bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Chin
/
Chin (Mara Bible RV (BSI))
/
John 4
John 4
Chin (Mara Bible RV (BSI))
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 5 →
1
Zisu ta Zawhâna hlâta pachupa hluh via tao ta, bâti chhao a pachâsa hluh viapa kyh Phârisaihzy ta ama thei tahpa Zisu ta pahno ta.
2
Zisu ano tlai ta bâti a pachâsapa châ leipa ta, a pachupazy ta bâti ama pachâsapa tlao a châ.
3
Chatanachata Zudia râh puasai ta, Kâlili râh lâ kua ha ta.
4
Samâri râh a sie pahlie awpa byuh ta.
5
Samâri râh khih miakha Saikâ ama tahpa tlô ta. Cha cha Zakaw ta a sawchapawpa Zawsi a piepa lyu kiapâh liata a ypa a châ.
6
Zakaw tikhaoh chhao cha liata a y. Zisu cha a sie rietheipa vâta tikhaoh kiah liata a tyu ta. Nohchhô lichih châ ta.
7
Samâri chanô pakha ti thai awpa ta a vy ta. Zisu ta a hnohta, “Ti do awpa na pie teh,” tah ta.
8
A pachupazy cha niedo chalei awpa ta khihpi lâ vawh ha ei ta.
9
Samâri chanô ta a hnohta, “Nâ Zu chyhsa châ chi ta, kei Samâri chanô châ tlôh na ta, kheihtazieta ti do awpa eina hiah thlâh ha chi?” tah ta. Zu chyhsazy ta Samâri chyhsazy cha ama pa-i kaw tyhpa châ tlôh ta.
10
Zisu ta a chhy ta, “Khazohpa hmopiepa nata, ‘Ti do awpa na pie teh,’ châ tahtuhpa he pahno ha la cha, nâma ta a hnohta tlao hiah aw chi ta, ano ta ti hrohpa a cha pie ha awpa tlai,” tah ta.
11
Chanô ta a hnohta, “Pâpuh, ti thai nawpa khâpa hmah hnei tlôh chi va, tikhaoh hra a thu tlôh, khataih liatapa ma ti hrohpa cha na hmô?
12
Miah pathlatuhpa Zakaw hlâta na rônah via ma? Ano ta he tikhaoh he miah pie ta, ano chhao ta he ti he doh ta, a sawchapawzy nata a sahrohzy chhao ta ama dopa ti a châ,” tah ta.
13
Zisu ta a chhy ta, “Ahy rai he ti a dohpa maih a dâh a phi heih aw,
14
kei ta ei pie awpa ti a dohpa deikua cha, a dâh phi heih khao aw vei. Kei ta ei pie awpa ti cha, a chhôh liata tihnawh lâta a lie aw ta, chhâzaw hrona taihta a pali aw,” tah ta.
15
Chanô ta a hnohta, “Pâpuh, he tiaparâh ti thaih awpa ta ei vy khao lei nawpa nata ei dâh a phi khao lei nawpa ta, cha ti cha na pie teh,” tah ta.
16
Zisu ta a hnohta, “Vawh la, na vahpa kei aw la, he lâ a vy heih mah y,” tah ta.
17
Chanô ta a chhy ta, “Vahpa hnei va na,” tah ta. Zisu ta a hnohta, “‘Vahpa hnei va na,’ na tahpa cha â do na.
18
Châhrasala vahpa papangawh hnei ha chi ta, tahmâ ta na hneipa he na vahpa châ vei. Chavâta na reipa cha â do,” tah ta.
19
Chanô ta a hnohta, “Pâpuh, hrohsopa na châ tahpa ei pahno haw.
20
Keimo miah pathlatuhpazy cha he tlâh liata Khazohpa amâ chhy tyh, nâmo deikua ta, Zerusale he chyhsazy ta Khazohpa amâ chhy nawpa su a châ nama tah,” tah ta.
21
Zisu ta a hnohta, “Chanô, ei bie zo teh. He tlâh cheingei leipa liata chhao, Zerusale khih cheingei leipa liata chhao, Paw namâ chhy nawpa daihti a vaw tlô hai.
22
Nâmo ta nama pahno leipa a chhy tyh ei chi ta, keimo deikua ta cha eima pahnopa eimâ chhy tyh. Pachhana cha Zuzy tawhta a vaw puapa a châ.
23
Châhrasala a daihti a tlô daihmâ, tahmâ chhao a vaw tlô haw. Cha tita Khazohpa a chhy hmeiseihpazy ta thlahpa nata biehmeiseihpa ta Paw amâ chhy aw. Cha hawhpazy cha Paw ta ano a chhytuhpa châ awpa ta a tlua ei.
24
Khazohpa cha Thlahpa châ ta, ano achhytuhpazy ta thlahpa nata biehmeiseihpa ta amâ chhy awpa a châ,” tah ta.
25
Chanô ta a hnohta, “Krista ama tahpa Mesia cha, â vy aw tahpa ei pahno. Â vy tita, hmo to zydua miah a chho aw,” tah ta.
26
Zisu ta a hnohta, “Bie châ chhotuhpa kei he, ano cha ei châ,” tah ta.
