bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Chin
/
Chin (Mara Bible RV (BSI))
/
Ecclesiastes 5
Ecclesiastes 5
Chin (Mara Bible RV (BSI))
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 6 →
1
Khazohpa o lâ na pangai nota na phei a phapa ta vaih mah y. Ahrupazy atheihna hlâpa hlâta bie nathlie awpa ta a hniapa a pha via, ahrupazy cha khâpa ma ama tao tahpa ama pahno leipa vâta.
2
Na pakah a para leipa la, na palôh ta Khazohpa hmiakô ta bie rei awpa chatlie tu khah sy. Khazohpa cha avâ liata y ta, nâ deikua cha alei liata y tlôh chi ta, chavâta bie reih chyh mah y.
3
Pachâna hluh tupa ta mâsapa pahluh ta, bie rei hluh tupa ta hruna bie a papua hluh tyh.
4
Khazohpa lâ hmo pie awpa bie nâ taih khiahta cha, na bietai patlô awpa ta pahawhpasâh khah y. Khazohpa cha ahrupazy chô liata a ly vei. Bie nâ taihpa cha patlô mah y.
5
Bie a taih tlôh ta patlô leipa hlâta cha, bie a taih leipa a pha via.
6
Na pakah ta cha pamoleisa leipa sala, vâlyuhchâpa hmiakô liata, taopasipa a châ tah hra khah y. Khazia Khazohpa cha na bie vâta a hiehâhpa ta, na ku raihriazy a parao aw?
7
Mâsana a hluhna liata bie ruapa hluh ta, hraoleipa chhao a hluh tyh. Khazohpa deita na chi awpa a châ.
8
Dyhchhiepazy tlybaipa ta ama ypa nata adona nata siana zy thachahra hmâpa ta pahleipa a châzie zy bia liata na hmô khiahta cha, cha kyh liata na noâh khah sy. Hyutuh laipa cha ano hlâta a sâh viapa ta mohpathli ta, âmo pano chô lâta chhao hyutuhpa a sâh viapazy ama y heih.
9
Châhrasala mo to chhaohlei kôvei a niepa sai châ ei ta, abei tlai chhao cha lyutaopazy ta ama chyhpa a châ.
10
Tâkâ a tlaichhaipa cha tâkâ liata a lôhrâ patlô beih leipa aw ta, hneirôna a tlaichhaipa chhao a sôh hmôpa ta a lôhrâ patlô beih aw vei. Cha chhao cha hraoleipa deita a châ.
11
Hneina a pôh khiahta cha, a nietuhpa pôh ei ta; a mokhaoh ta sôh a hmôpa tah leipa ta cha, sôh hneituhpa châta khâpa athôhna ma a hnei?
12
Raihriatuhpa cha a nie hluh tlyma, a nie chyh tlyma, a mokuh pahâh kaw ta; hneirôhpa deikua cha, rih biena taihta a niepa chhao ta a mô thei vei.
13
Hmo pha lei ngaitapa noh ry liata ei hmô: Chyhsa ta ano palôh pasa nawpa ta sôh nata thih a pachôpa hih.
14
A sôh nata thihzy cha chhiena â tyhna liata lei khai ha ta, a sawchapaw châta a ku liata khâpa hmah y khao vei.
15
A nô chhi tawhta thluahruapa ta a vaw puapa hawhta, thluahruapa ta kua heih aw ta, a hriapasana theilâpazy chhao khâpa hmah a phao thei aw vei.
16
He chhao he hmo pha lei ngaitapa a châ: a vaw tlô no hawhna khata a sie heih aw. Thlih châta hriapasapa dei châ ta, a châta khâpa athôhna ma a hnei?
17
Cha dei châ vei, a hro chhôh noh zydua ta ruchhôpa nata pasapa nata hiehâhpa ta zohna liata pati a nie tyh.
18
Moh teh u, hmo phapa nata a hmiepa ta ei hmôpa cha, chyhsa ta niepa ta doh ta, Khazohpa ta a piepa noh chyhta a hnei chhôh ta, noh ry liata a hriapasana zydua liata alyna a hnei awpa he a châ. Cha cha a tovyuh a châ.
19
Cha dei châ vei, Khazohpa ta chyhsa hnohta sôh nata piah nata hneirôna zy a pie tita, chazy liata alyna châh pahno ta, a tovyuh a pyh thaipa ta, a hriapasana liata alyna châh a pahnopa cha, Khazoh hmosaipiepa a châ.
20
Khazohpa ta a palôh khâ a palysa awpa vâta, a daihti khô chiehpazy a thei tu khao aw vei.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 6 →
All chapters:
1
2
3
4
5
6
7
8
9
10
11
12