Joshua 16

Dagbani Bible (Naawuni Kundi Kasi)

← Chapter 15 Jump to: Chapter 17 →

1Yisifu zuliya tiŋgbani daa kpuɣila Jɔɔdɛn Mɔɣili ni chaŋ ti baɣisi Jɛriko n-zaŋ hal ti paai Jɛriko wulimpuhili polo kulibɔna n-yi nimaani mali hal ti paai tiŋgban’ nɛl’ la. Ka di daa zaŋ Jɛriko maa hal ti paai zoya ni tinsi la n-zaŋ lala hal ti paai Bɛtɛl.

2Ka di daa zaŋ Bɛtɛl maa hal ni Luz n-gari chaŋ hal ti paai Atarɔt din nyɛ Arikinim’ tiŋgban’ la.

3Ka daa lan zaŋ nimaani hal ti paai Jafilɛtinim’ tiŋgban’ ni n-zaŋ lala hal ti paai Bɛtihɔrɔnnim’ tiŋgbani din daa be zolɔŋni la m-mali lala hal ni Gɛza n-yi nimaani chaŋ ti naai Mɛditirɛniɛn Teeku ni.

4Yisifu zuliya bɛn nyɛ Ifriim mini Manaasa niriba bɛn be Wulinluhili polo daa deei tiŋgbani ŋɔ ka di leei bɛ dini.

5Bɛ ni daa zaŋ tiŋgban’ shɛli ti Ifriim zuliya kaman bɛ daŋ niriba ni nyɛ shɛm m-bɔŋɔ: bɛ tiŋgbani maa piligu shee daa kpuɣila Atarɔtada wulimpuhili polo n-zaŋ hal ni Bɛtihɔrɔn Duli polo

6n-yi nimaani n-zaŋ hal ti paai Mɛditirɛniɛn Teeku ni. Ka Mikimɛtat daa be bɛ nuzaa polo; ka bɛ tintariga bɔbili daa zaŋ chaŋ wulimpuhili polo ha nti ŋmaligi kpa Taanatishilo polo n-chaŋ ti gari di zuɣu wulimpuhili polo n-zaŋ hal ti paai Janɔa.

7Ka daa yi Janɔa maa m-mali hal ti paai Atarɔt mini Naara n-zaŋ hal ni Jɛriko n-kul mali lala hal ti paai di tariga Jɔɔdɛn Mɔɣili ni.

8Ka bɛ tiŋgbani maa zaŋ kpa wulinluhili polo mi daa kpuɣi Tapua m-mali hal ti paai Kana kulibɔŋ n-zaŋ lala hal ti paai di tariga Mɛditirɛniɛn Teeku ni. Dina n-nyɛ bɛ ni daa zaŋ tiŋgban’ shɛli ti Ifriim min’ o daŋ niriba ni bɛ su la

9m-pahi fɔn shɛŋa mini tiŋkpan’ shɛŋa din daa be Manaasa min’ o zuliya niriba tiŋgban’ ni, ka bɛ daa lee zaŋ li n-ti Ifriim min’ o zuliya niriba maa la.

10Amaa ka Ifriim zuliya niriba maa daa lee bi kari Keenannim’ bɛn daa be Gɛza, dina n-chɛ ka Keenannim’ mini Ifriim zuliya niriba maa na kul laɣim’ be hal ni zuŋɔ; amaa ka bɛ lee chɛ ka Keenannim’ maa tumdi dabitim tuma tiri ba.

← Chapter 15 Jump to: Chapter 17 →