bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Bodo
/
Bodo BDVNT (ବ୍ଡ଼୍ ହ୍ର୍ଜା ବାଇବଲ)
/
Ephesians 6
Ephesians 6
Bodo BDVNT (ବ୍ଡ଼୍ ହ୍ର୍ଜା ବାଇବଲ)
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
1
ଏ ହିଲାମ୍ନ୍, ମାପ୍ରୁର୍ ଗିନେ ନିଜାର୍ ନିଜାର୍ ଆଇଦି ଉବାଦିର୍ କ୍ତା ମାନ୍ତା ଦ୍ର୍କାର୍, ଇରିହ୍କା ଟିକ୍ ବ୍ଯବହାର୍।
2
“ତୁମାର୍ ଉବାଦି ଆଇଦିକେ ମାନ୍ତିକ୍ରା, ଇ ଆଦେଶେ ଗଟେକ୍ ହ୍ର୍ମାଣ୍ ମିସାଇକ୍ରି କଇଲାଇ ଆତ୍ତି।”
3
ଅନ୍କ୍ରି କ୍ଲେକ୍ ତୁମାର୍ ବ୍ଲ୍ ଅଇଦ୍, ଆର୍ ହୁର୍ତିବି ଲ୍ଗେ ତୁମିମ୍ନ୍ ବେସିଦିନ୍ ବାଚାସ୍।
4
ଆରେକ୍ ଏ ଆୟା ଉବାମ୍ନ୍, ନିଜାର୍ ନିଜାର୍ ହିଲାମ୍ନ୍କେ ରିସା କ୍ରାଉଆ ନାଇ, ମ୍ତର୍ ସେମ୍ନ୍କେ ମାପ୍ରୁର୍ ଗୁଣ୍ ଆର୍ ଶିକ୍ୟା ଦ୍ଇ ବାଡାଉଆ।
5
ଏ ଗତି ଦ୍ଙ୍ଗ୍ଳାମ୍ନ୍, ଜ୍ନ୍କ୍ରି ତୁମିମ୍ନ୍ ଖ୍ରୀଷ୍ଟର୍ ସେବା କ୍ରୁଲୁ ବ୍ଲି ବାବୁଲାସ୍, ସେନ୍କ୍ରି ହୁର୍ଦୟାର୍ ସ୍ଙ୍ଗ୍ ଡିରିକ୍ରି ଜଗତାର୍ ସାଉକାର୍ ମ୍ନ୍କାର୍ ଆଦେଶ୍ ମାନା।
6
ଜ୍ଡେବ୍ଳ୍ ତୁମାର୍ ସାଉକାର୍ ଦ୍କୁଲା ସ୍ଡେବ୍ଳ୍ ହ୍କା ବ୍ଲ୍କାମ୍ କ୍ରାନାଇ, ମ୍ତର୍ ତୁମିମ୍ନ୍ ଖ୍ରୀଷ୍ଟର୍ ଗତି ଦ୍ଙ୍ଗ୍ଳା ବ୍ଲି ବାବିକ୍ରି ଇଶ୍ଵରାର୍ ଇଚାକେ ହୁରାକ୍ରା।
7
ଲକ୍ମ୍ନ୍କାର୍ ସେବା କ୍ରୁଲୁ ବ୍ଲି ନ୍ବାବିକ୍ରି, ମାପ୍ରୁର୍ ସେବା କ୍ରୁଲୁ ବ୍ଲି ବାବିକ୍ରି ସ୍ର୍ଦା କ୍ରା।
8
ମ୍ନେର୍କା, ଗତି ଦ୍ଙ୍ଗ୍ଳା ଅଉଅ କି ମୁକୁଳ୍ଲା ଲକ୍ ଅଉଅ, ମାପ୍ରୁ ସ୍ବୁ ଲକ୍ମ୍ନ୍କେ ତାକାର୍ ବ୍ଲ୍କାମାର୍ ଗିନେ ଇନାମ୍ ଦ୍ଇଦ୍।
9
