bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Bodo
/
Bodo BDVNT (ବ୍ଡ଼୍ ହ୍ର୍ଜା ବାଇବଲ)
/
1 Timothy 2
1 Timothy 2
Bodo BDVNT (ବ୍ଡ଼୍ ହ୍ର୍ଜା ବାଇବଲ)
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 3 →
1
ଇସବୁ ବିଷୟ୍ ବିତ୍ରେ ମର୍ ହ୍ର୍ତୁର୍ କାନିକ୍ର୍ମ୍ ଇରି ଯେ, ପାର୍ତେନା କ୍ର୍ତାବ୍ଳ୍ ଦେଶାର୍ ଶାସନ୍କ୍ର୍ତା ମ୍ନ୍କାର୍ ଗିନେ,
2
ର୍ଜାମ୍ନ୍କାର୍ ଗିନେ ଆର୍ ବିନ୍ସ୍ବୁ ଅଦିକାରିମ୍ନ୍କାର୍ ଗିନେ, ଆରେକ୍ ସ୍ବୁ ଲକ୍ମ୍ନ୍କାର୍ ଗିନେ ଇଶ୍ଵରାର୍ ଲ୍ଗେ ପାର୍ତେନା କ୍ରା, ଜ୍ନ୍କ୍ରି ଅମିମ୍ନ୍ ସ୍ବୁବ୍ଳ୍ ଇଶ୍ଵର୍କେ ପାର୍ତେନା କ୍ରୁହାରୁନ୍ଦ୍ ଆର୍ ବିନ୍ସ୍ବୁ ଲକ୍ମ୍ନ୍କାର୍ ଲ୍ଗେ ବ୍ଲ୍ ଚାଲିଚଳନ୍ କ୍ରୁନ୍ଦ୍।
3
ଅନ୍କ୍ରି ପାର୍ତେନା କ୍ର୍ତାର୍ ଟିକ୍, ଆର୍ ଇରି ଅମାର୍ ଉଦାର୍କ୍ର୍ତା ଇଶ୍ଵର୍କେ ସର୍ଦା କ୍ରେଦ୍।
4
ସେ ଇଚା କ୍ରୁଲା ଯେ, ସ୍ବୁ ଲକ୍ମ୍ନ୍ ପାପେହ୍ଣି ଉଦାର୍ ହାଅତ୍, ଆର୍ ଖ୍ରୀଷ୍ଟର୍ ସ୍ତ୍ ଶିକ୍ଯାକେ ଜାଣତ୍।
5
ଇଶ୍ଵର୍ ଏକ୍ଲା ଆର୍ କେ ନାଇ, ଆର୍ ମାନାଇମ୍ନ୍କାର୍ ଆର୍ ଇଶ୍ଵରାର୍ ବିତ୍ରେ ଶାନ୍ତି କ୍ରୁକେ ଗଟେକ୍ ଲକ୍ ମ୍ଜାଇ ଆଚେ, ସେ ଅମ୍ଲା ଖ୍ରୀଷ୍ଟ ଯୀଶୁ, ଯେ କି ମାନାଇ ରୁପ୍ ନ୍ଇ ଜ୍ର୍ନ୍ ଅଇଲାଆଚେ।
6
ସେ ଲକ୍ମ୍ନ୍ ପାପେହ୍ଣି ମୁକ୍ତି ହାଉତାର୍ ଗିନେ ନିଜ୍କେ ସ୍ହ୍ରିଦିଲା, ତାର୍ ମ୍ର୍ନ୍ ଦ୍ବାରା ଇରି ଟିକ୍ ସ୍ମୟେ ଜାଣା ହ୍ଳିଲି ଯେ, ଇଶ୍ଵର୍ ସ୍ବୁ ଲକ୍ମ୍ନ୍କେ ଉଦାର୍ କ୍ରୁକେ ମ୍ନ୍କ୍ରୁଲା।
7
ସେ ସ୍ତ୍ ଆର୍ ବିଶ୍ବାସାର୍ ସୁବ୍କ୍ବର୍ ପର୍ଚାର୍ କ୍ରୁକେ ହ୍ଟାଇଲା ଚେଲାହର୍ ମକେ ବାଚ୍ଲା ଆଚେ। ଯିହୁଦି ଚାଡି ବିନ୍ଜାତିର୍ ଲକ୍ମ୍ନ୍କେ ସ୍ତ୍ ବିଷୟେ ଶିକ୍ୟା ଦେତାର୍ ଗିନେ ସେ ଗୁରୁହର୍ କ୍ରି ମକେ ବାଚ୍ଲା ଆଚେ। କାଇତାକ୍ ମୁଇ ମିଚ୍ ନ୍କଇ। ମ୍ତର୍ ସେସ୍ବୁ ମୁଇ ସ୍ତ୍ କ୍ମ୍ଲେ।
8
