Joshua 12

Dagbani Bible (Naawuni Kundi Kasi)

← Chapter 11 Jump to: Chapter 13 →

1Izraɛlnim’ daa pun nyaŋ na’ shɛba ka deei bɛ tiŋgbana din be Jɔɔdɛn Mɔɣili duli wulimpuhili polo la. Bɛ ni daa deei luɣ’ shɛŋa maa n-nyɛ Arinɔn Vinvamli zaŋ hal ti paai Hɛrimɔn Zoli zaŋ tabili Araba tiŋgbana din zaa daa be wulimpuhili polo maa.

2Nanim’ maa ni yino n-nyɛ Amɔrinim’ naa Sihɔn ŋun daa be Hɛshibɔn, ka su Aroa din daa baɣi Arinɔn Vinvamli la mini vinvamli maa sunsuuni zaŋ hal ti paai Jabok Mɔɣili din nyɛ Ammɔnnim’ tintariga ka nyɛ Giliad pirigili la

3ni Araba zaŋ hal ti paai Kinɛrɔt Teeku din daa be wulimpuhili polo la ni Bɛtijɛshimɔt polo zaŋ kpa Araba Teeku din nyɛ Yalim Teeku n-do n-lab’ nudirigu polo Pisiga tintan’ ni la.

4Na’ so ŋun pahi n-nyɛ Bashan Naa Ogi ŋun daa nyɛ Rɛfaimnim’ ni yino ŋun kpalim ka be Ashitarɔt mini Ɛdirɛi;

5ka su Hɛrimɔn Zoli mini Salɛka ni Bashan zaa zaŋ hal ti paai Gɛshurinim’ mini Maakatinim’ tintariga ni Giliad pirigili zaŋ hal ti paai Hɛshibɔn Naa Sihɔn tintariga la.

6Yawɛ dabili Musa mini Izraɛlnima n-daa tuhi nyaŋ nanim’ maa, ka ŋun’ Yawɛ dabili Musa daa zaŋ bɛ tiŋgbana n-ti Rubin zuliya mini Gaad zuliya ni Manaasa zuliya pirigili ni bɛ su li.

7Jɔshua mini Izraɛlnim’ daa tuhi nyaŋ na’ shɛb’ bɛn be Jɔɔdɛn Mɔɣili duli wulinluhili polo la. Bɛ daa piligila Baaligad din be Lɛbanɔn vinvamli ni la zaŋ hal ti paai Halak Zoli din be Ɛdom polo la. Ka Jɔshua daa piripiri tiŋgbɔŋ maa ti Izraɛlnima kaman bɛ zuliya maa kalinli ni daa nyɛ shɛm ni bɛ su li.

8Bɛ shɛb’ daa ʒinila zoya ni be luɣ’ shɛŋa, ka shɛb’ ʒini tintana ni, ka shɛb’ ʒini Araba, ka shɛb’ ʒini zolɔna ni, ka shɛb’ ʒini mɔɣu ni, ka shɛb’ mi ʒini Nɛgɛb. Tiŋgbɔŋ maa daa nyɛla Hitinim’ mini Amɔrinim’ ni Keenannim’ ni Pɛrizinim’ ni Hivinim’ ni Jɛbusinim’ tiŋgbɔŋ.

9Bɛ ni daa tuhi nyaŋ na’ shɛb’ maa n-nyɛ: Jɛriko naa mini Ai (din miri Bɛtɛl la)

10ni Jɛrusalɛm naa ni Hiburɔn naa

11ni Jarimut naa ni Lakishi naa

12ni Ɛgilɔn naa ni Gɛza naa

13ni Dɛbir naa ni Gɛda naa

14ni Hɔrima naa ni Arad naa

15ni Libina naa ni Adulam naa

16ni Makɛda naa ni Bɛtɛl naa

17ni Tapua naa ni Hɛfa naa

18ni Afɛk naa ni Laasharɔn naa

19ni Madɔn naa ni Hazɔr naa

20ni Shimirɔnmɛrɔn naa ni Akishaf naa

21ni Taanak naa ni Mɛgido naa

22ni Kɛdɛshi naa ni Jokiniam (din be Kamɛl la) naa

23ni Dɔri (din be Nafatido la) naa ni Goiim (din be Galili la) naa

24ni Tiriza naa, ka bɛ zaa kalinli yiɣisi nanim’ pihita ni yini.

← Chapter 11 Jump to: Chapter 13 →