bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Chin
/
Chin (Mara Bible RV (BSI))
/
Luke 21
Luke 21
Chin (Mara Bible RV (BSI))
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 22 →
1
Zisu cha mohmia pasaih ta, chyhsa hneirôhpazy ta thyuna byh liata thyuna ama pathlapa hmô ta.
2
Nôhmei dyhchhiepa ta phusâ dipa miano a vaw pathlapa hmô hra ta.
3
Zisu ta, “Hmeiseihta ta ei cha chho ei, âmo zydua hlâna heta, he nôhmei dyhchhiepa heta a thyu hluh via.
4
Mohropa zydua cha ama hnei laikhôpa thyu ei ta, he chanô deikua he cha, dyhchhie kawpa châ hra sala a khihsatôhtuna châta a hmâ awpa a hnei chhôhpa a thyu khai ha hih,” tah ta.
5
Chyhsa thokha ta Achhyna o cha alô ngiapa nata thyuna sôhzy tawhta â ngia ngaitapa ta tobipa a châzie ama rei hai nota, Zisu ta,
6
“He alô â pachopa nama hmôpazy he, a zydua ta parao khaipa ta a y nawpa nohzy a vaw tlô aw,” tah ta.
7
Âmo ta a hnohta, “Pachutuhpa, chazy cha khatita ma a châ aw? Chazy a vaw tlô chy ta ngiana kheihawhpa ma a y aw?” tahpa ta hiahri ei ta.
8
Zisu ta, “Ama cha dôvei lei nawpa ta a vaih teh u. Chyhsa hluhpi ei moh ta a vy aw ei ta, ‘Ano cha ei châ!’ ‘A daihti a tlô daihmâ haw!’ ama tah aw. Cha chyhsazy cha zi khuh vy.
9
Adyuhna nata tyhreihna kyhzy nama thei tita, chi khuh vy. Chazy cha a tlô tua awpa rai a châ, chhâna deikua thlai tlô mâh aw vei,” tah ta.
10
Chatawhcha ama hnohta, “Phopi nata phopi a dyuh aw ei ta, khinarâh nata khinarâh amâ dyuh aw.
11
Alo ru ngaitapazy a sih aw ta, su hluhpi liata chakâhna tlô aw ta, potlanazy a charei aw. Chichhihpa nata ngiana rarôh y ngaitapazy avâ liata â vaw luah aw.
12
Châhrasala cha zydua a tlô hlâta, cha patu aw ei ta, ama cha taola aw. Nama thâtih pachia awpa ta pakhyna ozy liata cha hlâpa ta, patâhna ozy liata cha khô aw ei ta, ei moh vâta beizy nata râhvaotuhpazy hmiâkô liata ama châ chhi aw.
13
Cha cha nama bie pahnopa reina rypaohpa a châ aw.
14
Kheihta ma eimâ chhy aw tahpa pachâ chhielie lei awpa ta nama palôh tao ha muh vy.
15
Bie nama rei awpa cha pie aw ei na ta, sona cha pie aw ei. Nama khakhaipazy ta nama bie cha ei thei leipa aw ei ta, cha pachhaipadai thei aw veih ei.
16
Nama nôpawzy, nama unawhzy, nama chiheihzy nata nama viasazy cheingei ta cha patusa aw ei ta, thokha chhochhi cha ama cha thie aw.
17
Ei moh vâta chyhsa zydua ta ama châ hao aw.
18
Châhrasala nama luh liata sâbu miakha chhao leidia aw vei.
19
Riethei nama tao hualuana ta nama hrona nama pabohsa aw.
20
“Zerusale khihpi cha pheisaihzy ta ama dôhpa nama hmô tita, roryhrapa ta a y nawpa â hnia haw tahpa pahno teh u.
21
Cha tita, Zudia râh liata a ypazy cha tlâhzy lâ a râ ei sala, khihpi chhôh liata a ypazy ta khihpi puasai ei sala, râh liata a ypazy ta khihpi chhôh lâ a ngia khah ei sy.
22
Cha nohzy cha phuh lana noh châ aw ta, chatanachata châbie ropa zydua kha â vaw ki aw.
23
Cha nohzy liata chanô sawphaohpa nata hawsaih a pyh haipazy hupo awpa rimâ cha! Khizaw liata rietheina thata y aw ta, he phopi chô liata hiehâhna a vaw tlô aw.
24
Zaozi ta thi aw ei ta, phopi zydua sei ta a chhipa ama châ aw. Zenitaizy noh â ki hlâlei cha, Zerusale cha Zenitaizy tlypâpa ta a y aw.
25
“Cha daihti liata, noh nata thlâpâ nata awhsizy liata ngiana y aw ta, tilaipi a aohpa nata tichatlaopazy pyu vâta, khizaw liata phopizy nôpopa nata pachârôhpa ta ama y aw.
26
Avâ hmotaotheinazy a chalyu aw ta, khizaw liata hmo a vaw tlô awpa pachâpa ta, chyhsazy chipa ta ama panao aw.
27
Cha tina chata Chyhsa Sawchapawpa cha hmotaotheina nata rônah ngaitapa ta meihdo hry liata â zupa ama hmô aw.
28
Cha hmozy a vaw tlô pathao tita, nama pachhana cha a hnia ha ta, thyu u la, avâ lâ moh muh vy,” tah ta.
29
Ama hnohta pakhona bie reih heih ta: “Theiku kô nata tho zydua he moh tua u.
30
A chhyh ama pakapa nahta, nopi â hnia haw tahpa nâmo tlai ta hmô ei chi ta, nama pahno tyh.
31
Cha hawhna chata, he hmozy a vaw tlôpa nama hmô tita, Khazohpa khinarâh cha â hnia haw tahpa pahno teh u.
32
Hmeiseihta ta ei cha chho ei, hmo zydua a tlô paki khai hlâlei cha, he chhâ he lei aw vei.
33
Lei nata vâ a lei aw, ei biezy deikua lei aw vei.
34
“A hrohrua teh u, chataleipatala phasana, sahma parina nata hro chhôh khihsa pachâna zy ta nama palôh pabie aw ta, cha noh chata khoheih hawhta eikhapi ta a cha vaw tlô thlu pathlei aw ei.
35
Cha noh cha khizaw pôhpalôhpa liata a pahrâpa zydua chô liata vaw tlô tlôh aw ta.
36
Cha hmo vaw tlô awpa zydua a khôkhâh tlâhpa nata Chyhsa Sawchapawpa hmiakô liata a duah tlâhpa ta raopa nama châ thei nawpa ta, khâpa no rai ta thlahchhâna chôta riavaihpa ta y teh u,” tah ta.
37
Zisu cha nohchhô ta Achhyna o liata pachu ta, zâ a vaw châ nahta, pua ta Ôli tlâh liata a rie tyh ta.
38
Mydi kari ta chyhsa zydua ano lâ a vy ei ta, Achhyna o liata a bie ama nathlie tyh.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24