ଏ ସାଉକାର୍ମ୍ନ୍, ତୁମାର୍ ଗତି ଦ୍ଙ୍ଗ୍ଳା ମ୍ନ୍କାର୍ ଗିନେ ସେନ୍କ୍ରି ବ୍ଲ୍କାମ୍କ୍ରା, ସେମ୍ନ୍କେ ଦ୍ମକାଉଆ ନାଇ। ମ୍ନେର୍କା ତୁମି ଆର୍ ତୁମାର୍ ଗତି ଦ୍ଙ୍ଗ୍ଳା ସ୍ବୁଲକେ ସ୍ର୍ଗେ ରିଲା ମାପ୍ରୁର୍ ଅଦିନେ ଆଚାସ୍। ସେ ସ୍ବୁ ଲକ୍ମ୍ନ୍କେ ସ୍ମାନ୍ ବିଚାର୍ କ୍ରେଦ୍।
10
ସ୍ରାସ୍ରି କ୍ତା ଇରି, ମାପ୍ରୁର୍ ସ୍ଙ୍ଗ୍ ଗଟେକ୍ ଅଇକ୍ରି ତାର୍ ବ୍ଡ୍ ଶ୍କ୍ତିୟେ ଶ୍କ୍ତିମାନ୍ ଅଉଆ।
11
ଇଶ୍ଵର୍ ଦିଲା ସ୍ବୁ ଜୁଜାର୍ ଆସ୍ତିବାଳିକେ ହିନ୍ଦିକ୍ରି ଜାଗ୍ରତ୍ ଅଉଆ, ତ୍ବେ ତୁମିମ୍ନ୍ ଶଇତାନାର୍ ସ୍ବୁ କ୍ରାପ୍ କାମ୍ ବିରୁଦେ ଟିଆ ଅମା।
12
କାଇତାକ୍ ଅମିମ୍ନ୍ ହୁର୍ତିବି ତ୍ଇରିଲା ମାନାଇମ୍ନ୍କାର୍ ବିରୁଦେ ଜୁଜ୍ ନ୍କେରୁ, ମ୍ତର୍ ଅମିମ୍ନ୍ ଆକାଶେ ରିଲା ଦୁଷ୍ଟ ଆତ୍ମାମ୍ନ୍କାର୍ ସ୍ଙ୍ଗ୍ ଆର୍ ଇ ଅନ୍ଦାର୍ ଜଗତାର୍ ଶ୍କ୍ତି, ଇ ଜୁଗାର୍ ଆତ୍ମିକ୍ ଶାସନ୍କ୍ର୍ତା ଲକ୍ମ୍ନ୍କାର୍ ସ୍ଙ୍ଗ୍ ଆର୍ ଅଦିକାରିମ୍ନ୍କାର୍ ସ୍ଙ୍ଗ୍ ଜୁଜ୍ କ୍ରୁଲୁ।
13
ଅବେ ଇଶ୍ଵର୍ ଦିଲା ଆସ୍ତିବାଳି ହିନ୍ଦା, ତ୍ବେ ତୁମିମ୍ନ୍ ଡ୍ଣ୍ତାର୍ ଦିନ୍ ଶ୍ତ୍ରୁକେ ଜୁଜ୍ କ୍ରି ଜିଣୁ ହାରାସ୍, ସ୍ରାସ୍ରି ବ୍ଳ୍ ଅଟୁଆ ଅଇକ୍ରି ରେମ୍ହାରାସ୍।
14
ସେତାର୍ଗିନେ ସ୍ତ୍କେ ବେଲ୍ଟ୍ ହିନ୍ଦ୍ଲା ହର୍କ୍ରି ଅଟାଇ ଅଟୁଆ କ୍ରି ବାନ୍ଦା ଆର୍ ତିଆର୍ ଅଇରିଆ, ଇଶ୍ଵରାର୍ ଦାର୍ମିକ୍ ଜୀବନ୍ ଉରେ ହିନ୍ଦା।
15
ହାଦେ ହାଣ୍ତାଇ ହିନ୍ଦିକ୍ରି ଶାନ୍ତିର୍ ସୁବ୍କ୍ବର୍ ପର୍ଚାର୍ କ୍ରୁକେ ତିଆର୍ ଅଇରିଆ।
16
ସ୍ବୁବ୍ଳ୍ ବିଶ୍ବାସ୍କେ ଗଟେକ୍ କ୍ରି ଦ୍ରିରିଆ, ତ୍ବେ ଡାଳ୍ସ୍ଙ୍ଗ୍ ଶଇତାନାର୍ ସ୍ବୁ ଜୟ୍ହର୍ ବାଣ୍କେ ତୁମିମ୍ନ୍ ଜିଣୁ ହାରାସ୍।
17
ଆରେକ୍ ଉଦାର୍କେ ମୁଣ୍ତେ ଟପ୍ରି ହର୍ ହିନ୍ଦା, ଆର୍ ଇଶ୍ଵରାର୍ ଦିଲା ବାକ୍ଯକେ ଆତ୍ମାର୍ କ୍ଣ୍ତାହର୍ କ୍ରି ଦ୍ରିରିଆ।
18
