bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Chin
/
Chin TBR17 (Tedim Bible Revision 2017)
/
2 Samuel 23
2 Samuel 23
Chin TBR17 (Tedim Bible Revision 2017)
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 24 →
1
Jessiʼ tapa David, milianpi a suak mipa, Jakobʼ Pasianʼ sathau nilh pa, Israel laphuak siampa Davidʼ kam nunungte hih bang ahi hi:
2
“ Topaʼ kha in kei tungtawnin thu hong gen a, ka kam sungah ama thugente om hi.
3
Israel Pasian kampau khin a, Israel a hupa in kei kiangah hong ci khin hi: Mi khat in mite tungah thutang takin ukin Pasian zahtakna tawh limtakin a uk ciangin
4
amah pen amaute tungah zingsang khuavak bangin taang ziazua a, meii kaai loh ni zingsang a nitaang khia, leilak panin lopate a selsak guahtui tawh kibang hi.
5
Hi hi, ka innkuan zong Pasian tawh tua bangmah hi lo ahi hiam? Bang hang hiam cih leh amah in tawntung thuciamna kei tawh hong bawl a, na khempeuh a hoih a kipin hih hi. Bang hang hiam cih leh keimah hong huhin, ka deihna khempeuh tangtungsak ding hi lo ahi hiam?
6
Ahih hangin migilote ahihleh a kilawn khia lingkungte tawh kibang hi. Bang hang hiam cih leh khut guak tawh amaute kilawng ngam lo a,
7
amaute a lawng ding mipa pen sik le teipi bul tawh kithawi a, amaute mei tawh kihal tum siang hi,” a ci hi.
8
Davidʼ neih mi thahatteʼ minte: Tahkhemon mi Josheb-basshebeth hi a, amah pen mi thumte a ukpa ahi hi. Amah in a teipi tawh mihing za giat do-in hun khat sungin that mangkhin hi.
9
Tua ciangin mi thahat thumte lakah amah a zom pa pen Ahoah mi Dodoʼ tapa Eleazar ahi hi. Galsim dingin a kikaikhawm Filistia-te to a, Israel mite a nungkik hunin David tawh amah om hi.
10
Amah dingin a khut a hikcip mateng Filistia-te sat tuk a, a namsau a khut sungah omcip hi. Topa in tua ni-in gualzawhna lianpi piangsak a, a kithat miteʼ na a tawm ding bekin ama nungah mite hong paikik uh hi.
11
Ama zomah Harar mi Ageeʼ tapa Shammah ahi hi. Besan a dimna mun Lehi ah Filistia-te kikaikhawm uh a, Filistia-teʼ kiang panin mite tai uh hi.
12
Ahih hangin amah in tua munah panmun la-in hu a, Filistia-te that a, Topa in gualzawhna lianpi a piangsak hi.
13
Ukpa sawm thumte lak panin mi thumte pai sukin, Refaim kuamah Filistia mihonte in giahphual satin a om laitakin, Adullam leihawm a David kiangah anlak hun pawlin tung uh hi.
14
Tua hunin mun muanhuai sungah David om a, Filistia khuacingte Bethlehem ah om uh hi.
15
David in lunggulhna tawh, “Kulh kongpi gei-a om Bethlehem tuikhuk panin mi khat in tui dawn ding kei hong pia leh!” a ci hi.
16
Tua ciangin mi thahat thumte in Filistia-teʼ giahphual phulin kulh kongpi gei-a om Bethlehem tuikhuk panin tui tawi khia uh a, a tui la-in David kiangah paipih uh hi. Ahih hangin David in a tui dawn lo hi. Amah in Topa adingin a tui sung a,
17
“ Topa aw, hih tui ka dawn het kei ding hi. Amauʼ nuntakna khamin a pai miteʼ sisan a dawn tawh ka kibang hi,” a ci hi. Tua ahih ciangin amah in dawn lo hi. Mi thahat thumteʼ han zia tu-a bang ahi hi.
18
Tu-in Zeruiahʼ tapa, Joabʼ sanggampa Abishai, mihing sawm thumte a ukpa ahi hi. Amah in a teipi tawh mihing za thumte do-in amaute that a, mihing sawm thumteʼ banah minphatna ngah beh hi.
19
Mihing sawm thumte sung pan amah a minthang pen hi a, amaute a ukpa a suak hi. Ahih hangin amah in mihing thumte ban nai lo hi.
20
Jehoiadaʼ tapa, Kabzeel khuami Benaiah pen gal a hang, na lianpite a sem pa hi a, amah in Moab galhang mi nih a vat hi. Amah zong pai sukin vuk a kiat ni khatin leihawm sunga om humpinelkai khat a that hi.
21
Amah in a melhoih Egypt mi khat a that hi. Egypt mipa in a khut sungah teipi tawi hi. Ahih hangin Benaiah ciangkhut khat tawh ama kiangah pai suk a, Egypt-paʼ khut sung panin a teipi sut khia-in ama teipi mah tawh amah a that hi.
22
Jehoiadaʼ tapa Benaiah in hihte hihin, a thahat mi thumteʼ minphatna zah phial a ngah hi.
23
Mihing sawm thumteʼ lakah amah minthang a, ahih hangin amah in mihing thumte ban nai lo hi. David in amah a cingte a ukin a koih hi.
24
Joabʼ sanggampa Asahel zong sawm thumteʼ lakah khat ahi hi. Bethlehem mi Dodoʼ tapa Elhanan,
25
Harod khuami Shammah, Harod khuami Elika,
26
Palti mi Helez, Tekoa khuami Ikkeshʼ tapa Ira,
27
Anathoth khuami Abiezer, Hushah mi Mebunnai,
28
Ahoah mi Zalmon, Netofah khuami Maharai,
29
Netofah khuami Baanahʼ tapa Heleb, Benjamin miteʼ gam sunga om Gibeah khuami Ribaiʼ tapa Ittai,
30
Pirathon khuami Benaiah, Gaash gei-a kuam pan Hiddai,
31
Betharabah khuami Abialbon, Bahurim khuami Azmaveth,
32
Shaalbon khuami Eliahba, Jashenʼ tapate, Jonathan,
33
Harar mi Shammah, Harar mi Shararʼ tapa Ahiam,
34
Maakah khuami Ahasbaiʼ tapa Elifelet, Gilo khuami Ahithofelʼ tapa Eliam,
35
Karmel khuami Hezro, Arbi mi Paarai,
36
Zobah khuami Nathanʼ tapa Igal, Gad mi Bani,
37
Ammon mi Zelek, Zeruiahʼ tapa galhiam a tawi Beeroth khuami Naharai,
38
Ithri mi Ira, Ithri mi Gareb,
39
Hit mi Uriah, a vekpi-in sawm thum le sagih ahi uh hi.
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24