bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Bodo
/
Bodo BDVNT (ବ୍ଡ଼୍ ହ୍ର୍ଜା ବାଇବଲ)
/
2 Thessalonians 3
2 Thessalonians 3
Bodo BDVNT (ବ୍ଡ଼୍ ହ୍ର୍ଜା ବାଇବଲ)
← Chapter 2
Jump to:
Chapter 1
Chapter 2
Chapter 3
1
ଏ ମର୍ ଲାଡାର୍ ବାଇ ଆର୍ ବେଣିମ୍ନ୍ ମର୍ ସ୍ରାସ୍ରି କ୍ତା ଅମ୍ଲି, ଅମାର୍ ଗିନେ ପାର୍ତେନା କ୍ରା, ତୁମାର୍ ଲ୍ଗେ ଜ୍ନ୍କ୍ରି ମାପ୍ରୁ ଯୀଶୁ ଖ୍ରୀଷ୍ଟର୍ ସୁବ୍କ୍ବର୍ ବେଗି ପର୍ଚାର୍ ଅଇରିଲି। ସେନ୍କ୍ରି ବେଗି ସ୍ବୁବାଟ୍ ପର୍ଚାର୍ ଅଉଅ।
2
ଆରେକ୍ ପାର୍ତେନା କ୍ରା ଜ୍ନ୍କ୍ରି ଇଶ୍ଵର୍ ଅମୁକେ ଦୁଷ୍ଟ ଆର୍ କ୍ରାପ୍ ଲକ୍ମ୍ନ୍କାର୍ ତ୍ଇହ୍ଣି ଉଦାର୍ କ୍ରେଦ୍। କାଇତାକ୍ ବେସି ଲକ୍ମ୍ନ୍ ସୁବ୍କ୍ବର୍କେ ଶୁଣିକ୍ରି ବିଶ୍ବାସ୍ ନ୍କେରୁଲାଇ।
3
ମ୍ତର୍ ମାପ୍ରୁ ବିଶ୍ବାସ୍ ଯଗ୍ୟ, ସେ ତୁମୁକେ ଶ୍କ୍ତି ଦ୍ଇଦ୍ ଆର୍ ପାପ୍ ଆତ୍ମା ତ୍ଇହ୍ଣି ଉଦାର୍ କ୍ରେଦ୍।
4
ତୁମାର୍ ଉହ୍ରେ ବ୍ର୍ସା କ୍ରୁକେ ମାପ୍ରୁ ଅମୁକ୍ ବିଶ୍ବାସ୍ ଦିଲାଆଚେ, ଆରେକ୍ ଅମିମ୍ନ୍ ଜୁଇରି କ୍ମ୍ଲୁ ତୁମିମ୍ନ୍ ସେରି କ୍ରୁଲାସ୍ ଆର୍ କ୍ର୍ତି ରିଆସ୍ ଇ ବିଷୟେ ଅମିମ୍ନ୍ ଜାଣିଆଚୁ।
5
ଇଶ୍ଵରାର୍ ଲାଡ୍କେ ଆର୍ ଖ୍ରୀଷ୍ଟ ଦିଲାର୍ ସ୍ମ୍ବାଳ୍ତା ଶ୍କ୍ତି ଅଦିକ୍ ଜାଣୁକେ ମାପ୍ରୁ ତୁମୁକ୍ ସାଇଜ କ୍ର।
6
ଏ ମର୍ ଲାଡାର୍ ବାଇ ଆର୍ ବେଣିମ୍ନ୍ ଜ୍ତେକ୍ ଲକ୍ ଅଳ୍ସୁଆ ଅଇ ଜୀବନ୍ ବିତାମ୍ଲାଇ ଆର୍ ଅମି କଇଲା କ୍ତାକେ ନ୍ମାନୁଲାଇ, ଅମୁକେ ମାପ୍ରୁ ଯୀଶୁ ଖ୍ରୀଷ୍ଟ ଦିଲା ଅଦିକାରେ ଅମି ତୁମୁକେ ଆଦେଶ୍ ଦେମ୍ଲୁ ଯେ ଅନ୍କ୍ରି ଲକ୍ମ୍ନ୍କାର୍ ତ୍ଇହ୍ଣି ଦୁରିରିଆ।
7
ତୁମିମ୍ନ୍ ବ୍ଲ୍ବାବେ ଜାଣିଆଚାସ୍ ଯେ ଅମିମ୍ନ୍ ଜ୍ନ୍କ୍ରି ବ୍ଲ୍କାମ୍ କ୍ଲୁ ତୁମିମ୍ନ୍ ସେନ୍କାର୍ କ୍ର୍ତା ଦ୍ର୍କାର୍, ତୁମାର୍ ସ୍ଙ୍ଗ୍ ରିଲାବ୍ଳ୍ ଅମିମ୍ନ୍ ଅଳ୍ସୁଆ ଅଇନ୍ରିଲୁ।
8
ତ୍ନେ ତ୍ନେ ଅମିମ୍ନ୍ କାର୍ ତ୍ଇହ୍ଣି କାଇରି ନ୍କାଇଲୁ ଆଚୁ। କୁଇ ଲକାର୍ ଉହ୍ରେ ବଜ୍ ନ୍ଦେମ୍କେ ଅମିମ୍ନ୍ ନିଜେ ଦିନ୍ରାତି କ୍ଷ୍ଟ ହ୍ଳିକ୍ରି କାମ୍ କ୍ରିରିଲୁ।
9
