Leviticus 6

Edo ((E Baibol Ẹdo) Version 1996)

← Chapter 5 Jump to: Chapter 7 →

1E Nọyaẹnmwa keghi yi avbe uhi na hia ma e Mosis:

2“Te ọmwa gha zọ ese yọ a deghẹ igho ne ovbi Izrẹl rhie nẹẹn rhiemwẹ khian ne ọ ma ghi rhie werriegbe ne nọyan rẹn, ra vbe ọ gha rha ẹre, ra te ọ mu ẹẹn ru.

3Ra te ọ ta ohoghe ye ẹmwẹ emwi ne ọ wiri, vbene ọ gha na vẹn ihẹn wẹ rẹn ma miẹn ọẹn.

4Ọmwa gha ru orukhọ vbenian, ọ ghi ha emwikemwi ne ọ la ekpa ibeleku miẹn nii. Ẹdẹ ne a gha miẹn wẹ ọ rri abe, ọ ghi ha obọkpa vbe a gha wa emwi nii ye ihe ugie, gbe ọmwa nii re vbe ọ gha ha ehia fo nẹ.

6“Ọ ghi mu ogho ra ovbukhọ ne ẹ i mwẹ okan gie ohẹn zẹ vbe emwi izọ ese ne a ya ha emwi werriegbe. Omwa ne agbọn hia kue yi ọre a gha ya fian ive yọ.

7Ohẹn ghi zọ ese nii ye orukhọ ne ọmwa nii ru, a ghi ya bọe.”

8E Nọyaẹnmwa keghi tama e Mosis:

9Ne ọ viọ avbe uhi na ne Errọn kevbe avbe ivbi ẹre vbe ekpa ese ne a giẹn uan fo. “A ghi gha sẹ ese na giẹn uan rae ye aka la asọn hia, a ghi gie erhẹn nii gha baa.

10Ohẹn ghi yọ ẹwu eto ovbiohuẹ kevbe utalawẹ eto ovbiohuẹ, ọ ghi kpolo emuẹn ne ọ yevbe ọdan ne ọ rrọ hinrre, ọ ghi viọ ẹre ye asefẹn aka.

11Ọ ghi ya fi ẹwu werriẹ, ọ ghi viọ emuẹn nii lahin agọ rre gha rrie ehe ne ẹ i mwẹ awua.

12A ghi gie erhẹn nọ rre aka gha baa, vbe ne ẹ i na dọyọ. Owiẹ owiẹ ọre ohẹn gha ya gha viọ erhan yọ, ọ ghi mwamwa ese na giẹn uan nii yọ, ọ ghi vbe giẹn efun emwi isara.

13A ghi gie erhẹn nii gha baa vbe aka, a ghẹ giẹ dọyọ.

14“Vbenian ọre a gha ya gha ru izọhẹ ọka. Ohẹn ghi mu ọka nii gie Nọyaẹnmwa vbe odaro aka.

15Ọ ghi zẹ uguobọ ọkpa ọghe irhuarhua nii kevbe ofigbọn kevbe eturari hia, ọ ghi giẹn ọnrẹn vbe aka zẹ vbe ama wẹ e Nọyaẹnmwa ọ re a ya ẹe zẹ ọhẹ gie, uwinhinmwẹ izọese vbenian yẹ e Nọyaẹnmwa.

16Avbe ohẹn ghi rrie ni dekẹe vbọ. A ghi ya ẹe ru ebrẹd, a ghi rri ọe vbe ehe ne ẹ i mwẹ awua, vbe orere ọghe Owa Ukpọn e Nọyaẹnmwa. A ghẹ ye eyist gbe ẹe, te Nọyaẹnmwa rhie ẹre ne iran zẹ vbe ne ọ sẹ iran egbe vbe izẹ ọhẹ evbare nii. Te ọ wa huan ẹsẹse, zẹ vbe izọese orukhọ kevbe izese a hae werriegbe.

18Vbe ẹghẹ nọ dee hia, ivbi Errọn ni ikpia ne ọrhirhi gha khin sẹtin rri ọe zẹ vbe oghae ne ọ kan iran vbe evbare ne a ya zẹ ọhẹ ne Nọyaẹnmwa. Ọmwaikọmwa ra emwikemwi ọvbehe ne ọ ya egbe kan emwi ne a ya zẹ ọhẹ gie Nọyaẹnmwa emwi guẹe.”

19E Nọyaẹnmwa keghi viọ avbe ilele na ne Mosis:

20“Vbene a gha ya gha ma ohẹn Errọn hẹ. Vbe ẹdẹ ne a gha ma ẹre ohẹn nii ọ ghi mu uwan ọkpa ọghe irhuarhua ya zẹ ọhẹ gie Nọyaẹnmwa (zẹ vbene izọhẹ ọka ọghe ẹdẹgbegbe vbe bun sẹ) ukhiọnmwẹ vbe owiẹ, ukhiọnmwẹ vbe ota.

21A ghi ya ofigbọn gbe ẹe, a ghi mu ọkpan ye erhẹn ya le ẹe, a ghi guọguọe, a ghi ya ẹe zọhẹ zẹ vbe emwi izẹ ọhẹ ọghe ọka, emwi ne ọ winhin yẹ e Nọyaẹnmwa.

22Ovbi Errọn ne ọ rhirhi gha rre ukpo Ogie Ohẹn, te ọ gha zẹ ọhẹ na ke orre ya sẹ orre. A ghi wa giẹn ọnrẹn uan fẹẹrẹ zẹ vbe emwi izese ghe Nọyaẹnmwa.

23A ghẹ zẹdẹ re vbe izẹọhẹ ọka ne ohẹn ru hiehiere, a ghi wa giẹn ehia a.”

24E Nọyaẹnmwa keghi tama e Mosis:

25“We ne ọ ma Errọn kevbe ivbi ẹre, emwamwa na, ọ ghe vbene a zọ ese ye orukhọ hẹẹ. Aranmwẹ ne a ya zọ ese ye orukhọ, odẹ okuọ ọghe aka ọre a gha na gha gbe ẹe, odẹ ehe ne a na gbele aranmwẹ eso ne a giẹn uan, izọese ne ọ huansẹ ẹsẹse ọre ọna khin.

26Ohẹn ne ọ ya aranmwẹ nii zọọ ese ghi rri ọe vbe ehe ne ọ huanrẹn, vbe orere Owa Ukpon Nọyaẹnmwa.

27Ọmwaikọmwa ra emwikemwi ne ọ ya egbe kan emiowo aranmwẹ nii, uhuanmwẹ aranmwẹ nii ghi ya ẹe khian ọmwa ne emwi gue. Esagiẹn ọnrẹn gha sanmwẹ ye ukpọn, a ghi ye amẹ ne ọ huansẹ họ ẹre.

28Uwawa ne a rhirhi ya le ẹe, a ghi gbe ẹe rua sokpan deghẹ ẹgere nọ, a ghi khiakhia ẹe, a ghi ye amẹ rria ẹre.

29Ọmọ okpia ike ọmọ okpia vbe ẹgbẹe ọghe ohẹn sẹtin rri emwi izọese nii, emwi ne ọ huansẹ ẹsẹse nọ.

30Sokpan, a gha mu esagiẹn ẹnrẹn la uwu Owa Ukpọn Ile, a na ya ẹe ru emwi akpehuan ọghe orukhọ, a ghẹ rri emiowo nii, a ghi wa giẹn ọnrẹn uan.

← Chapter 5 Jump to: Chapter 7 →