1 Samuel 31

Chin (Mara Bible RV (BSI))

← Chapter 30 Jump to:

1Philistinâ mo ta Izarei a dyuh heih ei ta. Izarei chyhsazy cha Philistinâ mo hmiakô tawhta a râpai ei ta, Kibô Tlâh liata thiepa ta y ei ta.

2Philistinâ mo ta Sawla nata a sawchapawzy cha a chadai lymâ ei ta, Philistinâ mo ta Sawla sawchapawpa Zawnathâ, Abinadâ nata Mekhisua zy cha thie ei ta.

3Adyuhna cha ru ngaita ta, Sawla cha thata chadie ei ta, likathaipazy ta Sawla cha hmô ei ta, hmah thata paphao ei ta.

4Sawla ta a chariah chhaichhi a chabatuhpa hnohta, “Na zaozi kha phia la, nâ vaw chôsao teh, chataleipatala chopawtaileipa sahlaozy a vy aw ei ta, nâ vaw chôsao aw ei ta, einâ palai thlu pathlei aw ei na,” tah ta. Châhrasala a chariah chhaichhi chabatuhpa cha a chi ngaitapa vâta tao kho leipa ta. Sawla ta ano zaozi la ta, pao thlu ta.

5A chariah chhaichhi chabatuhpa ta Sawla a thipa a hmô nahta, ano chhao ta a zaozi pao thlupa ta, Sawla hnohta thi ha hra ta.

6Chatanachata Sawla, a sawchapawpa pathôh, a chariah chhaichhi a chabatuhpa nata a chyhsa zydua cha, noh kha chhôh ta ama thi khai haw.

7Izarei mo a râpai ei ta, Sawla nata a sawchapawzy ama thi hapa cha, Saikao haosâ lâta Izarei chyhsa a ypazy nata Zawdâh haosâ lâta a ypazy ta ama hmô nahta, ama khihpizy puasaipa ta a râpai khai ha ei ta. Philistinâ mo a vy ei ta, Izarei khihpizy liana cha ama vaw pahrâ haw.

8A mylâ ta Philistinâ mo cha ama chariah thiepazy chysia pahluh awpa ta vawh ei ta. Sawla nata a sawchapawpa pathôhzy cha athipa ta Kibô Tlâh liata kei hmô ei ta.

9Sawla cha a luh tai ei ta, a chariah chhaichhizy pahluh ei ta, ama nothlahpa achhyna ozy liata nata zawpizy hnohta a thâtih phuah awpa ta, Philistinâ râh zydua liata zikyu parâsa ei ta.

10A chariah chhaichhizy cha Astarô o liata soh ei ta, a ri deikua cha Besâ thokhy liata chahry pâ ei ta.

11Philistinâ mo ta Sawla ama taotiazie cha Zabekilia khihsawzy ta ama thei nahta,

12pasaipha zydua thyu ei ta, azozâkhihdei ta sie ei ta, Besâ thokhy liata ama chahry pâpa Sawla ri nata a sawchapawzy ri cha la ei ta, Zabe vaw tlôkhei ei ta, cha liata rao ei ta.

13Ama ruzy la ei ta, Zabe liata tamâri kô ry liata pabu ei ta, noh sari chhôh kâhvileipa ta mâchhie ama sa.

← Chapter 30 Jump to: