Hosea 6

Chin SCB2 (Syin Chin Bible)

← Chapter 5 Jump to: Chapter 7 →

1Mite in, “ Topa kungah heak kik tawng! Ama in ei hong liamsak zo a, ahihang ama in hong damsak kik nanak tu hi; ama in hong liamsua zo a, ahihang ama in ih liammate hong tuamsak tu hi ngawl ziam?

2Ni nii, ni thum sungin eite tha thak hong pia kik tu a, ama ompui na ah ih nungta tu hi.

3Topa ih heak natu hanciam tawng. Khuapi ngua hong zu a, leitung tui a buak bang ahizong, a hun maan a, khua a vak bang ahizong ei kungah ama hong pai tatak tu hi,” ci uh hi.

4Ahihang Topa in, “Israel le Judah awng, bang hong law tu khi ziam? Kei nong itna uh sia zingsang mokkaai bangin manlang tak bo a; ni vaisaang ciang a bo pai daaituite bang ahi hi.

5Tua hu in no kungah thukhenna le lalsakna thu puakin ka kamsaangte kong paisak zo hi. Note tung pan ka dei thu sia thiang a kitel sinsen hi:

6Tatsat ngawl nong itna ka dei a, na sangaw biakpiaknate hi ngawl hi. Ka mite ii meihal biakpiaknate hong piak sangin kei hong heak tu dei zaw khi hi.

7“Ahihang amate in Adam ngam sungah a tum po ciang amate taw thuciamna ka vawt sia paltan uh hi.

8Gilead sia mi siate le mithatte taw a kidim khuapi khat hi.

9Thiampite sia mihing khat suam nuamin a pang phalak honkhat taw kibang hi. A thiangtho mun Shechem paina lampi tung ngawngawn ah amate in mihing that uh hi. Tuaciang amate in hi siatna theampo vawt kaltang uh hi!

10Israel ngam sungah a cizat huai na khat ka mu zo hi: ka mite sia amate le amate milim biakna taw kininsak uh hi.

11“Tuaciang no Judah mite na hi uh le, na sep na vawtte tungtaang ah daan piak tu hun khat zongh ka ciangtan zo hi.

← Chapter 5 Jump to: Chapter 7 →