Hebrews 5

Dogri (डोगरी नवां नियम)

← Chapter 4 Jump to: Chapter 6 →

1किके अर एक महायाजक मनुक्खें बिचा लेता जन्दा ऐ, ते मनुक्खें आसतै गै, उनै गल्लें दे बारै च जेड़ीयां परमेसर कन्ने समबन्ध रखदियां न, उसी रखया जन्दा ऐ; के पेंट ते पाप बलि चाढ़या करै।

2ते ओ अज्ञानियें, ते पुलें पटकें क्न्ने लीमी कन्ने सलूक करी सकदा ऐ, एस आसतै के ओ अप्पुं बी कमजोरी क्न्ने केरया गेदा ऐ।

3एस लेई उसी चाईदा, के जियां लोकें आसतै, उयांगै अपने आसतै बी पाप बलि चाड़ा करै।

4ते ए आदर दा औदा कोई अपने आप थमां नेई लैंदा, जेसलै तकर के हारून याजक आला लेखा परमेसर थमां पक्का नेई कित्ता जा।

5उयांगै मसीह ने बी महायाजक बनने दी मैमा अपने आप थमां नेई लेई, लेकन उसी उसै दिती, जेस ने उसी आखे दा हा, “तू मेरा पुत्तर ऐ, अज्ज मैं गै तुगी पैदा कित्ता ऐ।”

6इसै चाली परमेसर दुई जगा बी आखदा ऐ, “तू मलिकिसिदक गद्धी रीति उपर मेशा आसतै याजक बनां रौगा।”

7यीशु जिंदु च रौने दे दिनें च उच्ची बाज कन्ने पकारीयै-पकारीयै ते अथरूऐं कन्ने परमेसर जेड़ा उसी मौती थमां बचाई सकदा हा, प्रार्थना ते अर्जां कित्तियां, ते पक्ति दे कारन परमेसर ने ओदी सुनी।

8ते परमेसर दा पुत्तर ओनें दे बाबजूद बी, ओसने दोख चेली-चेली उक्म मनना सिखया,

9ते सेध बनियै, अपने सारे ओसदा उक्म मनने आलें आसतै मेशा दे उद्धार दा बुनियाद बनी गीया,

10ते उसी परमेसर थमां मलिकिसिदक दी रीति उपर महायाजक दा औदा मिलया।

11एस दे बारै च असैं मती सारीयां गल्लां आखनियां न, जिन्दा समझाना बी औखा ऐ, एसकरी के तोस उच्चा सुनना लगे ओ।

12बेलै दे वचार कन्ने तां तुसें गुरु ओई जाना चाईदा हा, तां बी ए जरुरी ऐ, के कोई तुसेंगी परमेसर दे वचनें दी शुरूआती शिखया परतियै सखा। तोस ऐसे ओई गेदे ओ के तुसें अन्न दे बदले अजें तकर दोद्द गै चाईदा।

13किके दोद्द पीने आले बच्चें गी तर्म दे वचन दी पंछान नेई ओंदी, किके ओ बच्चा ऐ।

14लेकन नाज सयानें आसतै ऐ, जिंदी ज्ञानेन्दिरियाँ बयास करदे-करदे, पले बुरे च पेद करने च मशूर ओई गेदियां न।

← Chapter 4 Jump to: Chapter 6 →