bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Edo
/
Edo ((E Baibol Ẹdo) Version 1996)
/
1 Kings 15
1 Kings 15
Edo ((E Baibol Ẹdo) Version 1996)
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 16 →
1
Ọ ghi rre ukpo eva irrọvbugiene Jeroboam ne ọba Izrẹl rriọba Abija keghi rriọba, vbe Juda,
2
ọ na rriọba la ukpo eha vbe Jerusalẹm. A kegha tie iye ẹe Maka ne ovbi Absalọm.
3
Egbe orukhọ ne erha ẹe ru ọre irẹn vbe gha ru, ọ ma vbe mobọ rhie egbe lele Nọyaẹnmwa ne Osanobua ẹre zẹ vbene Devid ne erha ẹe nọkhua ru.
4
Sokpan, e Nọyaẹnmwa ne Osanobua ẹre keghi rhunmwuda e Devid rhie ọmọ okpia ne Abija ne ọ rriọba lele ẹe vbe Jerusalẹm kevbe ne ọ ye Jerusalẹm khian ne ẹkun sẹ ọ re otọ.
5
E Nọyaẹnmwa ru emwi na rhunmwuda e Devid ru emwi ne ọ yẹ ọre, ọ ma vbe rra iyi ẹre rhọkpa gberra ẹmwẹ Uraia ne ovbi ẹvbo Hiti.
6
Abija kevbe Jeroboam, okuo ọ re iran gha gu egbe khọn la ẹghẹ ne Abija ya ẹe vbe ọba.
7
Emwi ọvbehe hia ne Abija ghi ru, a gbẹnnẹ ọẹn ye Ebe Avbe Ọba e Juda.
8
Abija keghi wu, a na re ẹre ye Jerusalẹm, ẹre Asa ne ovbi ẹre na rriọba lele uẹ.
9
Ọ ghi rre ukpo ugie ne Jeroboam ne ọba Izrẹl rriọba, Asa keghi rriọba vbe Juda,
10
ọ keghi gbe ukpo ọkpa yan iyeva vbe ẹkete vbe Jerusalẹm. A keghi tie iye ẹe nọkhua Maka ne ovbi Absalọm.
11
Asa keghi ru emwi ne ọ yẹ e Nọyaẹnmwa, zẹ vbe e Devid ne erha ẹe odede.
12
Ọ keghi khulo avbe ebabotu ne ikpia kevbe ne ikhuo ni gha rre aro ẹbọ iran ni ga ẹbọ, ọ keghi vbe viọ avbe amazẹ ne ọmwa ne irẹn rriọba lele mannọ ọẹn kua.
13
Ọ keghi rhie Maka ne iye ẹe nọkhua hin ukpo iyọba rre rhunmwuda, ọ ghaa mwẹ ukhurhẹ emwiekhue ne iran ya gho Asiẹrra ne ẹbọ ne okhuo emwiokọ. Asa keghi guọghọ nene ukhurhẹ, ọ keghi giẹn ọnrẹn vbe Ẹzẹ Kidrọn.
14
A gha rhe miẹn wẹ ama guọghẹ aroẹbọ avbe ni ga ẹbọ, Asa keghi wa gha ru emwi ne ọ yẹ e Nọyaẹnmwa vbe ẹdẹ agbọn rẹn hia.
15
Ọ keghi ya viọ emwi hia ne erha ẹe ya fi ohan ne Osanobua ye uwu Ọgua Osa, deba avbe ọkpan kevbe esiliva kevbe igoru ne irẹn tobọ ẹre ya fi ohan.
16
Igbinna ọre Asa ne ọba e Juda kevbe Baasia ne ọba Izrẹl ya ẹdẹ agbọn iran gu egbe gbinna vbe ẹghẹ ne iran ya ẹe vbe ọba.
17
Baasia keghi mu okuo gha rrie Juda, ọ na ya gbe ekẹn ga e Rama ne ekhẹn ghẹ ghi la e Juda ra ne ọ vbe gha kọe ladian.
18
Ẹre Asa ne ọba na viọ avbe igoru kevbe esiliva ni rre Ọgua Osa kevbe ẹguae, ọ keghi viọ ne emwa irẹn viọ gha rrie Damaskọs, ne iran viọ gie Benhadad ne ọba e Siria, ovbi e Tabrimọn kevbe eyẹ e Heziọn ne iran vbe tama rẹn wẹẹ:
19
“Gie ima gba gha re ọse egbe vbene avbe erha mwa gha ye. Te I ya avbe igoru kevbe esiliva na guẹ, Dobọ iku ne uwẹ vbe Baasia ne ọba Izrẹl te gba ku yi, ne ọ miẹn ehe na hẹ ivbi iyokuo ẹre hin mwẹ ẹvbo rre.”
