Lamentations 2

Azerbaijan 2013

← Chapter 1 Jump to: Chapter 3 →

1پروردئگار صحیون قیزینا قضبله‌نَرکَن نجه اونو هر طرفدن قارا بولود آلیب! ائسرایئلئن شؤوکتئنی گؤیدن یِره چیرپیپ، قضبلَندئیی گون کَتئلئنی یادا سالماییب.

2پروردئگار آمان ورمه‌دن یعقوب نسلئنئن بوتون مسکنلرئنی اودوب، قضبئنده یهودا قیزینین قالالارینی ییخیب، اونلاری یِرله بئر ادئب، مملکتی، باشچیلارینی آلچالدیب.

3حئدّتلی قضبئنده ائسرایئلئن بوتون قووّه‌سئنی کؤکوندن کَسئب، دوشمن قاباغیندا اونون اوستوندن صاغ اَلئنی گؤتوروب. اِله بئل کی، یعقوب نسلئنئن آراسیندا، اود کئمی هر یانی یاندیریب یاخیر.

4دوشمن کئمی کامانینین یایینی چکئب، خصم کئمی صاغ اَلئنی قالدیریب، بوتون گؤزه خوش گؤرونَنلری اؤلدوروب؛ قضبئنی صحیون قیزینین چادیرینا آلوو کئمی تؤکوب.

5پروردئگار دوشمن کئمی اولوب. ائسرایئلی اودوب؛ بوتون سارایلارینی اودوب، قالالارینی وئران قویوب، یهودا قیزینین ماتمئنی، فغانینی داها دا آرتیریب.

6چارداغینی وئرانه باغلار کئمی قیریب تؤکوب، گؤروش یِرلرئنی خارابالیغا چِوئرئب، رب صحیونا تعیئن اتدئیی بایرام و سَبّت گونلرئنی یادلاردان چیخارتدیریب، قضبئنئن آلوووندا پادشاه و کاهئنی تحقئر ادئب.

7پروردئگار قوربانگاهینی ردّ ادئب، موقدّس مکانینی ترک ادئب. سارایلارینین دووارلارینی دوشمن اَلئنه تسلئم ادئب، اونلار بایرام گونونده اولدوغو کئمی، ربّئن معبدئنده هارای چکئبلر.

8رب نئیّت اتدی کی، صحیون قیزینین دووارینی داغیتسین. اؤلچو ائپئنی اوزادیب، داغیتماق اوچون اوندان اَل چکمه‌یئب. قالا دووارینی، سدّئنی، ماتمه بورویوب، ائکئسی بئرلئکده سولورلار.

9اونون دروازالاری یِره باتیب، چفته‌لرئنی قیریب آتیب، پادشاهی، باشچیلاری یاد مئلّتلرئن آراسیندادیرلار، شرئعته عمل ادئلمئر، پیغمبرلرئنه ربدن آرتیق رؤیا گلمئر.

10صحیون قیزینین آغساقّاللاری یِره اوتوروبلار، دئنمئرلر، باشلارینا توز-تورپاق تؤکوبلر؛ اؤزلرئنی چولا بورویوبلر، اورشلئمئن باکئره قیزلاری باشلارینی یِره دئکئب.

11آغلاماقدان گؤزلرئمئن نورو گِدئر، جانیم عذابدان یانیر؛ عزئز خالقیمین قیریلدیغینا گؤره اوره‌یئمدن قان آخیر. او زامان کی، شهر میدانلاریندا کؤرپه‌لرله اوشاقلار باییلیرلار.

12شهر میدانلاریندا یارالی‌لار کئمی هوشدان گِدَرکَن، آنا قوجاغیندا جان وِرَرکَن، آنالاریندان سوروشورلار: «هانی چؤرک، هانی شراب؟»

13ای اورشلئم قیزی، سنه نه دِیئم؟ سنی کئمئنله موقایئسه اِدئم؟ ای باکئره صحیون قیزی، سنی کئمه بَنزه‌دئم کی، بونونلا من سنه تسلّی وره بئلئم؟ چونکی یاران دهنز قدر درئندئر، سنه کئم شفا وره بئلر؟

14پیغمبرلرئن سنئن اوچون یالان و معناسیز رؤیالار گؤروبلر؛ خوشبختلئیئنی سنه قایتارماق اوچون تقصئرلرئنی اوزه چیخارتماییبلار، آمّا سنی آزدیرماق اوچون، سنه یالاندان رؤیالار گؤروبلر.

15یولدان کِچَن بوتون ائنسانلار اَل چالیب سنی مسخره ادئرلر، باشلارینی یِلله‌یئرلر. اورشلئم قیزینا دیئرلر: «بوتون دونیانین گؤزل‌لئک و شادلیق تمثئلی اولان شهر مگر بودور؟»

16بوتون دوشمنلرئن سنی مسخره ادئرلر؛ فئته باسیرلار، دئش قیجیردیرلار، دیئرلر «اونو اودموشوق، گؤزله‌دئیئمئز گون یقئن کی، بو گوندور؛ اونا چاتمیشیق، اونو گؤرموشوک.»

17رب اؤز ائراده‌سئنی یرئنه یتئرئب، قدئم زامانلاردا امر اتدئیی سؤزو حیاتا کچئردئب. سنی آمان ورمه‌دن وئران قویوب، دوشمنلرئنی سنئن حالینا سِوئندئرئب، خصملرئنئن گوجونو آرتیریب.

18خالقین اورَکلری پروردئگارا فریاد اتدی، ای صحیون قیزینین دوواری! قوی گجه-گوندوز سنئن گؤزلرئندن سل کئمی یاش آخسین، دئنجَلمه، آچ گؤزلرئنی، یومولماسین.

19قالخ، گجه‌نئن قارانلیغیندا فریاد ات، گجه نؤوبه‌لری باشلایارکن پروردئگارین حوضوروندا قلبئنی سولار کئمی آچیب تؤک. اَللرئنی اونا آچ، اؤولادلارینین صاغ قالماسینی ائسته، اونلار هر تئنئن باشیندا آجیندان هوشدان گدئرلر.

20یارب، ائندی باخ، خالقینین حالینی گؤر! کئمئنله بله رفتار ادئبسن؟ آنالار اوشاقلارینی، عزئز بالالارینی مگر یِسئنلر؟ کاهئنلر، پیغمبرلر پروردئگارین موقدّس مکانیندا مگر اؤلدورولسونلر؟

21جاوانلار، قوجالار توز-تورپاقدا، کوچه‌لرده یاتیرلار. باکئره قیزلاریم، ائگئدلرئم قیلینجدان کچئردئلئبلر. قضبلَندئیئن گون اونلاری هلاک ادئبسن، آمان ورمه‌دن قیریبسان.

22قورخدوقلاریمی هر یاندان چاغیریبسان، اِله بئل، بایراما دعوت ادئبسن. ربّئن قضب گونونده قاچیب-قورتولان اولمادی، اونلارین آراسیندان صاغ قالان اولمادی، اونلاری کی، دوغوب بؤیوتموشدوم، اونلاری دوشمنئم هلاک اتدی.

← Chapter 1 Jump to: Chapter 3 →