Hebrews 1

Dogri (डोगरी नवां नियम)

Jump to: Chapter 2 →

1पराने योग च परमेसर ने बजुर्गें क्न्ने केई बारी थुड़ा-थुड़ा करियै ते पांति-पांति दे पविखवक्तें थमां गल्लां कित्तियां,

2लेकन इनें खीरी दे दिनें च साड़े कन्ने पुत्तर प्रभु यीशु मसही थमां गल्लां कित्तियां, जिसी ओसने सारीं चीजां दा वारस मकर्र कित्ता ते उसै थमां ओसने सारी सृष्टि दी रचना बी कित्ती ऐ।

3ओ ओसदी मैमा दी लो ते ओदे सवाव दी मोर ऐ, ते सारीयां चीजां अपनी शक्ति दे वचन कन्ने संभालदा ऐ। ओ पापें गी तोईयै उच्चीयें जगें उपर महामहीमन दे सज्जे जाई बैठा;

4ते सोर्गदूतें कोलां इनां गै बड़ा मनयां गीया, जिनां परमेसर ने उन्दे कोलां बड्डे औदे दा वारस ओईयै उत्तम नां आसल कित्ता।

5किके सोर्गदूतें बिचा परमेसर ने कदुं कुसे सोर्गदूत कन्ने आखया, “तू मेरा पुत्तर ऐं, अज्ज तू मेरे थमां जमया ऐ?” ते पी ए आखया, “आऊँ ओसदा पिता ओगा, ते ओ मेरा पुत्तर ओग?”

6ते जेसलै अपने जेठे पुत्तर गी दुनिया च पी आंनदा ऐ, तां आखदा ऐ, “परमेसर दे सारे सोर्गदूत उसी मत्था टेकन।”

7ते सोर्गदूतें दे बारै च ए आखदा ऐ, “ओ अपने दूतें गी अवा, ते अपने सेवकें गी बलदी अग्ग बनांदा ऐ।”

8लेकन पुत्तर दे बारै च आखदा ऐ, “ए परमेसर, तेरा सिहांसन युगानयुग रौग; तेरे राज दा राजदंड न्याय दा राजदंड ऐ।

9तो तर्म कन्ने प्यार ते अतर्म कन्ने बैर रखया; एस कारन तेरे परमेसर ने, तेरे साथियें थमां जादै अरषरूपी तेल कन्ने तेरा अभिषेक कित्ता।”

10ते ए के, “ए प्रभु, शुरू च तो तरती दी नीं सुट्टी, ते सोर्ग तेरे अथ्थें दी कारीगरी ऐ।

11ओ ते नाश ओई जागन, लेकन तू बना दा रौगा; ते ओ सारे कपड़े आला लेखा पराने ओई जागन,

12ते तू उनेंगी चादर आला लेखा लपेटगा, ते ओ कपड़े आला लेखा बदली जागन; लेकन तू उवै ऐ ते तेरे बरें दा ऐन्त नेई ओग।”

13ते सोर्गदूतें बिचा ओसने कुसे कन्ने कदें आखया, “तू मेरी सज्जी बखी बैठ, जेसलै तकर के आऊँ तेरे बैरीयें गी तेरे पैरें दे थलै दी पीढ़ी नेई करी दियां?”

14के ओ सारीयां परमेसर दी सेवा टैल करने आलियां आत्मा नेई, जेड़ीयां उद्धार आसल करने आलें आसतै सेवा करने गी पेजीयां जन्दीयां न?

Jump to: Chapter 2 →