20
E Benhadad ne ọba keghi gele kue yọ vbene Asa kha re, ọ keghi gie ọkaokuo ẹre kevbe ivbi iyokuo ẹre ne iran mu igbinna gha rrie Izrẹl. Iran khọn Ijon muotọ, Dan, kevbe Ebel Bẹt Maaka, ne ọ rre otọe hia ni rre ọkpẹn e Galili, ya deba otọe Naftali hia.
21
E Baasia ne ọba ghi họn emwi ne ọ sunu, ọ keghi dobọ e Rama ne ọ te gbe ekẹn ga yi, ọ na gha rrie Tiza.
22
Ẹre Asa ne ọba na gie ne a tama emwa ni rre Juda hia vbene a i na vbe sẹ ọkpa rae vbọ ne iran ya la okuta ni rre Rama ke ẹe kevbe igẹdu ne Baasia te ya gha gbe ekẹn lẹga ẹre. Asa keghi ya avbe emwi na gbe ekẹn lẹga Mizpa kevbe Geba, ẹvbo ọkpa vbe otọ e Bẹnjamin.
23
Emwi ọvbehe ne Asa ne ọba ghi ru hia, iwinna udinmwẹ ọnrẹn kevbe avbe ẹvbo ne ọ gbe ekẹn gaa, a gbẹnnẹ ehia ye Ebe Okha Avbe Ọba e Juda. Sokpan, ọ ghi khian ọmaẹn nẹ, emianmwẹ owẹ keghi kun ẹnrẹn use.
24
Asa keghi wu, a na re ẹre ye Jerusalẹm, ọre Jehosiafat ne ovbi ẹre na rriọba lele ẹe.
25
Vbe ukpo ne ogieva ọghe Asa ne ọba e Juda, e Nadab ne ovbi e Jeroboam na rriọba Izrẹl, ọ keghi ya ukpo eva vbe ẹkete.
26
Ọ keghi ru orukhọ ghe Nọyaẹnmwa, ọ na ya Izrẹl de ye orukhọ.
27
E Baasia ne ovbi Ahija, ne uniẹn Isaaka keghi khuan khẹ ọ re, ọ na gbe ẹe rua vbe ẹghẹ ne ivbi iyokuo ẹre na gha khọn vbe Gibẹtọn ne ẹvbo e Filistia.
28
Ukpo ne ogieha ọghe ẹghẹ ne Asa ne ọba e Juda ya ẹe vbe ẹkete Ẹre Baasia na rriọba lele Nadab zẹ vbe ọba Izrẹl.
29
Vbe ọwarọkpa nii, ọ keghi suẹn gha gbele emwa ni re ẹgbẹe Jeroboam hia. Zẹ vbene Nọyaẹnmwa la unu ọguọmwadia ẹre ighẹ Ahija ne akhasẹ ne ọ rre Silo ta ẹe, a keghi wa gbele ẹgbẹe ọghe Jeroboam fo, ọkpa ma vbe ke ẹe.
30
Ọna sunu rhunmwuda, e Jeroboam keghi ya ohu mu e Nọyaẹnmwa ne Osanobua Izrẹl vbekpa orukhọ ne irẹn ru, ọ na vbe silo ivbi Izrẹl obọ fi orukhọ ne iran vbe ru.
31
Emwi ọvbehe hia fẹẹrẹ ne Nadab ru, a gbẹnnẹ ọẹn ye Ebe Okha Avbe Ọba Izrẹl.
32
Asa ne ọba ọghe Juda kevbe Baasia ne ọba ọghe Izrẹl, okuo iran gu egbe iran khọn la ẹghẹ ne iran ya ẹe vbe ẹkete.
33
Vbe ukpo ne ogieha ọghe Asa ne ọba e Juda, e Baasia ne ovbi Ahija keghi rriọba Izrẹl hia. Ọ kegha khaemwisẹ vbe Tiza la ukpo enẹ yan ugie.
34
Ọ keghi rukhọ ghe Nọyaẹnmwa, Ọ na silo ivbi Izrẹl obọ la orukhọ zẹ vbene Jeroboam ne ọba ka vbe ru khẹ irẹn.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22