ପାର୍ତେନା କ୍ରି ଇଶ୍ଵର୍କେ ଇସ୍ବୁ ମାଗା, ସ୍ବୁବ୍ଳ୍ ପବିତର୍ ଆତ୍ମାର୍ ଇଚାୟ୍ ପାର୍ତେନା କ୍ରା, ଜାଗ୍ରତ୍ ଅଇରିଆ ଆର୍ ଇଶ୍ଵରାର୍ ଲକ୍ମ୍ନ୍କାର୍ ଗିନେ ସ୍ବୁବ୍ଳ୍ ପାର୍ତେନା କ୍ରା।
19
ଆର୍ ମର୍ଗିନେ ହେଁ ପାର୍ତେନା କ୍ରା, ଜ୍ନ୍କ୍ରି କି ସୁବ୍ କ୍ବରାର୍ ସ୍ତ୍ କ୍ତାକେ ମୁଇ ନ୍ଡିରିକ୍ରି ପର୍ଚାର୍ କ୍ରୁକେ ଇଶ୍ଵର୍ ମକେ ଟିକ୍ ବାକ୍ୟ ଦ୍ଇଦ୍।
20
ଅବେ ମୁଇ ଜ୍ଇଲେ ରିଲେକ୍ ହେଁ ସୁବ୍କ୍ବର୍ ପର୍ଚାର୍ କ୍ରୁକେ ମୁଇ ଗଟେକ୍ ର୍ଜାର୍ ଦୂତ୍ ହର୍ ସିକ୍ଳିଏ ବାନ୍ଦାଇ ଅଇଲେଆଚି। ମୁଇ ସାସ୍ ଦ୍ଇକ୍ରି ଜ୍ନ୍କ୍ରି ପର୍ଚାର୍ କ୍ରୁହାରି ସେତାର୍ଗିନେ ମର୍ ହାୟ୍ ପାର୍ତେନା କ୍ରା।
21
ମର୍ ବିଷୟେ ତୁମିମ୍ନ୍ ଜ୍ନ୍କ୍ରି ଜାଣୁହାରାସ୍, ସେତାର୍ଗିନେ ମୁଇ ଅମାର୍ ଲାଡାର୍ ବାଇ ଆର୍ ମାପ୍ରୁର୍ କାମ୍ କ୍ର୍ତିରିଲା ତୁଖିକ ସେ ସ୍ବୁକ୍ତା ତୁମୁକେ ଜାଣାଇଦ୍।
22
ଅମି ସ୍ବୁଲକ୍ କ୍ନ୍କାର୍ ଆଚୁ, ସେ କ୍ତାକଇ ତୁମୁକେ ମ୍ନ୍ ବିତ୍ରେ ସ୍ର୍ଦା କ୍ର୍ତାର୍ ଗିନେ, ମୁଇ ତାକେ ତୁମାର୍ ହାକ୍ ହ୍ଟାଇଲେ ଆଚି।
23
ଉବା ଇଶ୍ଵର୍ ଆର୍ ମାପ୍ରୁ ଯୀଶୁ ଖ୍ରୀଷ୍ଟର୍ ସ୍ବୁ ବିଶ୍ବାସି ବାଇ ଆର୍ ବେଣିମ୍ନ୍କେ ବିଶ୍ବାସାର୍ ସ୍ଙ୍ଗ୍ ଶାନ୍ତି, ଲାଡ୍ ଦେଉଅ।
24
ଜ୍ତେକ୍ ଲକ୍ ଅମାର୍ ମାପ୍ରୁ ଯୀଶୁ ଖ୍ରୀଷ୍ଟକେ କ୍ବେ ନ୍ସେର୍ତା ଲାଡେ ଲାଡ୍ କ୍ରୁଲାଇ, ସେମ୍ନ୍କେ ଇଶ୍ଵରାର୍ ଦୟା ଅଉଅ।
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
All chapters:
1
2
3
4
5
6
Recommended Reading
Commentary
Ephesians Commentaries
→
Devotional
Ephesians Devotional Guide
→
Get This Bible
Bodo BDVNT (ବ୍ଡ଼୍ ହ୍ର୍ଜା ବାଇବଲ) Study Bible
→