ଅମିମ୍ନ୍ ତୁମାର୍ ତ୍ଇହ୍ଣି ସାଇଜର୍ ହାଇଁ ଦାବି କ୍ରି କ୍ଇଲୁ ହ୍ଣି, ମ୍ତର୍ ଅମିମ୍ନ୍ ଜୁଇରି ସ୍ବୁକାମ୍ କ୍ରିଆଚୁ ସେସ୍ବୁ ତୁମୁକେ ଗଟେକ୍ ଉଦାହରଣ୍ ହର୍ ଦ୍କାମ୍କେ କ୍ରିଆଚୁ।
10
ତୁମାର୍ ସ୍ଙ୍ଗ୍ ରିଲାବ୍ଳ୍ ଅମିମ୍ନ୍ ତୁମୁକେ ନିୟମ୍ ଦ୍ଇରିଲୁ, ଯେ କାମ୍କ୍ରି ନ୍କେରେ ସେ କାଦି ନ୍କାଅ।
11
ଅବେ ଆରେକ୍ କ୍ମ୍ଲୁ, କାଇତାକ୍ ଅମିମ୍ନ୍ କ୍ବର୍ ହାଇଆଚୁ ଯେ, ତୁମାର୍ ବିତ୍ରେ କ୍ତେକ୍ ଲକ୍ମ୍ନ୍ ଅଳ୍ସୁଆ ଅଇ ଜୀବନ୍ ବିତାମ୍ଲାଇ। ବିନ୍ସ୍ବୁ ଲକ୍ମ୍ନ୍କାର୍ କାମେ ବାଦା ଦେମ୍ଲାଇ।
12
ମାପ୍ରୁ ଯୀଶୁ ଖ୍ରୀଷ୍ଟ ଦିଲା ଅଦିକାରେ ଅମି ସେ ଲକ୍ମ୍ନ୍କେ ଜାଗ୍ରତ୍ କ୍ରି ଆଦେଶ୍ ଦେମ୍ଲୁ, ସେମ୍ନ୍ ଅଳକ୍ ବ୍ଲ୍ବାଟେ ଆସତ୍ ଆରେକ୍ ବୁଲ୍କାମ୍ ନ୍କେରତ୍, ନିଜେ କାମ୍କ୍ରି ତାକାର୍ କାଦିକେ ଅର୍ଜତ୍ ବିନ୍ଲକାର୍ ତ୍ଇ ନ୍ଜାଅତ୍।
13
ମ୍ତର୍ ଏ ମର୍ ଆର୍ ବାଇ ବେଣିମ୍ନ୍ ତୁମିମ୍ନ୍ ବ୍ଲ୍କାମ୍ କ୍ରୁକେ ନିରାସ୍ ଅଉଆନାଇ।
14
ଇ ଚିଟିଲ୍ଗେ ଅମିମ୍ନ୍ ଜୁଇ ଶିକ୍ୟା ଲେକି ହ୍ଟାମ୍ଲୁ କ୍ତେକ୍ ଲକ୍ ଇତାକ୍ ନ୍ମାନ୍ତି, ତ୍ବେ ସେନ୍କ୍ରି ଲକ୍ମ୍ନ୍କେ ଚିନା ଆର୍ ତାକାର୍ ସ୍ଙ୍ଗ୍ ଆରେକ୍ ମିଳାମିସା ଅଉଆନାଇ।
15
ତ୍ବେ ସେ ଲାଜ୍ଅଇଦ୍, ମ୍ତର୍ ତାର୍ ଗିନେ ଶ୍ତ୍ରୁ ହର୍ ବ୍ଯବ୍ହାର୍ କ୍ରାନାଇ ଗଟେକ୍ ବାଇବ୍ଲି ବାବିକ୍ରି ବୁଜାଇ ଦିଆସ୍।
16
ଅମାର୍ ଶାନ୍ତିଦେତା ମାପ୍ରୁ, ସେ ନିଜେ ତୁମୁକେ ସ୍ବୁବ୍ଳ୍ ଆର୍ ସ୍ବୁବାଟ୍ ଶାନ୍ତି ଦେଉଅ।
17
ମାପ୍ରୁ ତୁମାର୍ ସ୍ବୁଲକାର୍ ଲ୍ଗେ ରେଉଅ, ମୁଇ ପାଉଲ୍ ମର୍ ନିଜାର୍ ଆତେ ଇରି ଲେକୁଲେ ଆର୍ ଜୁଆର୍ ଜାଣାମ୍ଲେ। ମର୍ ସ୍ବୁ ଚିଟି ମୁଇ ଅନ୍କ୍ରି ଲେକିକ୍ରି ସନ୍ତକ୍ କ୍ରୁଲେ।
18
ମୁଇ ପାର୍ତେନା କ୍ରୁଲେ ଅମାର୍ ମାପ୍ରୁ ଯୀଶୁ ଖ୍ରୀଷ୍ଟର୍ ଦୟା ତୁମାର୍ ସ୍ବୁଲକାର୍ ସ୍ଙ୍ଗ୍ ରେଅ।
← Chapter 2
Jump to:
Chapter 1
Chapter 2
Chapter 3
All chapters:
1
2
3
Recommended Reading
Commentary
2 Thessalonians Commentaries
→
Devotional
2 Thessalonians Devotional Guide
→
Get This Bible
Bodo BDVNT (ବ୍ଡ଼୍ ହ୍ର୍ଜା ବାଇବଲ) Study Bible
→