bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Chin
/
Chin (Mara Bible RV (BSI))
/
Luke 17
Luke 17
Chin (Mara Bible RV (BSI))
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 18 →
1
Zisu ta a pachupazy hnohta, “Molei reipasaona cha a y awpa a châ. Châhrasala reipasaotuhpa cha a hu a po na!
2
He hawti chyhpatazy hry liata pakha chhao pamoleisa awpa hlâta cha, a pamoleisatuhpa cha a rao liata charona lô paaopa ta, tilaipi liata pathla syulyupa châ sala, a châta a pha via aw.
3
 vaih teh u! Na unawhpa ta hmo a parao khiahta cha, chhorei la, a ro khiahta cha, a ngiahthai mah y.
4
Na chô liata noh kha ta ei sari hmo a paraopa chhao ta, ‘Ei ro ha na,’ tahpa ta, nâ lâ ei sari â vaw lie khiahta cha, nâ ngiahthai awpa a châ,” tah ta.
5
Lyuhchâpazy ta Abeipa hnohta, “Eimâ ngiapâna papôhsa mah y,” tah ei ta.
6
Abeipa ta, “Âhrâ chi hmô kha tie chhâ ta ngiapâna a hneipa châ u la, he malburi kô hnohna heta, ‘A phia la, tilaipi liata a bô teh,’ tah aw ei chi ta, nama rei â ngiah aw.
7
“Nama hry liata chakaotuhpa, lei palietuhpa tlyma, mietaku vaituhpa tlyma, a hneipa y u la, chakaotuhpa cha lyu lâ tawhta a vaw tlô nahta, ‘Tlâhkhai liata pati thlai vaw dôh teh,’ ahy a tah aw?
8
‘A patly la, zâpati na taopa teh. Niepa ta ei doh khai hlâlei na chakao la, cha khai tawhta nâ cha niepa ta doh lah vâ chi,’ tlao tah aw vei ma?
9
Chakaotuhpa cha biepiepa a taopa vâta a zibeipa ta alyna bie a hlâ beih ma?
10
Cha hawhna hra chata nâmo chhao, nama hnohta biepiepa zydua nama tao khai tita, ‘Chakaotuhpa phahnai leipa eima châ, eima tao awpa na tlâ eima tao,’ tah muh vy,” tah ta.
11
Zerusale lâ a sie nota, Samâri nata Kâlili râhri liata sie ta.
12
Khih miakha â ngia chy ta, phawhpa pahrawh ta vaw pangai ei ta. Cha chyhsazy cha lâhlapi ta a duah ei ta,
13
ao paro ngaitapa ta “Zisu, Hyutuhpa, miah ngiachhie mah y,” tah ei ta.
14
Zisu ta âmo cha a hmô nahta, ama hnohta, “Vawh u la, theihthaipazy a kei pamosa teh u,” tah ta. Ama sie hai nota vaw pathaih ha ei ta.
15
Ama hry liata pakha cha, a tlâh hapa â hmô nahta, ao paro ngaitapa ta Khazohpa reithaina chôta kua ta.
16
Zisu phei thaby liata pao ta, a hnohta alyna bie reih ta. Cha chyhsa cha Samâri chyhsa a châ.
17
Zisu ta a chhy ta, “Chyhsa pahrawh pathaisapa châ veih ei mâ? Pachakipazy kha khataih liata ama y haw?
18
He chihropa dei leipa heta, Khazohpa reithai awpa ta a vaw kuapa pakha chhao y veih ei ma?” tah ta.
19
Alyna bie a vaw hlâtuhpa hnohta, “Thyu la, sie mah y, nâ ngiapâna ta a cha patlâh haw,” tah ta.
20
Phârisaihzy ta Khazohpa khinarâh vaw tlô nawpa daihti hiahri ei ta, Zisu ta âmo cha a chhy ta, “Khazohpa khinarâh cha mo ta hmô theipa ta vaw tlô aw vei.
21
‘Moh teh u, he liata a y!’ ‘Hao liata a y!’ tah hra aw veih ei. Khazohpa khinarâh cha nama chhôh liata a y,” tah ta.
22
Chatawhcha pachupazy hnohta, “Chyhsa Sawchapawpa hro nohzy he, noh kha chhâ hmô heih awpa nama khona nohzy a vaw tlô aw. Châhrasala hmô khao aw veih ei chi.
23
Nama hnohta, ‘Moh teh u, hao lâ huh!’ ‘Moh teh u, he lâ hih!’ ama cha tah aw. Pua leipa u la, âmo cha zi hra khuh vy.
24
Avâ hiakha lâta dôhla pathlie ta, avâ hiakha lâ taihta a khaih tyhpa hawhta, Chyhsa Sawchapawpa he ano noh liata cha a châ aw.
25
Châhrasala pasa hluhpi tao tua aw ta, he chhâ chyhsazy ta dythapa ta a y tua aw.
26
Chyhsa Sawchapawpa â vy heihna nohzy cha, Nôah hro nota yzie hawhna khata a châ aw.
27
Nôah balyh liata â ngiana noh taihta niedopa ta y ei ta, nôpi nôvahzy amâ pakia. Tipaua vaw tlô ta, ama zydua ta a pahleipadia khai ha ei.
28
Lawta hro nohzy liana chhao khata, cha hawhta a y hra. Niepa ta doh ei ta, hmo chalei ei ta, zuah ei ta, chi cheih ei ta, ozy ama sa.
29
Châhrasala Sawdawmâ khih tawhta Lawta a pua noh liata, vârâh tawhta mei nata kaih za suah ta, ama zydua ta a pahleipadia khai ha ei.
30
Chyhsa Sawchapawpa chaluahpa ta a yna noh liata chhao, cha hawhta a châ hra aw.
31
Cha noh liata, vâphuh liata a ypa ta a o chhôh liata a hmozy la awpa ta chô khah sy. Lyu liata a ypa chhao ta, o lâ sie khah sy.
32
Lawta lapinô kha a thei thlâh ha teh u.
33
Ahy rai a hrona pabohsa a chhuahpa cha, a hrona pahlei aw ta, a hrona a pahleipa deikua cha, a hrona a pabohsa aw.
34
Ei cha chho ei, cha zâ liana cha, rakhô miakha liata chyhsa pano a zia aw ei ta, pakha lapa châ aw ta, pakha siesaipa a châ aw.
35
Chanô pano sâh daih khoh aw ei ta, pakha lapa châ aw ta, pakha siesaipa a châ aw.
36
Chyhsa pano lyu liata y aw ei ta, pakha lapa châ aw ta, pakha siesaipa a châ aw,” tah ta.
37
Pachupazy ta a hnohta, “Abeipa, khataih liata maw?” tah ei ta. Zisu ta ama hnohta, “Sawhsawpa yna liata vâkhiehzy amâ hmaoh tyh,” tah ta.
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 18 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24