bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Edo
/
Edo ((E Baibol Ẹdo) Version 1996)
/
Joshua 23
Joshua 23
Edo ((E Baibol Ẹdo) Version 1996)
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 24 →
1
Ọ ghi kpẹe fua, vbe Nọyaẹnmwa ghi rhie ọfumwegbe ne ivbi Izrẹl nẹ vbe obọ avbe eghian iran ni lẹga iran, e Jọsua vbe khian ọ maẹn ghẹghẹghẹ.
2
Ọ keghi tie ivbi Izrẹl hia, avbe ediọn, avbe ọkaolotu, iran ni bu ohiẹn kevbe avbe ekamakodin emwa nii, ọ keghi kha wẹẹ, “Te I ghi khian ọmaẹn ghẹghẹghẹ nian.
3
Aro uwa sẹ emwi ne e Nọyaẹnmwa Osanobua rua ru avbe agbọn ẹvbo na hia re rhunmwuda uwa. Te e Nọyaẹnmwa Osanobua uwa gha gbinna ne uwa.
4
Wa danmwehọ, I ghae avbe ẹvbo ni ghi dekẹe ne avbe ẹwae uwa nẹ ne ọ gha re ọghe uwa, erriọ vbe nọ ne avbe ẹvbo ne I munọ ẹn ke Ẹzẹ Jọdan vbe odẹ ahọ kpao ya sẹ Okun Meditẹrrenian vbe odẹ orrie.
5
E Nọyaẹnmwa Osanobua rua gha gie iran laghe iyeke hin ehe ne uwa ye rre, ọ gha vbe khulo iran hin uwa egbe rre. Otọe iran gha khian ọwua zẹ vbene e Nọyaẹnmwa Osanobua uwa yan ma uwa.
6
Rhunmwuda ọnii, wa gia miẹn wẹ wa họn ẹmwẹ, wa keghi vbe ya emwi hia ne a gbẹnnẹ ye ebe uhi e Mosis ru emwi. Wa ghẹ zẹ kọ vbọ hiehiere.
7
Ne uwa ghẹ ya gha gu emwa na ne a sẹrae ye uwu ẹbu uwa mu obọ, ra ne uwa gha ya unu kan eni ẹbọ iran, ra ne uwa gha ya eni iran yan eyan, ra ne uwa gha gho iran ra ne uwa gha ye uhunmwu rhanmwẹ otọ ne iran.
8
Wa rhie ekhọe lele e Nọyaẹnmwa zẹ vbene uwa ru do sẹ ẹdẹnẹrẹ na.
9
E Nọyaẹnmwa khulo avbe agbọn ẹvbo nekhua kevbe ni wegbe hin ehe ne uwa ye rre, a ma he miẹn emwa ne ọ sẹtin rrẹrrẹ uwa do sẹ wanwan na.
10
Ọmwaikọmwa vbe uwu uwa gha sẹtin zẹ arhunmwu arriaisẹn khu rhunmwuda, e Nọyaẹnmwa Osanobua uwa ẹre ọ gbinna ne uwa zẹ vbene ọ yan rẹn.
11
Wa gia wa miẹn khekherriọ ighẹ wa ho ẹmwẹ e Nọyaẹnmwa Osanobua rua.
12
A deghẹ wa ghi werriegbe wa na ya ke egbe uwa ba avbe ẹvbo nii ne a sẹrae ye uwu ẹbu uwa, wa na ya gha rọnmwẹ egbe.
13
Wa ghi wa rẹn wẹ e Nọyaẹnmwa Osanobua uwa i ghi ra khulo avbe agbọn ẹvbo nii hin ehe ne uwa ye rre. Sokpan iran zẹ ẹbe ne uwa zẹ vbe ifi ra uye, ọ ghi vbe gha balọ zẹ vbe asan vbe ẹkpiyeke ra igban vbe uwu aro uwa. Erriọ ọ re ọ khian gha ye khian a te miẹn wẹ wa lahin otọe esiesi na ne Nọyaẹnmwa Osanobua uwa mu ne uwa.
14
“Banbanna nian, te imẹ ghi ra wu, dọmwadẹ ọghọe vbe uwu uwa rẹnrẹn vbe uwu ekhọe kevbe orhiọn rẹn wẹ e Nọyaẹnmwa Osanobua uwa viọ emwi esi hia ne a ve uwa re ne uwa nẹ. Emwi hia ne ọ yanrẹn, a ru iran nẹ, ọkpa ne ọ fira vbe uwu eyan nii, ẹ i rrọọ.
15
Ẹn ẹn, e Nọyaẹnmwa Osanobua uwa ru emwi hia ne ọ yan rẹn ighẹ rẹn gha ru ne uwa, ne uwa nẹ.
16
Sokpan, a deghẹ wa ma rhie uhi nii ne Nọyaẹnmwa Osanobua rhie ne uwa mwẹ, a deghẹ wa ya gha gho avbe ẹbọ ọvbehe, wa na gha ya uhunmwu rhanmwẹ otọ ne iran, ọ gha rri uwa oya, a te miẹn wẹ ọkpa ma ghi kẹe vbe uwu uwa vbe otọe esiesi na ne ọ mu ne uwa.”
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24