27
Cha nona chata a pachupazy vaw tlô ei ta. Chanô bie â chhopa cha ama noâh kaw ta, châhrasala ahy hmahta, “Khâpa na khoh?” tahpa tlyma, “Khazia chanô kha bie nâ chho?” tahpa tlyma, a hiahripa y veih ei.
28
Chatawhcha chanô cha a ti beihrai siesai ta, khih lâ vawh ta, chyhsazy hnohta,
29
“A vy u la, ei hmotaopa zydua nâ chho khaipa chyhsa vaw moh tua u. Mesia a châ thei aw tly ma?” tah ta.
30
Chyhsazy cha khih tawhta pua ei ta, ano lâ pangai ei ta.
31
Cha chhôh ta pachupazy ta Zisu cha pati nie awpa ta a haw ei ta, “Râbai, nie mah y,” tah ei ta.
32
Châhrasala Zisu ta ama hnohta, “Nama pahno leipa pati nie awpa ei hnei,” tah ta.
33
Pachupazy cha âmo nata âmo ta, “A nie awpa chyhsa ta ama vaw cheipa ma a châ tly?” a tah ei ta.
34
Zisu ta ama hnohta, “Ei pati cha nâ tuahtuhpa khopa taopa nata a raihria pangoh awpa a châ.
35
Nâmo ta, ‘Sâh hria â daih nawpa thla palih a byuh,’ tah veih ei chi ma? Moh teh u, ei cha chho ei, sai u la, lyuzy moh tua u, hria awpa ta a maih haw.
36
Sâh hriatuhpa cha hlao hmô ta, chhâzaw hrona châta a theizy a pakhy, chatanachata a tutuhpa nata hriatuhpazy cha amâ ly raihrie aw.
37
He liana heta, ‘Pakha ta tu ta, mohropa ta a hria,’ tahpa he biedopa a châ.
38
Nama hriapasa leipa hria awpa ta ei cha tuapa ei kha. Mohropazy ta hriapasa ei ta, nâmo ta ama hria chiehpa cha nama pazao,” tah ta.
39
Chanô ta, “Ei hmotaopa zydua eina chho lymâ,” tahpa ta a reipa vâta, cha khih liata a ypa Samâri chyhsa hluhpi ta Zisu cha a ngiapâ ei ta.
40
Samâri chyhsazy cha Zisu lâ a vy ei ta, ama hnohta châh awpa ta a haw ei ta, cha liata noh no châh ta.
41
Mohropa hluhpi chhao ta Zisu bie vâta a ngiapâ ha ei ta.
42
Âmo ta chanô hnohta, “Tahmâ la na bie reipa vâta a ngiapâpa châ khao ma pi. Keimo tlai ta a bie thei pi ta, he he khizaw Pachhatuhpa a châ tlai na tahpa eima pahno haw,” tah ei ta.
43
Noh no a châh tawhta, cha tawhta pua ta, Kâlili râh lâ sie ta.
44
Zisu ano tlai ta hrohsopa cha ano khih liata palyupalihpa ta y vei tahpa ta a vaw rei hapa a châ.
45
Kâlili râh a tlô nahta deikua cha, Kâlili mo ta, Zerusale khih liata Zawpakhô kyhchhi nota a hmotaopa zydua ama hmôpa vâta, a vaw ly ei ta. Âmo chhao cha kyhchhina lâ a sie hrapa ama châ.
46
Kâlili râh liata Kena khih, ti kresawhti lâta a pachâsana khih lâ a vaw lie ta. Kâpynia khih liata molaipa sawchapawpa cha pasa ta.
47
Cha chyhsa chata Zisu cha Zudia râh tawhta Kâlili râh lâ â vy tahpa a theipa nahta, ano lâ vawh ta, a sawchapawpa patlâh awpa ta Kâpynia lâ zu awpa ta a haw ta. A sawchapawpa cha thi daihmâ ta.
48
Zisu ta a hnohta, “Ngiana nata hmonoâhpazy nama hmô vei khiahta la, a ngiapâ ngyu veih ei chi,” tah ta.
49
Molaipa ta Zisu hnohta, “Pâpuh y, ei saw a thi hlâta rie a zu mah y,” tah ta.
50
Zisu ta a hnohta, “Sie mah y, na sawchapawpa cha a hroh aw,” tah ta. Cha chyhsa cha Zisu ta a hnohta bie a reipa cha zo ta, sie ha ta.
51
A zu hai nota, a chakaotuhpazy ta vaw dy ei ta, a sawchapawpa cha a tlâh haw tahpa chho ei ta.
52
A tlâh pathaona daihti âmo hiahri ta, âmo ta a hnohta, “Zâhia nohchhô dawh khapa ta chasipa ta a pathlie haw,” tah ei ta.
53
Zisu ta a hnohta, “Na sawchapawpa cha a hroh aw,” a tahna daihti tlai kha a châpa ta, a paw ta pahno ta, chatanachata ano nata a chhôhkhazy cha ama zydua ta a ngiapâ ha ei ta.
54
Cha cha Zisu ta Zudia râh tawhta Kâlili râh lâ â vy nota hmo noâhpa a taopa a ei nona a châ.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21