Haggai 1

Irish 1817 (An Bíobla Naomhtha 1817 (Bedell))

Jump to: Chapter 2 →

1Annsa dara blíadhain do Dhárius an rígh, annsa seiseadh mhí, annsa chéad lá don mhí, tháinic bríathar an TIGHEARNA le Haggai an fáigh go Serubbabel mhac Sealtiel, úachdarán Iúdah, agus go Iosua mhac Iosedech, an tárdshagart, ag rádh,

2¶ Is marso labhrus TIGHEARNA na slógh, ag rádh, A deirid na daóinesi, Ní tháinic an tam fós, an tam ionar chóir tigh an TIGHEARNA do chur súas.

3Ann sin tháinic bríathar an TIGHEARNA lé Haggai an fáigh, ag rádh,

4An mithid dibh, ó sibhse, comhnuighe do dhéanamh ann bhur ttighthibh díona, agus an tighse na luidhe na fhásach?

5Anois uimesin is marso a deir TIGHEARNA na slógh; Measuigh féin bhur slighthe.

6Do chuireabhair mórán, agus is beag bhearthaoi a steach; ithí, achd ní bhfuil go lór aguibh; ibhthi, acht ní bhfuiltí líonta do dhigh; éaduighthí, acht ní bhfuil áonduine aguibh seasgair; agus an té thuillios túarustal tuilligh sé túarastal dá chur a mála bhrisde.

7¶ Is marso a deir TIGHEARNA na slógh; Measuigh bhur slighthe.

8Eirghidhe súas air a tslíabh, agus tugaidh adhmad libh, agus cuiridh an tigh súas; agus biáidh dúil agamsa ann, agus biáidh mé ar mo ghlórughadh, a deir an TIGHEARNA.

9Do bhi súil agaibh ré mórán, agus féuch, tháinic sin chum beagáin; agus an tan thugabhair don bhaile é, do shéid misi air. Cred uime? a deir TIGHEARNA na slógh. Do bhrígh mo thighe atá na fhásach, agus riothuigh gach duine aguibhsi dhá thigh féin.

10Uimesin do congmhadh an taiér ós bhur ccionn ó dhrúcht, agus do congmhadh an talamh ó na thoradh.

11Agus do ghoir misi air thiormach air an ttalamh, agus air na sléibhtibh, agus air a narbhar, agus air an bhfíon núadh, agus air a nola, agus air an nísin noch do bheir an talamh amach, agus air dhaóinibh, agus air airnéis, agus air uile sháothar na lámh.

12¶ Annsin dúmhluigh Serubbabel mac Seáltiel, agus Iosiah mhac Iosedech, an tárdshagart, maille re huile íarsma an phobail do ghúth an TIGHEARNA a Ndía, agus do bhríathraibh Haggai an fáigh, (mar do chuir an TIGHEARNA a Ndía úadh é,) agus do bhí eagla air an bpobal roimhe an TTIGHEARNA.

13Annsin do labhair Haggai teachtaire an TIGHEARNA a tteachdaireachd an TIGHEARNA ris an bpobal, ag rádh, Atáimsi maille ribh, a deir an TIGHEARNA.

14¶ Agus do chorruigh an TIGHEARNA súas spiorad Sherubbabel mhic Seáltiel, úachtarán Iúdah, agus spiorad Iosuah mhic Iosedech, an tárdsagart, agus spiorad íarsma an phobail uile; agus thangadar agus doibrigheadar a ttigh THIGHEARNA na slógh, a Ndía,

15Annsa cheathramhadh lá fhithchiod don tseiseadh mhí, annsa dara blíadhuin do Dhárius an rígh.

Jump to: Chapter 2 →