Hosea 3

Chin SCB2 (Syin Chin Bible)

← Chapter 2 Jump to: Chapter 4 →

1Topa in kei tungah, “Pai kik ta'n a, a lawmpa taw nang hong palngul numei tungah na itna lak ta'n. A milimte sapitnga ko pia thanuam in pathian dangte zuan kale Israel mite ka it veve bangin tua nu it nanak tu ni hi,” hong ci hi.

2Tua ahikom tua nu ka lei natu in ngunn dangka sawm le nga le mangtaang kilogramme 150 ka pia hi.

3Ama munah khuangeipi pumpi zuak ngawl le hong palngul ngawlin kei hong ngakin na om kul tu hi, ka ci hi; tuaciang hi hunsung tengin kei zongh in ama ka ngak tu hi.

4Hi bang lian ma in, Israel mite in kumpi ahibuale lampui nei ngawl, sangaw biakpiakna ahibuale suangkhuam thiangtho nei ngawl, aisaan natu milim ahibuale limte zangh ngawlin hun sau mama sung a nuntak uh kul tu hi.

5Ahihang Israel mite in amate ii Pathian Topa kung le kumpi David suan khat ii kung a zot kik tu hun khat hong theng tu hi. Tuasia ciang amate in Topa kiita tu a, ama ii letsong phate saang tu uh hi.

← Chapter 2 Jump to: Chapter 4 →