ମୁଇ ମ୍ନ୍କ୍ରୁଲେ ଇଶ୍ଵର୍କେ ଡିରି ପବିତର୍ ଜୀବନ୍ ଜିଉତା ଅଣ୍ତରାମ୍ନ୍ ଆତ୍ ଟେକି ପାର୍ତେନା କ୍ରତ୍, ଆରେକ୍ ସେମ୍ନ୍ ତାକାର୍ ମ୍ନେରିଲା ସ୍ବୁ ରିସା ଆର୍ ଅକାର୍ ଚାଡିକ୍ରି ପାର୍ତେନା କ୍ରତ୍।
9
ସେନ୍କାର୍ ମାଇଜି ଟକିମ୍ନ୍କେ ମୁଇ କାନିକ୍ର୍ମ୍ ଅଇ କ୍ମ୍ଲେ ଯେ, ସେମ୍ନ୍ ସ୍ମ୍ବାଳିକ୍ରି ର୍ଇ ଗ୍ଗାଳ୍ ନ୍ଡିସ୍ଲା ହର୍ ହ୍ଚିଆ ହିନ୍ଦ୍ତା ଦ୍ର୍କାର୍। ବୁତେକ୍ ଟ୍କାର୍ ହ୍ଚିଆ, କି ସନାବାନା ହିନ୍ଦି, କି ମୁଣ୍ତାର୍ ବାଳ୍କେ ଟାଇକ୍ରି ବେନି ନ୍ଗାତି,
10
ସ୍ତ୍ କାମ୍କ୍ରି ସେମ୍ନ୍ ବିନ୍ଲକାର୍ ଆଗେ ନିଜ୍କେ ଗଟେକ୍ ଦ୍ର୍ମ୍ ଟକିବ୍ଲି ଦ୍କାଇଅଇ ଇଶ୍ଵର୍କେ ପାର୍ତେନା କ୍ର୍ତା ଦ୍ର୍କାର୍।
11
ଜ୍ଡେବ୍ଳ୍ ଅଣ୍ତରାମ୍ନ୍ ବିଶ୍ବାସିମ୍ନ୍କେ ଶିକ୍ୟା ଦେମ୍ଲାଇ, ସ୍ଡେବ୍ଳ୍ ସ୍ବୁ ମାଇଜି ଟକିମ୍ନ୍ ଚୁପ୍ଚାପ୍ ଅଇକ୍ରି, ସନ୍ମାନାର୍ ସ୍ଙ୍ଗ୍ ନମ୍ର ବାବେ ଶିକ୍ୟା ଶୁଣ୍ତା ଦ୍ର୍କାର୍।
12
ମୁଇ ମାଇଜି ଟକିମ୍ନ୍କେ ଶିକ୍ୟା ଦେମ୍କେ କି, ଅଣ୍ତ୍ରାମ୍ନ୍କାର୍ ଉହ୍ରେ ଅଦିକାର୍ କ୍ରୁକେ ଟକିମ୍ନ୍କେ ଆଦେଶ୍ ଦ୍ଇନ୍କେରି, ମ୍ତର୍ ତୁମି ପାର୍ତେନା କ୍ର୍ତାର୍ ଗିନେ ଗଟେତ୍ଇ ରୁଣ୍ତିରିଲେକ୍ ମାଇଜିମ୍ନ୍ ତୁନ୍ହ୍ଳି ରେତା ଦ୍ର୍କାର୍।
13
କାଇତାକ୍ ଇଶ୍ଵର୍ ହ୍ର୍ତୁ ଅଣ୍ତ୍ରା ହିଲା ଆଦମ୍କେ ସୁସ୍ଟି କ୍ଲା, ଆର୍ ହ୍ଚେ ସେ ମାଇଜି ଟକି ହବାକେ ସୁସ୍ଟି କ୍ଲା।
14
ଆରେକ୍ ହେଁ ଆଦମ୍ ହ୍ର୍ତୁ ଶଇତାନାର୍ ହାନ୍ଦେହ୍ଳି ଦସି ଅଇନ୍ରିଲା, ମ୍ତର୍ ହବା ସାହାର୍ କ୍ତାଦ୍ରି ଇଶ୍ଵରାର୍ ଆଦେଶ୍କେ ନ୍ମାନି ହ୍ର୍ତୁ ଦସି ଅଇରିଲି।
15
ମ୍ତର୍ ଇଶ୍ଵର୍ ଅବେ ଟକିମ୍ନ୍କେ ହିଲା ଜ୍ର୍ନ୍ କ୍ଲାର୍ ଗିନେ ଉଦାର୍ କ୍ରେଦ୍। ଯଦି ଟକିମ୍ନ୍ ଯୀଶୁ ଖ୍ରୀଷ୍ଟର୍ ଉହ୍ରେ ବିଶ୍ବାସ୍, ବିନ୍ ଲକ୍ମ୍ନ୍କେ ଲାଡ୍, ଆର୍ ପବିତର୍ ଜୀବନେ ତିର୍ଅଇ ରେତି।
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 3 →
All chapters:
1
2
3
4
5
6