاتیبلار.

4صحیونا گدن یوللار یاس توتور، چونکی بایراملارینا گلن یوخدور، بوتون دروازالاری کئمسه‌سئز قالیب؛ کاهئنلری آه چکئر، قیزلاری ذلئل اولوب، او اؤزو ده آجی‌دیر،

5دوشمنلری اونون اوستونه آغا اولوب، کامیاب یاشاییرلار؛ تقصئرلرئنئن چوخلوغونا گؤره رب اونلاری بو ظولمه سالیب، دوشمنلرئنئن گؤزلری قاباغیندا اؤولادلاری اسئر آپاریلیب.

6صحیون قیزینین بوتون جاه-جلالی یوخ اولوب؛ اونلارین باشچیلاری اوتلاقسیز مارال کئمی اولوبلار، تعقئب ادنلرئن قاباغیندان طاقتسئز قاچیبلار.

7اورشلئم سیخینتی ائچئنده آوارا گَزَرکَن، کچن گونلرده اولان بوتون ثروتئنی خاطیرلاییر، خالقی دوشمنلرئنئن اَلئنه دوشَن واخت، کؤمه‌یئنه چاتان اولمادی. دوشمنلری اونا باخدیلار، ییخیلماغینا گولدولر.

8اورشلئم بؤیوک گوناه ائشلَتدی، اونا گؤره ده نجئس بئر شی اولوب. اونا حؤرمت ادنلرئن هر بئری ائندی اونا خور باخیر، چونکی اونو چیلپاق گؤروبلر، او دا ائنله‌یئب، اوزونو یانا چِوئرئر.

9نجئسلئیی اَته‌یئنده ائدی، گله‌جیئنی دوشونمه‌دی، اونا گؤره ده قورخولو شکئلده ییخیلیب، اونا تسلّی ورن یوخدور. یارب، گؤر بو ذئلّتئمی، چونکی دوشمن اؤزونو بؤیودوب.

10دوشمن اونون بوتون ثروتی اوستونه اَلئنی اوزادیب، چونکی گؤروب کی، مئلّتلر اونون مَقدَسئنه سوخولوبلار؛ او مئلّتلر کی، اونلارین گئرمه‌سئنی جاماعاتینین آراسینا قدغن اتمئشدئن.

11بوتون خالقی زاری‌ییر، چؤرک آختاریر، جانلارینا قووّت آلماق اوچون ثروتلرئنئن عوضئنه آذوقه آلیرلار. «یارب، ائندی باخ، حالیمی گؤر، نجه ذلئل اولموشام.»

12ای بوتون یولدان کچنلر، بو ائش سئزئن اوچون مگر هِچدئر؟ باخین دردئمه، بونون کئمئسی مگر وار؟ منئم باشیما گتئرئلَن درد باشقاسیندا مگر اولار؟ رب قضبدن آلوولاناندا بو دردی باشیما تؤکدو.

13یوخاریدان اود گؤندَ‌ردی، سوموکلرئمه‌جک بو اودو یِرئتدی. آیاقلاریم اوچون تور قوروب، منی گری قایتاریب. منی تک-تنها بوراخیب، بوتون گون طاقتدن سالیب.

14پروردئگار تقصئرلرئمی منه یوغ ادئب، اَلی ائله بئربئرئنه هؤروب، اونلاری بوینوما کچئردیب، طاقتئمی جانیمدان آلیب. منی قاباغیندا دورا بئلمه‌دئیئم ائنسانلارا تسلئم ادئب.

15پروردئگار ائچئمده اولان ائگئدلرئن هامیسینی هِچه ساییب. منئم ضئدّئمه بئر زامان تعیئن ادئب کی، سِچمه ائگئدلرئمی قیریب تاپدالاسین. باکئره یهودا قیزینی اوزوم‌سیخاندا اَزئب.

16بونلار اوچون آغلاییرام، گؤزلرئمدن یاش آخیر. تسلّی ورن مندن اوزاقدیر، جا‌نیمی تزه‌له‌یَن مندن اوزاقدیر. اؤولادلاریم یالقوز قالیب، چونکی دوشمن ظفر تاپیب.

17صحیون اَللرئنی اوزادیر؛ آمّا اونا تسلّی ورن یوخدور. رب یعقوب نسلئنئن ضئدّئنه بو امرئنی ورئب: «قوی اطرافیندا اولانلاری، اونون دوشمنی اولسونلار، چونکی اورشلئم اونلارین آراسیندا نجئس اَسکئیه چِورئلئب.»

18رب حاقلی‌دیر؛ چونکی من اونون امرئنه عوصیان اتمئشم، ای بوتون خالقلار، قولاق آسین! منئم چکدئیئم بو درده باخین، باکئره قیزلاریم، جاوان اوغلانلاریم اسئرلئیه گدئب.

19سِوگئلی‌لرئمی چاغیردیم، لاکئن منی آلداتدیلار؛ کاهئنلرئم، آغساقّال‌لاریم جانا گلمک اوچون یمک آختارارکَن، شهرئن ائچئنده هلاک اولدولار.

20یارب، باخ، دارا دوشموشم، جانیم عذابدان یانیر. چوخ عاصئلئک اتمئشم، بونا گؤره ده اوره‌یئم اوزولور. باییردا قیلینج اؤلدورور، اِو ائچئنده اؤلوم یاشاییر.

21نجه ناله چکدئیئمی اشئدئبلر، آمّا منه تسلّی ورن یوخدور، باشیما گلن بو بلادان بوتون دوشمنلرئمئن خبری وار، سنئن بونو اتدئیئنه سِوئنئرلر، کاشکی اعلان اتدئیئن گون گلسَیدی کی، اونلار دا منئم وضعئیّتئمه دوشه‌لر.

22قوی اونلارین اتدئکلری بوتون پئسلئکلر سنئن حوضورونا قالخسین؛ تقصئرلرئمه گؤره منه اتدئیئنی، اونلارا دا ات. چونکی ناله‌لرئم چوخدور، اوره‌یئم طاقتدن دوشوب.

Jump to: Chapter 2 →